المساعد الشخصي الرقمي

مشاهدة النسخة كاملة : مشكلة خطيرة في الفايروخ80


احلى نواف
14/02/2015, 07:24 PM
مساء الخير يا الشيوخ في الحقيقة عندي فايروخ ثمانين جابت لي الضغط

احط اي شي تصيدة غطا ماء ام نص القرش تصيدة كل شي الا الا الطير

الطير تختلف وزنيتها عطيتها 10 جربوها غيري تصيد الشارة بس الطير ماتصيدة

تكفووون الي عندة خبرة في ها المشكلة يفيدني وللمعلومية

غيرت العلم الي فوق وغيرت العلم الي تحت القرش ثلاث مرات مافية فايده
محمد ابن عيد
14/02/2015, 07:52 PM
حياك الله ي الغالي
تجيب القرش ولا تجيب الطير !!
غريبه لكن اظنك من ربعي اللي لاشافوا الصيد ضاعت علومه
سم بالله و هد و ارم وباذن الله تجيبها
و ان ماصدت انا اشوف ان البندق ممتازه دامها تجيب القرش
اللي هو اصغر من الطير بمراحل
فالك الشحم و باذن الله تصيد
الشمروخي
14/02/2015, 11:12 PM
انت رسخت شي براسك وعلق وعلقته بروس اخوياك زي ماقال اخوي بن عيد سم بالله وانس هالافكار
ارثمس
14/02/2015, 11:56 PM
كلامك غير صحيح ال80 من اطيب البنادق لها معي 7 سنوات والله من احسن ما يكون بس يبيلك تتركد وترا الوزن يختلف اذا كان انك ترمي الشاره بالارض ويختلف اذا وضعت الشاره مرتفعه متر لازم ترفع بالوزن شوي اختصارا يبيلك وقت لتكسب الخبره وتتعود عليها
خالد الغنامي
15/02/2015, 12:31 AM
اخوي ساكتون الهواء فعلن ادنى ما اخلف رميها والعوامل كثيرة منها

1- الرياح
2- اهتزاز محرك السيارة اذا كنت ترمي داخلها الموتر

احس مشكلتك من الخيار الثاني جرب تطفي المحرك قبل الرمي وتحسب حساب الهواء القوي او الرياح

ومن ناحية الفايروخ 80 الساكتون طيبة ومجربة وما عليها كلام
أبوصالح9
15/02/2015, 12:46 AM
وش نوع الصتم المستخدم - وهل مسافة القرش اللي رميته مثل مسافة الطير - جرب الصتم التشيكي ( match ) الاخضر - راس مشطوف واعيدها راس مشطوف وليس مدبب - وان ما صادت تراني شراي للبندق
احلى نواف
15/02/2015, 01:56 AM
يا الربع الساكتون لها عندي ١٣ سنة

الخراب هاذامن العام صار لي

وخليت اكثر من واحد يرمي بها ممكن اذا ما ابالغ عشرة نفس المشكلة

الزبدة تعبت لأَنِّي عارف بندقي عشر سنوات وزنيتها وحدة بس مدري وش صار لها
قاع حضوضا
15/02/2015, 02:59 AM
حط غطا الماء بشجره وأوزن عليه وتضبط امورك ون كنت ترمي بالارض اوزن على الارض
بواردي جنوبي
15/02/2015, 09:22 AM
في فرق بين لمن ترمي وانت ثابت وفرق لمن بترمي على طير فرق تثبيت السلاح واخذ وقت راحه وكافي للاستعداد لطق الرصاص وقت رمي للطير لحظه ثواني

في مشكله مرت علي بساكتون قديم بعد زمن وفترة طويله صار عندي انحراف وميلان في عامود السبطانه الطويل وكانت المشكله بسبب اني اركز السلاح في البيت بوضعية غلط ومايل على الجدار وكنت اتركه لفتره طويله ومع الرطوبه يسبب انحراف وميلان

كنت لمن ارمي على هدف معين وثابت واخذ وقتي اصوب ويضبط معي النيشان ولمن اصوب طير ماتصيب فكان المشكله من السبطانه وغيرتها اكشف على عامود السبطانه ولو فيها مشكله لاتسيخ وتعدل بدل عامود كامل جديد
ان شاء الله اكون افدتك ووصلت لحل مشكلتك
احلى نواف
15/02/2015, 12:28 PM
تصدق يا اخ بواردي اني شكيت ان الماصورة فيها مشكلة لسببين

الاول انها كانت ورى المرتبة لفتره طويلة يعني تقريبآ ٦شهو الى سنة

الثاني غيرت العلم الي فوق وعلم الي تحت القرش اكثر من ثلاث مرات

انا ليش قلت ها الكلام عشان اطلع بحل ويستفيدون الاخوان في المنتدى والي عندة خبرة لايبخل علينا فيها


شكرآ لكل من مر على موضوعي
بواردي جنوبي
15/02/2015, 12:42 PM
طيب وديها اقرب محل صيانه جرب يسوي لها تعديل سبطانه ماتكلفك حول ال 30 مع التنظيف واذا تم معالجه المشكله وطلع من السبطانه الله يعينك بوحدة جديده لأنه بيرجع نفس المشكله للقديم فريح راسك بجديد سبطانه وانصحك تسوي صيانة باستمرار ومنها غير السسته الداخليه ترجع الطلقه بقوتها مثل الجديد بحكم ان سلاحك له 10 سنين
احلى نواف
15/02/2015, 09:46 PM
كلامك طلع سليم مية با المية وديتها لفني وقال السبطانه مايله

محد يدري كم سعر السبطانة من الوكيل الرميح
بواردي جنوبي
16/02/2015, 11:05 AM
واحد من الشباب عنده ال 350 عيار 4.5 غير لها سبطانه عيار 5.5 بسعر 320 ريال اتوقع اللي معاك اقل