المساعد الشخصي الرقمي

مشاهدة النسخة كاملة : من شاور ماجهل


صويب البرق
08/02/2015, 02:53 AM
السلام عليكم ورحمة الله وبركاته

اخواني الأعزاء في هذا المنتدى الجميل الله يعطيكم ألف ألف عافيه على جهودكم

اخواني عندي مشكله كبيره وبحثت عنها بالمنتديات ولكن للاسف مالقيت جواب السووأل اللي ببالي
موضوعنا عن مراوح السوبارو
سيارتي هايلكس 2004 بسبب الحراره فكيت البلف واذا وقفت زادت الحراره
وصيت خويي من القصيم بمراوح سوبارو وجابها لي كامله مع الكتاوت والظفيره جاهزه باقي اشبك الاسلاك فقط
طبعا الأسلاك
1-سلك الكهرباء
2-سلك الماس
3-سلك تشتغل المراوح ع السوتش
4-سلك تزيد سرعتها ع المكيف
5-سلك للحراره طبعا يلزم حساس
طبعا شبكتها على السوتش ممتازه لكن مع الممشى ارتفاع الحراره بشكل ملحوظ بسيط
الحين يبدأ سوألي......
1-طريقة شبكها مع السوتش ماهو معجبني ابغى الافضل من هذا
2-حساس الحراره أبغى كم رقمه ومكان تركيبه مع الصور
3-مكان توصيل الاسلاك بأماكنها الصحيحه مثل المكيف والحراره
المعذره ع الإطاله لأني شفت ان الموضوع مهم للجميع
ردودكم ومشاركتكم وآرائكم تهمني ويستفيد من لايعلم
والله يكتب لكم الاجر على جهودكم ومساعدتكم للمحتاجين المساعده
بن جلاجل
08/02/2015, 09:36 AM
عليكم السلام
الي اعرفه بخصوص الشبكية الي سويته صحيح انك تشبكها على السلف
ثانيا الحساس مقاسه على ما اظن 75 ويركب في الكوع وسبق ان شفت ناس مركبينه في الخرطوش بس اكثر الناس تركب الحساس في الكوع واعذرني ما حولي صور
ابوراكان تبوك
08/02/2015, 11:19 AM
انصحك انك تعرف سبب الحراره أفضل

وماهي الاصلاحات اللي انت سويتها للحراره غير المراوح

مشكلتك اللي انت ذكرتها سببها ياطرمبه او تماتيك مروحه


بالنسبه لي ما اعرف طريقة تركيبها لكن هذا شرح مقارب
http://www.mekshat.com/vb/showthread.php?t=514351
ا ل ح
08/02/2015, 02:39 PM
اذا انت في الرياض رح لورشة الدغيري يركبها ب 180-200
صويب البرق
08/02/2015, 10:50 PM
انصحك انك تعرف سبب الحراره أفضل

وماهي الاصلاحات اللي انت سويتها للحراره غير المراوح

مشكلتك اللي انت ذكرتها سببها ياطرمبه او تماتيك مروحه


بالنسبه لي ما اعرف طريقة تركيبها لكن هذا شرح مقارب
http://www.mekshat.com/vb/showthread.php?t=514351

مشكور يابو راكان
بالنسبه لسبب الحراره غطاء الراديتر يهرب وارتفعت الحراره للخط الاحمر ومن بعدها الحراره على النص بالبلف وفكيته واذا وقفت تصل للنص بدون بلف
لكن الان انا اشتريت بلف ولاركبته والمراوح ركبتها وفقط شابكها على السوتش
رقم 1
09/02/2015, 12:07 PM
ياخوي مشكلتك من الاديتر يحتاج تسييخ وا تغيير على حسب لازم تفك وتشوف وبعدين اذا كانت دبة الرصاص اللي بعد القزوز موجودة شيك عليها ترى هي اذا سكرت مع الوقت ترفع الحرارة على المكينة والمكينة بدورها ماعندها متنفس الا الاديتر واضعف شي في الاديتر الغطاء وهذا اللي اتوقع اللي صاير معك

وبعدين الهايلكس ترى مايعرف الحرارة لان نظام تبريده حلو والمراوح الكهرب ماهي حل اذا الحرارة موجودة خذها مني صلح اللي قلتلك وبعدما تضبط الحرارة طبيعي ساعتها ركب مراوح سوبارو
صويب البرق
09/02/2015, 11:15 PM
ياخوي مشكلتك من الاديتر يحتاج تسييخ وا تغيير على حسب لازم تفك وتشوف وبعدين اذا كانت دبة الرصاص اللي بعد القزوز موجودة شيك عليها ترى هي اذا سكرت مع الوقت ترفع الحرارة على المكينة والمكينة بدورها ماعندها متنفس الا الاديتر واضعف شي في الاديتر الغطاء وهذا اللي اتوقع اللي صاير معك

وبعدين الهايلكس ترى مايعرف الحرارة لان نظام تبريده حلو والمراوح الكهرب ماهي حل اذا الحرارة موجودة خذها مني صلح اللي قلتلك وبعدما تضبط الحرارة طبيعي ساعتها ركب مراوح سوبارو

حياك اخوي اللي سويته سيخت الاديتر ولانفع وشيكت على طرمبة الماء ممتاز دفعها وفكيت دبة الرصاص ونفس الحال وغيرت كلتش مروحه بـ 500 ريال اصلي ولانفع وكشفت ع الخراطيش ممتازه والبلف فكيته وطاحت الحراره لكن ترتفع مع الوقفه فوق النص وكل ورشه اجيها واقول باللي غيرته يقول خلاص ماعندك الا الرأس يمكن فيه تنسيم بسيط عاد المهم اني اقول عسى المراوح تنهي الحراره وإخر حل ان شالله
ابوراكان تبوك
10/02/2015, 12:32 AM
فيه شرح للمهندس أصيل الحجازي

طريقه تكشف لك الراس هل مشعور او لا وبدون فك

تصب نيله ملابس زرقاء ( السائله ) في الاديتر وتستخدم السياره يوم وبعده تمسح الشكمان من الداخل بقطعه قمش ابيض ان طلع معك زراق في المسح فك الراس واكشف عليه

لكن ترا الاديتر يتضرر أيضا من الحراره تتعفط مجاريه ويحشر الماء ماينفع الا تغيير

انت افحص الراس اول
رقم 1
10/02/2015, 10:24 AM
حياك اخوي اللي سويته سيخت الاديتر ولانفع وشيكت على طرمبة الماء ممتاز دفعها وفكيت دبة الرصاص ونفس الحال وغيرت كلتش مروحه بـ 500 ريال اصلي ولانفع وكشفت ع الخراطيش ممتازه والبلف فكيته وطاحت الحراره لكن ترتفع مع الوقفه فوق النص وكل ورشه اجيها واقول باللي غيرته يقول خلاص ماعندك الا الرأس يمكن فيه تنسيم بسيط عاد المهم اني اقول عسى المراوح تنهي الحراره وإخر حل ان شالله




اجل غير حساس الحرارة من الوكاله وتراه رخيص وتقدرتركبه بنفسك
هذا اخر احتمال