تسجيل الدخول

مشاهدة النسخة كاملة : عزم البرادو 2013 أصبح ضعيف بعد تغيير البخاخات !!


kanas999
08/02/2015, 10:13 AM
السلام عليكم ورحمة الله وبركاته ,,,

وأسعد الله أوقاتكم بالخيرات ....

عندي برادو خليجي موديل 2013 وصار عندي مشكلة (تأخير بالتشغيل)
مريت الوكالة , وبعد التشييك قالوا لازم تغير البخاخات ..

تم التغيير ولله الحمد .. لكن عزم ضعف جدا ..
التشغيل حاليا ممتاز وكذلك عزم الموتر ع الطريق ممتاز , لكن في البر الموتر ضعيف جدا ويغرز بالردمية مع ان الدبل شغال !!!...

ما رأي أصحاب الخبرة ؟

ولكم كل الشكر والتقدير ,,,
ابوراكان تبوك
08/02/2015, 11:26 AM
الوكاله ماعندهم الا تغيير واتوقع بخاخات موترك الاولات مع التنظيف تخدم اكثر من 10 سنوات قدام

لكن ماهو السبب الاساسي هل عبيت موترك من محطه غير نظيفه

اذا عندك تقطيع في السرعات العاليه لايبقى سوى الصفايه

اذا مافيه تقطيع ع السرعات العاليه رده للوكاله

وموترك تماتيك او عادي
kanas999
08/02/2015, 12:48 PM
الوكاله ماعندهم الا تغيير واتوقع بخاخات موترك الاولات مع التنظيف تخدم اكثر من 10 سنوات قدام

لكن ماهو السبب الاساسي هل عبيت موترك من محطه غير نظيفه

اذا عندك تقطيع في السرعات العاليه لايبقى سوى الصفايه

اذا مافيه تقطيع ع السرعات العاليه رده للوكاله

وموترك تماتيك او عادي


هلا بك يا غاااالي وشاكر لك تجاوبك ...

هو كان فيه عيب في زنبرك البخاخات وكان يعلق في تشغيل البصمة وتم استدعاءه من قبل وزارة التجارة ..

وهم غيرو كامل البخاخات ..
لا يوجد تقطيع ع السرعات العالية ابدا ..
والموتر اوتوماتيك

المشكلة الان فقط في العزم في البر , اصبح يغرز في الردمية ):
ميدان التحدي
09/02/2015, 02:48 AM
يمكن الوكاله عبو الكفرات هواء واجد
ابوراكان تبوك
09/02/2015, 03:45 AM
فعلا شف هواء الكفرات

لو كان عايدي ممكن يكون سبب آخر

لكن التماتيك يمشي في الطعوس افضل من العايدي

اتوقع موترك مابه خلاف تأكد من هواء الكفرات اذا ماتبغاه يوقف في الرمل خلي ضغطها 20-25
fee__foo
09/02/2015, 10:30 AM
ياخيي لاتوسوس معي موتر برادو 2011 ومره وسوست ان الموتر عزمه ضعيف بالبر وكان وقت مطر وضاق صدري وانزل هواه ل 20 ومير ينط النفود وانا جالس :) صيغة مبالغه عاد ...
kanas999
09/02/2015, 01:43 PM
يامال العافية ..
وما قصرتو جميعاً ..

انا كنت منسم الكفرات 15 تقريبا
المشكلة اللي عندي ان العزم ضعف بعد التغيير .. هذا اللي انا ملاحظه !
الوقيدي
09/02/2015, 09:16 PM
السلام عليكم : تأكد فقط أن البخاخات نفس الرقم القديم . ,أن الافياش راكبه تماما .
اليامي قطر
09/02/2015, 10:04 PM
رده الوكاله
أبن ثعلي
10/02/2015, 09:16 AM
الوقيدي
السلام عليكم : تأكد فقط أن البخاخات نفس الرقم القديم . ,أن الافياش راكبه تماما .

انا معك يالوقيدي احتمال كبير ان عدك شي مرتخي

شيك على مسامير القواعد والافيشاش راكبه زين

قد مرت علي المشكلة ذي في الباث فاندر وتم حلها عن طريق ميكانيكي ممتاز لكن ما وديتها للوكالة
ابوراكان تبوك
10/02/2015, 11:40 AM
البنزين مايوصل مضبوط للمحرك هذا اخر احتمال
السبب مثل ماذكر الوقيدي يا ارقام غير مطابقه للسياره او انه لاتعمل جميع البخاخات او برمجه

افضل شي ترده لهم اذا باقي ع الضمان