قير ددسن 97 تعطل

[fisal1419]

السلام عليكم ورحمة الله وبركاته

اخواني الاعزاء يشرفني انضمامي في هذا المنتدى ومشاركتم في مشاكل السيارات والفائدة لي ولاخواني الاعزاء

السياره ددسن 1997 غمارتين

المشكله قبل كم يوم طلع صوت حنه وانا جاي من البر ولما وصلت الديره الا هو زايد الصوت وصار مثل الطحن واتوقع رمانات القير المهم رحت للصناعيه لقيت القير مافيه زيت وعبيته زيت وقمت افر ادور قير تشليح لكن ما لقيت دون 3000 ريال وانا خايف من التشليح وقير السياره مافكيته ومادري وش وضعه لاني مشتريها قبل مده واستمر يمشي حوالى اسبوع ولا يوجد تهريب زيت
المهم امس وانا امشي هديت عند مطب وهو يصلب القير وادف السياره الى الرصيف وارفع رجلي عن الكلتش ماتقوم السياره بجميع النمر وحتى الفاضي كانها معشقه ومربوط الجلنط ماتقوم لين تطفي
والمكانيكيه يقولون بدل افضل

فما هي المشكله مع العلم جميع التبديلات ممتازه ولا فيهن تفليت او قر نهائي

ارجو فزعتكم

[خالد الاصيل]

الله يعينك وانا اخووووووووووووكــ
مالك إلا تغير القير نظيف من التشليح
ابقولك تجربة اخوي البقير الدداسن
**************
!) اخوي معه دادسن مديل94 مثلك الزيت خلص وخبط القير ، وراح لمكانيكي عندنا بالديره هندي قاله احضرلي قطع الغيار وابوظب لك القير قاله ان الجماعه والناس يقولون توظيب ماينجح قاله هاتلي قطع الغيار اوضب لك القير ع مسؤوليتي التامه اتحمل كل شي ان خرب قيرك
قاله الهندي اوظب لك القير قطع اصلي افضل من انك تاخذ قير تشليح ماتعرفه

وايضا اضحكو عليه الربع قالو له من يوم عرفنا السيارات القير مايوظب
المهم الهندي قاله هاتلي الغيار وفعلا احظر له قطع الغيار و وظب له القير
ولله الحمد والشكر مااشاء الله القير له معه الان اكثر من 6 سنوات ماشي معه بالتمام وخطوووط طويله وبرااان وكرف
القير لاصوت ولاغيره ومليان ،،،
***
وطبعا المكانيكيه اللي قالو لك غير القير لأن توظيب القير يحتاج ماهر صح يضبطه ،، واللي موجودين يتعلمون الشغله للاسف ،،، فقط فك ركب
*********** للاسف الهندي ساااافر لأن كفيله ضيق عليه بالراتب وكل شي حتى طفش وسااافر ومن يوم سافر و الورشه داجه مافيه من يدخلها لأن العالم تبي هاالهندي
*******

فا وانا اخوك مالك إلا تشوووف قير تشليح نظظظيف مافك وعليه ظمان ،،، والله يوفقك

[fisal1419]

السلام عليكم
يعطيك العافيه احوي خالد

انا بالشمال بطريف ولا حصلت قير تشليح بسعر معقول والمشكله كلها بدون ضمان يوم ويومين هذا يدل على رداءة القير

والاسعار من 2500 الى 3000 ريال والصراحه مالي خاطر بالقير من التشليح

واتصلت بوكالة الكسر بحفر الباطن قالوا لي جب المجموعه ونشوف القطع التعبانه نعطيك بدالها والقطع اصليه والسعر من 1500 الى 1700 ريال مجموعه كامله مع الزيت واذا تروس التبديلات سليمه والنحاسات سليمه مايكلف واجد

وننتظر اراء باقي الشباب والله يكتب اللي فيه خير

[وطن العزة]

الله ييسر لك أمرك , لا تستعجل يمكن يبيله طقم كلتش

على العموم توضيب القير العادي صعب ونادر اللي يضبطه و حتى لو ضبطه مستحيل يرجع مثل أول

أنا موضب قير ددسن 93 بورشة صبيا بالدمام من عام 2005 الى يومك ما شاء الله ماشي ولا فيه

شي غير العزم خف بشكل ملحوظ و ثقل على المكينه

وقتها ركبت من التشاليح حول الـ 4 قيور وكلها ما تصلح تخسرت قيمة فك وتركيب على الفاضي لين رضيت بالواقع ووضبت :D

[fisal1419]

السلام عليكم

اشكر اخواني الذين ردوا على الموضوع

وان شاء الله ابي افك القير واشوف وش المشكله وارد لكم لاني مشغول هذه الايام

والله يكتب اللي فيه خير