المساعد الشخصي الرقمي

مشاهدة النسخة كاملة : قدر الحجر


خليل909
17/02/2015, 06:29 PM
ياخوان استفسار عن هالقدر مدري حجر او فخار فيه زخمة طبخ وكيف اروحها منه علماً اني خليته بالشمس ثلاث ايام وخليته على الجمر تقريباً ساعه كامله وباقي فيه زخمه وريح طبخ وياليت احد يفيدني وين احصله جديد
http://i.imgur.com/Vl4IDzw.jpg
خالد الخطير
17/02/2015, 07:05 PM
الاواني النحاسيه و الالمنيوم و الحجريه تمسك نكهة الطبخ الي تطبخ فيه

على نقيضها الستيل ، اذا غسلته رجع كوضع المصنع

ولو غسلت اي قدر نحاسي او المنيوم او حجري بعد الغسيل ، وفتحت الغطى بعد فتره بتشم رائحه الطعام باقيه فيه رغم تنظيفه

،،،،،،،،

بالنسبه للحجر قد يفتيك احد عن طريقة تنظيف خاصه بهالنوع

اما اماكن التواجد في الرياض اذكر محلات على الدايري الجنوبي

ولعل احد يعطيك فكره عن اماكن اخرى تتواجد فيها

ولو تعرف احد من اهل الجنوب توصيه يشتري ويرسله لك يكون اصلي وافضل

واعتقد نجران وجيزان اكبر مدينتين مصنعه لهالقدور الحجرية
خليل909
17/02/2015, 07:42 PM
لاهنت اخوي خالد بيض الله وجهك وننتظر اهل الخبره في هالقدور
خالد الخطير
17/02/2015, 07:54 PM
طريقة قد تفيدك بتنظيف القدر من جديد

http://www.albreah.com/vb/t10409.html
الثمري
18/02/2015, 01:43 PM
.

.

.

حيا الله الأخ خليل 909

أدناهـ رابط موضوع لـ أحد الأعضاء

عن مثل هـ القدور

وفيه رقم جوال

ممكن تتواصل معه على الواتس

وإن شاء الله انه بـ يفيدكـ

.

.

ارعص هون خيو (http://www.mekshat.com/vb/showthread.php?t=621906)


.

.

.

.
سهيل واحد
19/02/2015, 04:01 PM
غسله زين.. بعدها خله بالشمس ينشف.. الا نشف صب فيه زيت زيتون اصلي الين يتعبى 25% منه يعني ربع القدر.. غط القدر بغطاه و خله بالشمس لمدة ثلاث ايام ( 72 ساعه ).. بعد كذا حط القدر على شوي جمر (لا تكثر عليه الجمر) .. و كل ما احتمى زد على جوانبه جمر (يعني بالتدريج).. و الا شفت جدار القدر الخارجي يعرق (يزيت) انتظر الين يقلب الزيت بالقدر من فعل الجمر.. بعد كذا شل القدر من فوق الجمر وخله اللين يبرد هو و الزيت بعد كذا غسل القدر و خله ينشف بالشمس (لا تنشف القدر بخرقه او مناديل او اي شي).. الا نشف اطبخ و بالعافية يا عم.
خليل909
19/02/2015, 10:26 PM
جزاك الله خير وماقصرت وان شاء الله لي تجربه بهذي الطريقه ولاكن هل اغسله بصابون عادي مايضر