سيارتي الاسكاليد تناقز من الخلف

[اسكاليد 07]

السلام عليكم ورحمة الله وبركاته

كيف حالكم يا أحبه ..

ندخل بالموضوع مباشره ، طبعاً انا عندي كاديلاك اسكاليد 2007 صار له عندي 10 أشهر من اول يوم خذيته اسمع فيه صوت بالخلف لما انزل من مطب أو حفر كبيره والصوت قريب من صوت الجامبين لما يكون منتهية صلاحيته للعلم ان سيارتي هيدروليك ،

رحت كذا كراج عسب اطلع على المكشله وللاسف محد يعرف ، شكيت فالهيدروليك لا مستوى السياره نازل من الخلف بشي بسيط ، اول خطوه عملتها غيرت الماطور لانه كان عطلان بعد ما غيرته وشغلت السياره اشتغل الماطور وبدأ يدفع هواء للهيدروليك لكن للاسف طلعت البالونات تنسم وراح صاحبنا التشاليح وخذ له طقم هيدروليك خلفي حق يوكن دينالي 2013 وركبته وصار الوضع ميه ميه والسياره ارتفعت لمستوي الوكاله الطبيعي طبعاً قطع الدينالي تركب على الاسكاليد المهم وخلاصة الموضوع ان المشكله اللي حصلت عندي ان السيارة قامت تناقز من اوصل فيها سرعه 150 وفوق شووووو السبب ماعرف من 140 وتحت السياره ميه ميه ، طبعاً قبل لما كان الهيدروليك السابق العطلان على السياره كنت اقفله الاسكاليد على 180 وما يناقز :(

اللي عنده فكره على الموضوع اتمنى يفيدني لاني مسافر بعد اسبوعين الى مكه مسافه 2000 كيلو :D

وأعتذر على الاطاله :good2:

[1824]

غيرت المساعدات

[الحربي 591]

هو اللي سويته السبب بأختصار**

[مخ سعودي]

اليوم انا غيرت مساعدات هيدروليك الاماميه ٧٠٠ والخلفية ٦٠٠ ريال مو غاليه طبعا للواحد اتكلم

[اسكاليد 07]

شي يحير الصراحه يعني مساعد الهيدروليك العطلان ما كانت السياره تناقز فيه ومن ركبت مساعد هيدروليك سليم صارت تناقز مع العلم ان المساعد شبه جديد حق يوكن دينالي 2013 فاكه من السياره قدامي والسياره صارت افصل ارتفعت بس طلعت لي مشكله التنقيز .. انا حصت مساعد هيدروليك على 700 مثل ما قال الاخ لكن تجاري صناعه امريكيه والوكاله بـ 1800 الواحد لهل السبب اتجهت للتشاليح


امس اكثر من كراج والاغلبيه قالوا يحتاج برمجه للعلم ان مافي عندي اي علامه في عداد السرعه

[بورياض]

وعليكم السلام موضوعك فيه له اسباب احتمال السبب الاول شوف العمود المتصل من الدفرنس الي القير مع الشيال
احتمال الثاني يوجد عند الهوب من الداخل سلك متصل بالقماش الخلفي شبكة او وسخ نظفة وركبة وافصل البطرية لمدة عشر دقايق وافتح اسويتش التشغيل قبل تكيب سلك البطارية وبعد ذالك ركب سلك البطرية الحار اول وهوا الكهرباء الاحمر وبعد ذالك سلك السالب الاسود ولا تشغل انتظر عشر دقايق لكي يتم برمجة اعادة التشغيل وبعد ذالك انشاء الله تنحل مشكلتك وتقبل مروري اخوك بورياض

[اسكاليد 07]

جزاك الله خيراً أخوي بو رياض ، امس بطلت الهيدروليك وركبت مالي القديم ورجعت السياره تمام ما صارت تناقز بس نزلت خلفية السياره لان بالونات القديم تنسم ، وبإذن الله اليوم رايح على التشاليح استبدل الهيدروليك اللي خذيته عنهم ..

[dr.hex]

السلام عليكم ورحمة الله وبركاتة والله يا أخوي انا عندي نفس مشكلتك تنقيز بعد ال 140 طبعا الحلول الي سويتها بطرحها بترتيب ولكن لا زالة المشكلة قائمة إلى الان

1- غيرت مساعدات خلفية أصلية من وكالة الجميح بقيمة 1804 ريال
2- غيرت ماطور الهواء تبع المساعدات بقيمة 2632 ريال
3-غيرت كفرات شد بلد تبع الاسكاليد برجستون بقيمة 3600 ريال
4- غيرت طقم هوبات + الاقمشة بقيمة 3000 ريال
5- غيرت جلد بودي + الصليب الخلفي والامامي بقيمة 300 ريال تقريبا
6-غيرت مقصات أمامية يمين ويسار قيمة المقص الواحد 700 ريال تقريبا
7-غيرت كراسي مكينة بقمية 830 ريال
8-غيرت حامل او يسمونه شداد الدبل مثل الكراسي بقمية 900 ريال
9-غيرت مسامير عمود التوازن بقيمة 120 ريال
للمعلومية جميع القطع من وكالة الجميح يعني كلها اصلية المشكلة عندي باقي موجوده الا وهي تنقيز السيارة بعد 140 يعني قولو لي شي واحد ما غيرته والله يا شباب الي يعطيني حل للمشكلة هذي والله بيسوي فيني خير
اخوكم أبو عبد الله

[1824]

السلام عليكم ورحمة الله وبركاتة والله يا أخوي انا عندي نفس مشكلتك تنقيز بعد ال 140 طبعا الحلول الي سويتها بطرحها بترتيب ولكن لا زالة المشكلة قائمة إلى الان

1- غيرت مساعدات خلفية أصلية من وكالة الجميح بقيمة 1804 ريال
2- غيرت ماطور الهواء تبع المساعدات بقيمة 2632 ريال
3-غيرت كفرات شد بلد تبع الاسكاليد برجستون بقيمة 3600 ريال
4- غيرت طقم هوبات + الاقمشة بقيمة 3000 ريال
5- غيرت جلد بودي + الصليب الخلفي والامامي بقيمة 300 ريال تقريبا
6-غيرت مقصات أمامية يمين ويسار قيمة المقص الواحد 700 ريال تقريبا
7-غيرت كراسي مكينة بقمية 830 ريال
8-غيرت حامل او يسمونه شداد الدبل مثل الكراسي بقمية 900 ريال
9-غيرت مسامير عمود التوازن بقيمة 120 ريال
للمعلومية جميع القطع من وكالة الجميح يعني كلها اصلية المشكلة عندي باقي موجوده الا وهي تنقيز السيارة بعد 140 يعني قولو لي شي واحد ما غيرته والله يا شباب الي يعطيني حل للمشكلة هذي والله بيسوي فيني خير
اخوكم أبو عبد الله



جزاك الله خيراً أخوي بو رياض ، امس بطلت الهيدروليك وركبت مالي القديم ورجعت السياره تمام ما صارت تناقز بس نزلت خلفية السياره لان بالونات القديم تنسم ، وبإذن الله اليوم رايح على التشاليح استبدل الهيدروليك اللي خذيته عنهم ..

المشكلة الله اعلم اذا السيارة من الخلف تشوفونها انزل من قدام صايرة حتى لو بشوي اعرف انه الياي ممنتهي والضغط على الكمبرسر اتكلم ورى انا المساعدات ما دام الهواء شغال وترتفع السيارة مافيها شيء معناته بس الياي تغيره مو المساعد لان الياي بالاساس هو الي يتلقى الحمولة ولازم يكون رافع السيارة بسنبه معينه وبدعها الكمبرسر يرفع السيارة بالايرباقات الخلفية الي في المساعدات بسبب عدم وجود الشيالات كما في سيارات البيك اب ولكن الشيالات خشنة سواقتها زي الشاص غيرو اليايات وبأذن الله تنحل المشكلة لان الكمبرسر رافع السيارة بالمساعدات الحد الاقصى لها وداخل زي ما تقول وضعية الشاص للخشونة وضعية بر عشان السيارة تبقى ثابته على الرمل بسبب ان المساعد مو قادر ياخذ طلوعة ونزولة من ورى وبسبب ان الكمبرسر رافع المساعد الى الحد الاقصى ومعلقه امه زانطه فوق فا في الخط لم تاخذ نقزة ولا شيء خفيفة تقوم تعطيك وضعية الشاص الي يقول والله ما انزل انت انقزو داخل بعد التغير ارجعو لنا وقولو وش صار بالتوفيق لكم

[يالبى الهلا]

الهدروليك مريح مع تاخط ولكن مشاكلة واجد ومنها التنطيط او المناقزة علي سرعات فهذا ليس خراب مساعد بل معايرة مساعد عند استبدال المساعد ﻻبد من فصل اصابع الكهرباء حتي يحتفظ الكمبيوتر باخر قراءة لة وبعد التركيب تركيب اﻻصابع وعمل لة برمجة كاملة عن طريق مفتاح التشغيل ومن ثم معايرة المساعد عن طريق كمبيوتر وعمل برمجة شاملة للهدروليك

[dr.hex]

صباح الخير فعلا اخوي كلامك صح بخصوص البرمجة وافادني الفني انو سوى البرمجة تبع الهيدروليك

لكن !! نفس المشكلة وبالنسبة للاياي كلها سليمة مافيها شي صراحه احترت بقوه ولكن بخصوص البرمجة هذي تبع الهيدروليك بحاول اتاكد منها من الفني وبشوف ويش يفيدني اخوكم ابو عبد الله

[1824]

صباح الخير فعلا اخوي كلامك صح بخصوص البرمجة وافادني الفني انو سوى البرمجة تبع الهيدروليك

لكن !! نفس المشكلة وبالنسبة للاياي كلها سليمة مافيها شي صراحه احترت بقوه ولكن بخصوص البرمجة هذي تبع الهيدروليك بحاول اتاكد منها من الفني وبشوف ويش يفيدني اخوكم ابو عبد الله


الي اعرفه مافي شيء اسمه برمجة هيدروليك لانه اصلا ماهي بهيدروليك اسمها تليق بالايرباق ليفيلنج سسبنشن ماله دخل بيهدروليك وبطيخ الكمبرسر ينفخ هواء ويرفع يوازن السيارة بس اذا السيارة نازلة من ورى وهي بدون تحميل معناته الياي بنسبة 90% حتى لو ما تشوف شكله تعبان لان لازم تكون السيارة اصلا مرتفعه بأرتفاع معين بعدها الكمبرسر يرفع السيارة ليوازنها من الخلف اما اذا هي نازلة بسبب الياي من البداية والكمبرسر ينفخ ويشوف انها باقي ما توازنت يقوم يرفعها للحد الاقصى وبعدها يصير ما يقدر المساعد يتحرك لانه مرفوع للحد الاقصى تماما لموازنه السيارة بالاولوية اولى وعشان كذا تقوم تناقز زي الشاص لانه الحد الاقصى مستعمل حاليا ترى الياي رخيص وانت ما شاء الله غيرت نص السيارة ما فرقت على الياي وماردك بتغيره مستقبلآ بالتوفيق لك

[dr.hex]

هلا وغلا طيب السياره متوازنه تمام وشيكت على الياي سليم لكن عطني شورك النهائي اغير الياي يعني ؟

[1824]

هلا وغلا طيب السياره متوازنه تمام وشيكت على الياي سليم لكن عطني شورك النهائي اغير الياي يعني ؟

هل السيارة متوازنة والسيارة طافية مو شغاله انا اقصد بس تكون بدون تحميل الياي مفروض يخلي السيارة متوازنة اذا هي ماهي محمله السيارة وطافية شوف اذا نازلة سم بالله وغير وان شاء الله تنحل مشكلتك لان ما اتوقع بقى شيء تغيره غيره ولا بالتوفيق لك

[dr.hex]

السلام عليكم ورحمة الله وبركاته

صباح الخير اشكر تفاعلكم معاي

والحمد الله تم اكتشاف المشكلة المسببه للتنقيز بسيارة وللأسف انو خسرت خساير لين وصلت حل المشكلة

المشكلة كانت بالجنوط حقت السياره رحت عند واحد ابن حلال اليوم وحكيت له الموضوع كله قالي طيب شيكت على الجنوط قلت ايه شيكت قالي يعني شيكت بالطبشور على الجنط قلت كيف يعني قالي وقف السيارة وفعلا فك الجنوط وسوى الفحص تبعه وافادني انو لازم اسوي خرط لكل الجنوط قلت معقول بس خرط قالي والله اذا مو خرط انا اتحمل اي شي قلت اوكي وفعلا خرطو الجنوط وسوينا ميزان وترصيص وكله

وجربت السيارة اللهم ملك الحمد ولا احلى مشيت إلى 190 لا رجه ولا تنقيز ولا شي

[1824]

السلام عليكم ورحمة الله وبركاته

صباح الخير اشكر تفاعلكم معاي

والحمد الله تم اكتشاف المشكلة المسببه للتنقيز بسيارة وللأسف انو خسرت خساير لين وصلت حل المشكلة

المشكلة كانت بالجنوط حقت السياره رحت عند واحد ابن حلال اليوم وحكيت له الموضوع كله قالي طيب شيكت على الجنوط قلت ايه شيكت قالي يعني شيكت بالطبشور على الجنط قلت كيف يعني قالي وقف السيارة وفعلا فك الجنوط وسوى الفحص تبعه وافادني انو لازم اسوي خرط لكل الجنوط قلت معقول بس خرط قالي والله اذا مو خرط انا اتحمل اي شي قلت اوكي وفعلا خرطو الجنوط وسوينا ميزان وترصيص وكله

وجربت السيارة اللهم ملك الحمد ولا احلى مشيت إلى 190 لا رجه ولا تنقيز ولا شي


الحمدلله على السلامة والله يسهل عليك ان شاء الله وتكون اخر مشاكلك

[mhstr]

صارت معي رجه ماخليت شي ماغيرته وكل غيرت مقات وكرسي كربكس وزن كنبيوتر في الاخير طلعت كفره وحده تعبانه وماهي محبله

[اسكاليد 07]

السلام عليكم ورحمه الله وبركاته

الله يبارك متفاعلين فالموضوع جزاكم الله خيراً

الحمد لله يوم الخميس عملت برمجه للهيدروليك وصارت السياره ميه ميه اقفل العداد على 180 بدون تنقيز والحمد لله ..

بالنسبه للأخ اللي خسر آلاف على الفاضي ما أقول غير الله يعوضك خير على هل المصاريف ..

انا جنوط الاسكاليد عندي مقاس 17 شد بلد غيرتها لمقاس 22 تجاري وصارت السياره ترج بعد 120 ما تم شي ما سويته لاجل ارتاح من هذه المشكله سويت ترصيص وكانت الطامه اللي خربت علي الدفرس وياريت لو نفعت سويتها على الفاضي ، والان الدفرنس فيه ونه وراح اغيره خلال هذا الاسبوع بإذن الله لأن بإذن الله لي سفره الى مكه 2000 كيلو هذا الاربعاء ..

بالاخير رجعت جنوطي الوكاله ورجعت السياره لسابق عدها ، ونصيحه للاخوه اللي يفكروا بشكل السياره على جنوط 22 مثلي ترا الشكل مب مهم مقابل هالمخاسير 3200 حق الجنوط والتواير و4500 حق الدفرنس وللعلم نصحني صاحب محل للاطارات اذا ما رجعت جنوط الوكاله راح يخرب الدفرنس وهذا اللي صار..

لانه مصمم يستحمل وزن جنوط الـ 17 مب جنوط الـ 22

[اسكاليد 07]

وفعلاً بخصوص خرط الجنوط هذا اللي اكتشفته وقت تبديل الجنوط من 22 الى 17 لاحظت انها تحتاج مخرطه عسب تثبت عدل على درام ويل ( ماعرف شو تسمونه وياكم فالسعوديه :D) بس وقتها كنت كاره الجنوط وركبت جنوطي الـ 17 والحمد لله ، قبلها كانت قومه السياره ثقيله ومن رجعت الـ 17 رجعت مثل قبل خفيفه ..

[dr.hex]

لاحظ انت غيرت الجنوط مقاس 22 تجاري الاصلي يفرق 360 درجة معاك للمعلومية

وحلات الاسكاليد بجنوطه ترى ههههههههههه

وان شاء الله توصل مكه بسلامة بس قبل تسافر حل مشكلة الدفرنس وراك خط طويل روحة ورجعه :)

[اسكاليد 07]

الله يسلمك أخوي

هذا ترا اللي يلحق الشكل بغيت اكشخ وجبت العيد :D

الحين مخلص دوامي وساحب عليه للتشاليح بغير الدفرنس وبوافيكم بالاخبار بإذن الله بكره

[اسكاليد 07]

الحمد لله تم تغيير الدفرنس بآخر لاسكاليد 2014

الله يبارك تغيرت السياره كامل معاي صار وزنها خفيف وانطلاقتها سريعه مب مثل قبل كأنها عيوز ناشه من النوم :D

[dr.hex]

الله يطرح بالموتر البركه ان شاء الله وأهم شي تاخذ ضمان للدفرنس وبغيت اسالك عن مخرج aux

موجود عندك او لا ؟

[turki_20041]

اخوي الغالي ,
طبعا الدينالي والاسكاليد نفس نظام التعليق , فمساعداته بالكهرباء ويوجد بها نظام المغناطيس auto ride system وهذا النظام يحول المساعدات الى وضعين ( مريح أو سبورت ) على حسب السرعه والحموله , فإذا زادات السرعه عن 150كم/ساعه تحول نظام الجامبينات ( المساعدات ) الى وضع سبورت فتصبح السياره قاسيه وتناقز , واذا قلت السرعه عن 150كم/ساعه اصبحت في وضع مريح .
هذه المعلومة من نفس كتالوج السياره , لأني عانيت من هالمشكلة في سيارتي دينالي2012 من يوم طلعتها من الوكاله , وكذلك صوت طقه في الامام واحيانا من الخلف عند المطبات .

[turki_20041]

السلام عليكم ورحمة الله وبركاته

كيف حالكم يا أحبه ..

ندخل بالموضوع مباشره ، طبعاً انا عندي كاديلاك اسكاليد 2007 صار له عندي 10 أشهر من اول يوم خذيته اسمع فيه صوت بالخلف لما انزل من مطب أو حفر كبيره والصوت قريب من صوت الجامبين لما يكون منتهية صلاحيته للعلم ان سيارتي هيدروليك ،

رحت كذا كراج عسب اطلع على المكشله وللاسف محد يعرف ، شكيت فالهيدروليك لا مستوى السياره نازل من الخلف بشي بسيط ، اول خطوه عملتها غيرت الماطور لانه كان عطلان بعد ما غيرته وشغلت السياره اشتغل الماطور وبدأ يدفع هواء للهيدروليك لكن للاسف طلعت البالونات تنسم وراح صاحبنا التشاليح وخذ له طقم هيدروليك خلفي حق يوكن دينالي 2013 وركبته وصار الوضع ميه ميه والسياره ارتفعت لمستوي الوكاله الطبيعي طبعاً قطع الدينالي تركب على الاسكاليد المهم وخلاصة الموضوع ان المشكله اللي حصلت عندي ان السيارة قامت تناقز من اوصل فيها سرعه 150 وفوق شووووو السبب ماعرف من 140 وتحت السياره ميه ميه ، طبعاً قبل لما كان الهيدروليك السابق العطلان على السياره كنت اقفله الاسكاليد على 180 وما يناقز :(

اللي عنده فكره على الموضوع اتمنى يفيدني لاني مسافر بعد اسبوعين الى مكه مسافه 2000 كيلو :D

وأعتذر على الاطاله :good2:

اخوي الغالي ,
طبعا الدينالي والاسكاليد نفس نظام التعليق , فمساعداته بالكهرباء ويوجد بها نظام المغناطيس auto ride system وهذا النظام يحول المساعدات الى وضعين ( مريح أو سبورت ) على حسب السرعه والحموله , فإذا زادات السرعه عن 150كم/ساعه تحول نظام الجامبينات ( المساعدات ) الى وضع سبورت فتصبح السياره قاسيه وتناقز , واذا قلت السرعه عن 150كم/ساعه اصبحت في وضع مريح .
هذه المعلومة من نفس كتالوج السياره , لأني عانيت من هالمشكلة في سيارتي دينالي2012 من يوم طلعتها من الوكاله , وكذلك تسمع صوت طقه في الامام واحيانا من الخلف عند المطبات

[اسكاليد 07]

يا هلا بك أخوي تركي ..

بخصوص الطقة اللي عندك من الامام اذا كنت تحسها تحت دعسه البنزين فهذا عيب مصنعي من 2007 لـ 2014 وماله اي تأثير على السياره صح انه لما اسمع الطقه يطق قلبي وراها لكن لنا الله تعودت عليها ، وهي غالباً تكون لما تهدي حق مطب او لفه او تطلع من مطب او لفه ..

بخصوص الصوت اللي يطلع عندي من الخلف على المطب أجمعوا العلماء على انها من البوشات اللي تكون بين قاعدة السياره ( الشاصي ) والبدي ...

اما التنقيز بعد 150 مستحيل يكون طبيعي ، ومثل ما قلت الهيدروليك السابق اللي عندي كنت اقفل السياره على 180 وما تناقز بس كانت مشكلته البالونات تنسم لهل السب وبدلته بمستعمل من التشاليح ليوكن 2013 وصارت مشكلة التنقيز بعد 150 واسبدلته بآخر مستعمل من التشاليح لدينالي 2014 وعملت له برمجه كمبيوتر وصار الوضع تمام اقفل العداد على 180 بدون اي تنقيز والحمد لله السياره ارتفعت ..

في أحد الاخوه في المنتدى ذكر هذه المشكله ان سيارته تناقز بعد 150 وغير الهيدروليك الخلفي والمساعد الكهرب الامامي وضبطت اموره والحمد لله ..

يعني انت ياخوي دام سيارتك جديده اتوقع يبالها برمجه كمبيوتر وتصير فالسليم ..

وازيد على هذا الموضوع ان نسيبي خذ يوكن دينالي 2013 من وكالة الامارات على الزيرو ومافيه اي مشكله لا تنقيز ولا طقة خلفيه أما الطقة الاماميه موجوده ورجع السياره الوكاله وقالوا له طبيعي مثل ما قلت لك سابقاً ..

ملاحظة : للاخوه اللي يبون يبدلوا الهيدروليك مستقبلاً اذا خرب عليهم ( لا تركبون مساعدات عاديه ) ترا الهيدروليك مب غالي سعر الحبه بـ 700 أو 600 جديد ايسدلكو او أي شركه امريكيه من موقع EBAY شو لكم بالمساعدات العاديه والتحذير اللي بالطبلون بسبة ذا التغيير اللي انتو في غنا عنها ..

صحيح ان الهيدروليك بالوكاله غالي الحبه بـ 1800 بس بلاها مساعداتهم خلوها ترمم عندهم السوق مليان الحمد لله ..

الله ايسر أموووووركم ..

[اسكاليد 07]

الله يطرح بالموتر البركه ان شاء الله وأهم شي تاخذ ضمان للدفرنس وبغيت اسالك عن مخرج aux

موجود عندك او لا ؟




آمين يارب ، وجزاك ربي خيراً ..

وسامحني نسيت ارد عليك ، هذا الزر Aux موجود عندي في لوحة التحكم بالمكيف وهو لتشغيل المكيف الخلفي ، اما بخصوص السيارات الجديده اتوقع بعد 2010 تغيرت الكلمه على نفس الزر إلى Rear ..


بس انت قلت مخرج :confused:

اذا قصدك وصله حق شاشة السياره فهذا مب موجود عندي موجوده في السيارات الحديثه من 2010او 11 وطالع اللي يجي فيها مدخل واحد حق الـ cd ..