محتار

[ابوعلي4]

السلام عليكم ورحمة الله وبركاته
اخواني الان انا ناويت انشاء الله اشري ساكتون فايروخ 80 وفايروخ 35 بس المشكلة اني ماحصلة عند الرميح 80 5.5 بس عندهم 4.5 فهل 4.5 مثل 5
5 ولا لا يعني احتريهم شهرين لحد ماتوصل
شكرا

[رعود الحجاز]

حياك الله ابو علي

اول شي انت وش تبي تصيد فيها وش الي ناوي عليه ؟
اذا فري وقميري ترا ماتفرق معك 4.5 او 5.5 اشوفهم يؤدون غرض واحد واصابه واحده
الاختلاف فقط في حجم الفشق واكثر ما اشوف الحين الـ 4.5
والي يعرف لها صح يختار نوعية الفشق وتختلف انواعه بالوزن والخفه والتأثير على الطير
ولاتنسى ان الفايروخ بطبيعة الحال قويه جداً
فايروخ 80 +فشق مدبب 4.5 = يسدح القميري مكانه

هذا رأيي الشخصي ولو احد عنده رأي ثاني يفيدك

[ابوعلي4]

الله يعطيك العافية بس الافضل 5.5 او 4.5 ادور الافضل

[ابن فهدالشمري]

اذا صيدك كبير قميري وخضاري و حولها الافضل ٥.٥
واذا صيدك صغير الدخل بانواعها فالافضل ٤.٥

لكن دامك بتاخذ ثنتين خل ال ٣٥ للطيور الصغيره وحجمها ٤.٥
و ال ٨٠ خلها للطيور الكبيره وحجمها ٥.٥

ببداية استخدامك لل ٨٠ حجم ٤.٥ ما راح تفرقها عن ٥.٥ لكن بعد فتره تبدى تروح عليك صويب

[ارثمس]

نصيحه ونا خوك خذ ٤.٥ والله ان ٨٠ الفايروخ لها معي سبع سنوات والله انها ما خلت شي قمري وصفار ولاوازيق وسمان وضبان وترى ٥.٥ ما تلقاه متوفر بكل محل احيانا تضطر وتشتري فشق من المحطه نصيحة مجرب

[Skr1405]

4.5 تأدي الغرض انا معي اسبانيه من مسافة ٣٠متر تقريبآ رميت حمامه وجلست محلها من قوة الرميه
واتوقع الصتم متوفر بكل محل والبندق ارخص

[talali]

المشهور ٤.٥ ويذبح القمري والحمام خاصة لاكانت معاك ٨٠ قويه

[أبوصالح9]

4.5 ولا تفكر -

[ابوعلي4]

بس المشكلة اني راح اشري اثنين 35 و80 فالافضل 4.5 او5.5 للثمانين

[محمد ابن عيد]

حياك الله ي الغالي
ان كان صيدك كبير مثل القميري و الصفاري الخ
فا 4.5 و ال 5.5 تكفي و توفي اذا كان بندقك 80 و فوق
مع اني اميل ل 5.5 دام بندقك 80

[أبوصالح9]

ياجماعة الخير 4.5 اسرع من 5.5 - مثل الحلبي بالشوزن كل ما كبر صار ثقيل لكنه اقوى على الصيده

واذا تبي شوري يابو علي خذ 30 + 80 لان 35 قوية شوي وتقطع الصيد الصغير

انا عندي 30 وارمي الدخل منن مسافة 25 متر وينسدح مكانه
و80 للطيور الاكبر حجم مثل الصفار والقميري

انا تكلمت من تجربتي وانت بكيفك