المساعد الشخصي الرقمي

مشاهدة النسخة كاملة : صوت احتكاك من القير او الكارونه ؟؟


اليامي قطر
13/02/2015, 08:01 AM
السلام عليكم ورحمه الله وبركاته

اخواني عندي موتر الوالد GX-R ... 2005 تماتكـ

من سنه تقريبا فيه احتكاك خفيف وهالايام بدا يزيد من الصفر ومع السرعه

يتزايد واذا شلت رجلي من البنزين تخف اشوي

حتى عزم الموتر تردى يعني تعب اشوي

زيت القير مواضب على تغييره مع الفلتر والقازقيت

فما رايكم يااهل الخبره بالموضوع ؟؟
جني صغير
13/02/2015, 09:19 AM
شيك على الكراسي المكينه والقير
اليامي قطر
13/02/2015, 09:51 AM
شيك على الكراسي المكينه والقير

تهقى الكراسي تسوي كذا ؟

للررررررفع
cadillac911
13/02/2015, 02:05 PM
ما فيه اي مشاكل ثانيه نقص زيت او دخنه او اي شي حتى لو يأكل بريكات


اذكر الله تكسب حسنة
اليامي قطر
13/02/2015, 06:58 PM
ما فيه اي مشاكل ثانيه نقص زيت او دخنه او اي شي حتى لو يأكل بريكات


اذكر الله تكسب حسنة

ابدن مافيه نقص والحمدلله

لااله الا الله محمد رسول الله
اليامي قطر
13/02/2015, 06:59 PM
اليوم فكيت عمود الدبل وانقطع التأكل تقريبا

وانتقل الصوت ورا !!
الا سير
14/02/2015, 12:07 AM
صليبات عمود الكردان والدبل تسوى هالمشكلة
شيك عليهن
اليامي قطر
14/02/2015, 07:25 AM
صليبات عمود الكردان والدبل تسوى هالمشكلة
شيك عليهن

الله يعطيك العافيه

اشيك عليها اليوم ان شاءلله واعلمكم
اسكاليد 07
15/02/2015, 12:52 PM
صوت الونه غالباً تكون من الدفرنس خاصه انك تقول لما تشل رجلك عن البنزين تخف وهذا للاسف الشديد ما يتصلح لازم تبدل دفرنس كامل واذا احد صلحه لك بيقولك اضمنه شهر او شهرين لانه راح ترجع الونه مره ثانيه , هذه المشكله موجوده عندي في الاسكاليد مالي وانتظر لين ينتهي الدفرنس عندي عقب بغيره لان سعره غالي 4500 درهم مع الدبل بالقديم ..
عاشق الددسن84
15/02/2015, 09:45 PM
اس كاليد مدام العكوس زينه سنتهم ولا خربت ركب كرونه لحاله بتقل عليك التكلفة لانه بياخذ رجيع حقك ويبيع العكس الواحد ب ١٠٠٠ ريال والعكس الثاني ١٠٠٠ ونت تتخسر والله يعينك
اليامي قطر
15/02/2015, 11:05 PM
تم اصلاح المشكله ولله الحمد

اليوم غيرت عمود الدبل جديد من الاحساء ب 850 والتركيب 150 ريال

ظبط الموتر صااااافي ولافيه اي احتكاك والحمدلله

وشكرا لكم اخواااني
cadillac911
16/02/2015, 05:08 PM
الشكر لله حنا ما سوينا الا اللي علينا ساعدنا اخونا في الله


اذكر الله تكسب حسنة
اليامي قطر
16/02/2015, 09:03 PM
جزاكم الله خير وكلكم خير وبركه
اسكاليد 07
18/02/2015, 09:48 AM
يا هلابك اخوي عاشق الددسن ،العكوس ماعرف شو تقصد فيها اذا هي نفسها الاكسل رود فهو سليم والمشكله اللي عندي اغلب الكراجات ويانا في الامارات قالوا من الكارونه وللأسف محد يقدر يصلح لانه يحتاج وزن دقيق وساعه وزن غير متوفره حتى فالوكاله يعني ما عندي غير اني اغير دفرنس كامل من التشاليح ..

وسبب المشكله هو اني سويت ميزانيه ارضيه ربما يختلف المسمى وياكم الى ترصيص وكانت التنيجه خراب الدفرنس لان اذكره لما كان يوزن على الجهاز كان تاير واحد يدور والثاني واقف وفجأه يدور معاه ويوقف وكان يطلع صوت طقة بالدفرنس وعصبت عليه قلته لا يخرب الدفرنس قال عادي وبعد اسبوع بدا يطلع الصوت شوي شوي بين 110 / 120 لين الحين صار على كل السرعات بس الصوت خفيف جداً يمكن نسبه 30بالمئه