بعد تغيير البواجي لفورد اكسبدشن 2012 صار يطفي

[exe2015]

بسم الله الرحمن الرحيم

مساكم /صبحكم الله بالخير جميعا

بعد المعاناة بصوت التكايات للاكسبدشن 2012
وحلها بالزيت الثقيل وبعد ظهور علامة المكينة والمشكلة بالبواجي وخاصة البوجي رقم 3
تم بحمد الله تغييرها نفس الرقم ومن الوكاله وعلى الاستمارة
لكن بعد التركيب السيارة تشتغل طبيعي ولا تفتفة ولا تقطيع .
لكن اذا دعست بنزين خفيف وفكيت رجلي ينزل ظغط المكينة الي دون الواحد وتطفي السيارة
ماطلع لي اي علامة بالطبلون بعد التركيب

سؤالي الله يبارك فيكم
هل تحتاج الى إعادة برمجة
الفني عند فكه للبواجي طلع الكويلات كلها وتلخبطت ورجع ركبها من جديد هل هذا السبب


الي عنده حل لايبخل علينا فله دعوة من اخيه بظهر الغيب

[الحربي 591]

اخوي

ركب الكويلات زين وشد افياشها يمكن ما تنتج شراره وتطفي

وصوت التكايات ماله شغل في البواجي!!
لكن زين انها اختفت

[exe2015]

اخوي

ركب الكويلات زين وشد افياشها يمكن ما تنتج شراره وتطفي

وصوت التكايات ماله شغل في البواجي!!
لكن زين انها اختفت



يالامير والله الافياش شيكت عليها وفصلت كل واحد وارجع اركبه من جديد لين اسمع انه طق لأنه زي الكلبس.. مادري وش علته

[الحربي 591]

يالامير والله الافياش شيكت عليها وفصلت كل واحد وارجع اركبه من جديد لين اسمع انه طق لأنه زي الكلبس.. مادري وش علته

طيب حاول تفك الكويل وارفعه شوي شوف تطلع شراره منه ولالا

ترى الشراره ما تطلع الا اذا الكويل لاصق بالبوجي


او روح سوي فحص كمبيوتر للكويلات ويوضح لك اي واحد

ونظف الثروتل ببخاخ ايسيدلكو تلقاه عند محلات الزينه

[exe2015]

فحصنا يا رجال وقال لي عندك الكويل 2.3.4
وش الراي اغير الكويلات المذكورة ولا انفض الكويلات كلها
نبي الراي يااخوان

[بورياض]

هلا ياشيخ سو اعادة برمجة وترجع الي حالتها الطبيعية تحصل كثير عندنا بالوكالة افصل سلك الكهرباء وسلك السالب بشرط تخلي لسويتش مفتوح بدون تشغيل وتنتظر 15 دقيقة وبعد ذالك تشبك الكهرباء والسالب وتنتظر 15 دقيقه وبعدها تطفي السويتش وتقفل الابواي بالريموت وتفتح وشغل وبشرط ترجع الي حالتها الطبيعية

[exe2015]

هلا ياشيخ سو اعادة برمجة وترجع الي حالتها الطبيعية تحصل كثير عندنا بالوكالة افصل سلك الكهرباء وسلك السالب بشرط تخلي لسويتش مفتوح بدون تشغيل وتنتظر 15 دقيقة وبعد ذالك تشبك الكهرباء والسالب وتنتظر 15 دقيقه وبعدها تطفي السويتش وتقفل الابواي بالريموت وتفتح وشغل وبشرط ترجع الي حالتها الطبيعية



ابجرب الطريقة . وان شاء الله تنفع

[exe2015]

السلام عليكم

عدنا لكم يااخوان
الطرق الي ذكرتوها مانفعت
فحص كمبيوتر طلع لي 2.3.4
بدلت مابين 5.6.7 بمكان 2.3.4 نفس المشكلة مما يعني ان الكويل ممتاز
ايضا يوم فكيت الكويلات الربله والسبرنق كأنه جديد.
بقي اني اقيس الكهرباء الواصله للسلك حق البواجي واشوف كم القراءه
مازل عندي شك ان التكايات هي سبب العلة مع ان مافيه صوت طقطقة

[I2.7]

اخوي حط زيت 5w20 وتختفي صوت التكايات وتشتغل المكينه طبيعي ..
الزيت الثقيل هو المشكلة

[1824]

ارجع لزيتك 5w20 وجرب مرة ثانية وشوف بالتوفيق لك

[الزافر]

اخوي شيك على حساس الهواء


بنسبة للبواجي والكويلات اذا فيها مشكله تسبب تفتفه مستمره ولخبطه بالتغييرات

[exe2015]

عدنا لكم

مازالت المشكلة قائمة وهي تفتفة وانا واقف كأن يبي له كراسي مكينة ويشرب بنزين شرب

نصحني احد الاخوان يتغيير حساس عمود الكامات وتم تغيير الاثنين بدون اي فائدة

تم تغيير البواجي مثل ماذكرت وكذلك الكويلات وعمل برمجة جديدة . للأسف ايضا بدون نتيجة

بقي نغير التكايات وامرنا لله . ونطلب من الله ثم منكم بالورشة الزينة بالرياض والامين الي يطبق المكينة بعد الشغل

[exe2015]

للرفع رفع الله مقداركم

[سعيد الصبحي]

اخوي يمكن عندك راس الديلكو اللي تركب عليه وايرات الكويلات يحتاج تغنظيف او تغيير .. او يمكن الواير لاحقنه زيت من جهة الديلكو .. تأكد وشوف عسى تطلع منها المشكلة وتنظفها وترتاح

[وجعين]

أنا مغيرهن قبل فترة لكن ترى الطفيه ماله دخل بالبواجي تلقاه فاصل سلك كهرب يوم يفك البواجي ونسى يرجعه البواجي له دخل بصفاوة السيارة لكن الطفيه ياحساس كهرب او مثل ماقلت لك لكن موترك جديد ليش تغير بواجيه

[الشواوي]

المشكله والله العالم عندك بحساس الدعسة

[exe2015]

اخوي يمكن عندك راس الديلكو اللي تركب عليه وايرات الكويلات يحتاج تغنظيف او تغيير .. او يمكن الواير لاحقنه زيت من جهة الديلكو .. تأكد وشوف عسى تطلع منها المشكلة وتنظفها وترتاح


يالغالي الفورد مايجي ديلكو فقط كويل ومنظم مدمج معه وشيكنا كل الكهرباء مافيه اي سلك او كيبل او سلك متجرح
مثل ماقلت بالردود كل شي غيرته
لكن مازال التقطيع والتفتفه وظهور الخطاء p303 وبعض الاحيان p301





أنا مغيرهن قبل فترة لكن ترى الطفيه ماله دخل بالبواجي تلقاه فاصل سلك كهرب يوم يفك البواجي ونسى يرجعه البواجي له دخل بصفاوة السيارة لكن الطفيه ياحساس كهرب او مثل ماقلت لك لكن موترك جديد ليش تغير بواجيه


تابع الردود بعدها الحمد لله بداء مايطفى لكن التفتفه والتقطيع والعزم الضعيف





المشكله والله العالم عندك بحساس الدعسة

مااعتقد منها لاننا نضفناه ولا استفدنا فقط المشكلة p303 و p301 بعض الاحيان

[الشواوي]

هذي اخطاء سلندر رقم 3 ورقم 1 فيهم مشكلة

[اابواحمد]

لاتغير شي افحص وكالة جهاز الكشف الي عندهم مخصص لفورد وشف وش يطلع بلفحص وغيره

[exe2015]

هذي اخطاء سلندر رقم 3 ورقم 1 فيهم مشكلة

صحيح واعتقد انها من التكايات حقات السرندل 3 و1






لاتغير شي افحص وكالة جهاز الكشف الي عندهم مخصص لفورد وشف وش يطلع بلفحص وغيره



فحصت بجهاز مثل حق الوكالة والاخطاء طلعت p303 p301

[سعيد الصبحي]

اخي هذي الكودات تعني انه السلندرات رقم ١ و ٣ ما تجيها كهرباء صح ... المشكلة في الكويلات او وايراتها او غطا موزع الكهرباء اللي يركبن عليه وايرات الكويلات .. هذا اللي انا كنت أقصده بالديلكو فمشاركتي السابقة

[سعيد الصبحي]

للعلم ممكن يكون دبة التلوث من ضمن الأسباب .. لكن استبعدها كون السيارة جديدة نوعًا ما..

[exe2015]

اخي هذي الكودات تعني انه السلندرات رقم ? و ? ما تجيها كهرباء صح ... المشكلة في الكويلات او وايراتها او غطا موزع الكهرباء اللي يركبن عليه وايرات الكويلات .. هذا اللي انا كنت أقصده بالديلكو فمشاركتي السابقة



يالغالي غيرت كويل جديد للسرندلات الي طلع فيهن خطاء + بواجي +فحص الكهرباء الداخل للكويل وكلها سليمه ومع ذلك يظهر الخطاء في كل مرة
انت لو تلاحظ المشكلة من البداية ووضعت موضوع عنهى انه كان صوت داخل المكينة والكل اجمع انها تكايات وبعد اختفاء الصوت مباشرة ظهرت الاخطاء مما يجعل عندي قناعة بأن المشكلة هي من التكايات الي موجوده فوق سرندل 3 و1

[exe2015]

ايضا الصوت كان من جهة السرندلات 1234

[كهرووب]

طيب قيس الضغط حق سلندر 1, 3 وتاكد

[exe2015]

طيب قيس الضغط حق سلندر 1, 3 وتاكد



وش الاشياء الي تظهر حال قياسي لظغط السرندل ؟يعني يبين لي هل التكاية او شي اخر متعطل

[وجعين]

الله اعلم ان المشكلة ماتزال في الكويلات..... انا قبل أغير الكويلات ضعف الموتر وصار يترتر وطاح عزمه وصار مايتعدى١٠٠ حتى اني شكيت ان المشكله بلمكينه تخبيط او من هذا القبيل ثمن شكيت بلقير مالك بالطويله وديته القافله فحصوا كمبيوتر قالوا عندك عدد٢ كويل منحرق اخذتهن الواحد ١٢٠ وطقم بواجي٣٣٠ وزبط الموتر لايصير شبكهن غلط وحترقن ثانيه بعدين الاكسدبيش مايداني الدعسه الفجائية هي سبب احتراق الكويلات

[exe2015]

الله اعلم ان المشكلة ماتزال في الكويلات..... انا قبل أغير الكويلات ضعف الموتر وصار يترتر وطاح عزمه وصار مايتعدى??? حتى اني شكيت ان المشكله بلمكينه تخبيط او من هذا القبيل ثمن شكيت بلقير مالك بالطويله وديته القافله فحصوا كمبيوتر قالوا عندك عدد? كويل منحرق اخذتهن الواحد ??? وطقم بواجي??? وزبط الموتر لايصير شبكهن غلط وحترقن ثانيه بعدين الاكسدبيش مايداني الدعسه الفجائية هي سبب احتراق الكويلات



الحمد لله على كل حال
انا شريت جديد عدد 2 كويل وغيرتها ونفس المشكلة
ايضا بدلت الكويلات 1و3 ب 5و6 وطلع لي نفس الخطاء p303 وهذا دايم يطلع لي ويطلع لي p301 بس موب بشكل دايم

يعني سالفة الكويل نشيلها
هل التكايات الي فوق السرندل 3 و1 تسبب تفتفة ورجة وضعف بالعزم

[الشواوي]

بدل اسلاك البواجي للكويلات التي ذكرتها باسلاك اخرى وجرب

[وين الصيد]

يالغالي
انت تقول اصلحت صوت التكايات باستخدام الزيت الثقيل وهذا ماهو اصلاح هذا لهمدة وله اضرار
البوجي رقم ثلاثة وش اسباب تعطلة
كله من الزيت الي غيرت
ارجع لزيت الشركة المصنعة وراح تنهي معك كل المشاكل

[exe2015]

يالغالي
انت تقول اصلحت صوت التكايات باستخدام الزيت الثقيل وهذا ماهو اصلاح هذا لهمدة وله اضرار
البوجي رقم ثلاثة وش اسباب تعطلة
كله من الزيت الي غيرت
ارجع لزيت الشركة المصنعة وراح تنهي معك كل المشاكل



رجعنا لزيت الوكاله ولاتغير شي وانا اخوك
الزيت الثقيل ماطول بالموتر مجرد ما اختفى الصوت بدلته