ياجماعه نبي حل جزاكم الله خير

[Abutalal20]

السلام عليكم ورحمة الله وبركاته

معي باجيرو 2007 ربع 3،800 مكينه

اذا غيرت الزيت ومشيت تقريباً 2000 ينقص ربع علبه واذا مشيت زياده ينقص زياده عن الربع
علماً ان السياره ما تدخن ولا شي وقفته شوي وانا مشغله ودعست دعسه ما طلع دخان لا ابيض ولا ازرق ، الصراحه ما ادري وش السبب علماً ان الموتر ماشي 200،000الف ولا الاحظ فيه تهريبات ، بس تلاحظ ريحة البنزين اذا كنت واقف خلف السياره ، وفيه عند فتحت الشكمان كأن فيه زيت او تنديه بفتحت الشكمان .

وش الخل وهل فيه مكانيكي فاهم بالباجيرو بالقصيم بريده

وجزيتم خيراً

[سالم2015]

شوف أخوي ماء الراديتر مخلوط زيت والا لا ؟
اذا كان مخلوط معه زيت لازم تغير الثلاجة

واذا كان ماء الراديتر ما فيه زيت ؟ تأكد أنك تغير زيت ثقيل شوي .
بالنسبة لريحة البنزين .أصبر عليه شوي لكن اذا استمرت حاول تسوي له تصفية ( تغيير بواجي وأسلاك بواجي )

وانصحك تروح لأي ميكانيكي لأن الباجيرو بسيط يعرف له أي ميكانيكي . مو شرط متخصص .

[أحمد محمد1429]

بالنسبه للريحه اضبط مسمار الهواء

[1824]

بالنسبه للريحه اضبط مسمار الهواء

يا اخوك السيارة كمبيوتر اي مسمار هواء الله يصلحك بس

سو لها تصفية والنقص اذا كل 2000 كيلو عادي ربع علبة ولا شيء في سيارات جديدة تطلع من الوكالة تنقص ربع كل 2000 كيلو اهم شيء مافي دخان وان لمن تجي تغير الزيت لمن تطلع العيار باقي فيه زيت هنا معناته وضعك باقي في السليم بالتوفيق لك

[Abutalal20]

جزاكم الله خير

بالنسبه للسياره الحمد الله ماتدخن وضعه طبيعي بس مثل ما قلت على ٢٠٠٠ لازم يكون فيه نقص
علماً انه الزيت اذا غيرته ما تمشي لك ٥٠٠ او ٨٠٠ كيلو الا يقلب لونه اسود لاكن اللزوجه موجوده
فيه ناس تقول سو غسيل للمكينه ، وبنشري قال لي غير الزيت وامش ١٠٠٠ وبعدين غير وامش ١٠٠٠ ثلاث مرات وتنظف المكينه

[سيف وقلم]

نقص ربع علبة كل ٢٠٠٠ كم، يعتبر عادي وما أتوقع فيه مشكلة، كل ما مشى ٢٠٠٠ عايره وزده.


وشف لك واحد معه مثل موترك، وشف ينقص معه وإلا لا، لإن بعض السيارات طبيعتها النقص من الوكالة.


عندك بلف التبخير يسبب نقص، غيره وشف وسعره مهوب غالي.

[IBRAHIM55]

فيه معالج لنقص الزيت اذا كان بداية تآكل بالسلندر
يحل لك المشكله بدون توضيب واذا بغيت رقم
اللي يبيعه أرسلته لك على الخاص

[Abutalal20]

ياليت ترسله اي يا اخ ابراهيم والله يجزاك خير

[ابوهاشم a]

غير نوعيه الزيت لن بعض انواع من الزيت تتبخر حصلت جرب سوبر شل وشف

[ateeq7]

http://www.foxpic.com/V0kThKSp.png

كثر الكلام عن النقص الزيت في المحركات ولاكن هل النقص طبيعي ام وسواس عند البعض
في ناس اقل نقص في المحرك يروح المكانيكي و يخسر فلوسة ويوضب المحرك و بدون نتيجه تذكر
الصورة التي ارفقتها توضح كل التسألات عن مقياس الزيت

انا من الناس ما اشجع الشخص يعمل غسيل للمحرك و خصوصا اذا مداوم على تبديل الزيت بانتظام نحن في الخليج مش نفس الامريكان نزود وممكن كل سنه يغير زيت

الخلل الحقيقي في نقص الزيت هو ضعف ضغط البساتم و دخول الزيت من تحت البستم الى فوق البستم وحتراق الزيت في غرفة الاشتعال و ذالك بسبب ضعف الرنج بستم او توسع السليف هنا يفضل عمل توضيب للمحرك

اول خطوه الواحد يعملها يقيس ضغط البساتم هل هي طبيعيه ام ضعيفة

[عيد القضيب]

يعطيكم العافية

[Abutalal20]

جزاكم الله خير