الدبه الايطاليه يورو كامبينق

[خليل909]

السلام عليكم ورحمة الله وبركاته

ياخوان عندي دبة ايطاليه يوروكامبينق 5رطل ايطاليه شاريها من عام 2006تقريباً واستخدامي لها قليل جداً يمكن عبيتها 4مرات فقط المهم بعد حوادث الاسطوانات الله يكفينا واياكم شرها صرت حريص منها حيل المهم ياخوان عبيتها غاز قبل كم يوم وخليتها في العزبه من دون الراس ومن دون محول اذا فتحت العزبه فيه ريح غاز حاولت اكتشف فيها تسريب مالقيت حطيت فيري في مويه وكبيت على البلف مافيه تنسيم عجزت اعرف من وين تجي ريحة الغاز وهي بالنسبه لحالتها شبه جديده نظيفه جداً لاخدوش ولاصدا ولا طعوج نهائي ولاكن عقدتني في هالشغله هذي وش الحل مدري

[ناصح]

وعليكم السلام ورحمة الله وبركاته

يا أخ خليل لقطع الشك باليقين

غطسها بشكل كامل في الماء مثل شغل البناشر مع الكفرات

لتتأكد من كل أجزاء الاسطوانه سواء الصمام أو مخرج الغاز أو اللحام

وفي اعتقادي قد يكون من بقايات الغاز الزائد الذي خرج وقت التعبئة

لكن الاطمئنان مطلوب

وننتظ نتيجة الفحص..

[ابو سلطانه]

الله اعلم ان يوم عبيت الدبه سال الغاز علي الدبه وترك اثر وريحه والعمليه بسيطه اغسل الدبه بالماء والصابون وشوف تروح الريحه ولا

وياليت تفيدنا


ارجو ان اكون قد اصبت

[أبوصالح9]

عادي جدا - هذا من اثر الغاز على الدبه يوم انك عبيتها- لكن انت جرب مثل ما قال اخونا ناصح - وان شاء الله ماهنا الا العافية

تحصل معي دايم

[خليل909]

بيض الله وجيهكم جميعاً وان شاء الله ابي اسوي طريقة اخونا ناصح وافيدكم بالنتيجه . وسالفة الغاز انه سال يوم عبيتها طرت علي ولاكن ماتوقعت يبقى لحد الحين لاني عبيتها يوم الاربعاء الي فات

[خليل909]

الحمدلله تم عمل مانصحني به الاخ ناصح والاخوان ولم يتبين فيها اي تنسيم وتم تغطيسها بالماء وايضاً تم وضعها برغوة فيري ولم يتبين فيها اي تنسيم

[درب الدخول]

اذا عبيت الدبه زياده عن اللزوم يبدا بلف التنسيم يطلع الغاز بشكل بسيط وذلك للامان
سبق وان صار معي في دبه بريموس
حاول تطبخ عليها حتى ينخفض الغاز اللي فيها

[عبدالرحمن305]

ممكن صوره للدبه
اخ خليل

[خليل909]

ابشر لاكن ان شاء الله الصباح اضيفها

[خليل909]

اذا عبيت الدبه زياده عن اللزوم يبدا بلف التنسيم يطلع الغاز بشكل بسيط وذلك للامان
سبق وان صار معي في دبه بريموس
حاول تطبخ عليها حتى ينخفض الغاز اللي فيها

الغاز الي فيها ماهو زايد عن حده وسبق وان شبكتها على الموقد ولعته علشان ينخفض الغاز

[خليل909]

اخ عبدالرحمن هذي صورة الدبه والي عليها ماهو صدا اثار احتكاك من بعض الاغراض بالعزبه
http://i.imgur.com/IlpOU4h.jpg

[خليل909]

http://i.imgur.com/UQOvYsn.jpg

[اصيل نجد]

السلام عليكم صبحكم الله بالخير بالنسبه للريحه الغاز طلع الغاز بمكان مفتوح بعيد عن اللهب بحوش مثلا واضغط الابره حقه البلف واقلب الدبه لين يطلع الًغاز سائل ثواني بس هالطريه ينظف الجلده الداخليه للبلف .
وخذ الحذر من الغاز ربي يحفظ الجميع دربك درب السلامه .

[شايب حرب]

بعض الدبات السستة حقت بلف التعبئة ضعيفة وبعد التعبئة ينسم الغاز من البلف



لذلك بعد تعبئة الدبة الافضل تركيب الراس على الدبة لمنع التنسيم من البلف



دائما تحصل لدي بعد التعبئة او فك الراس من الدبة يحدث تنسم للغاز



اسأل الله السلامة للجميع

[A7MAD-STYLE]

اذا عبيت الدبه زياده عن اللزوم يبدا بلف التنسيم يطلع الغاز بشكل بسيط وذلك للامان
سبق وان صار معي في دبه بريموس
حاول تطبخ عليها حتى ينخفض الغاز اللي فيها

فعلا كلام سليم وأتوقع هو الأقرب للصواب ان لم يكن هو الصواب بعينه

وهذا اللي الاحظه في الدبة اللي عندي ام 5 رطل بعد كل تعبئة من محلات الغاز وجود رائحة غاز في الشنطة الخاصة بها
لأن الظاهر والله أعلم ان العامل يعبيها بزياده ..
لكن بعد أول طبخه عليها وبعد انخفاض مستوى الغاز فيها تختفي الريحة والحمد لله