القير مايعشق مع صوت بسيط أسفل اليوكن

[فارس بن عقاب]

السلام عليكم
عندي يوكن ألفين دبل ونظيف لكن الدبل من فترة طويلة ما يشتغل ولا نحتاجه
المهم اليوم راح السوق الصبح وشوي وهو راجع يقول السيارة ما تمشي
ووصل يمشي ببطأ وبعد ما حط القير على البي صار القير ما يعشق نهائيا
عصا القير تتحرك لكن ما يعشق في اي شي
وفي ملاحظة وهي عند التشغيل اسمع صوت طقه بسيط تذكرني بصوت الدبل لياشبك يوم كان يشتغل علما ان الدبل غير مفصول الان
ايضا صوت حكه بسيط كأنه صوت الشكمان يحك في شي
أرجو من يعرف حل لهذه المشكة يفيدنا جزاكم الله خير أيضاً افضل الورش

[بورياض]

هلا ياشيخ شيك على الزيت القير واذ تمام شم ريحته الزيت اذ تشم ريحت حراق غير الزيت مع الفلتر طبعآ اذ بارد يمشي كويس بس يسخن يضعف عزم الموتر وثاني شيئ الدبل مايئثر على ممشى السيارة يضعف العزم صحيح بس مايمنع تعشيق السيارة وحاول تتأكد بفصل الدبل يمكن معلق او معشق بتعشيق الفاضي حاول تعشق الدبل وتمشي مسافه خلف موقدام تمشي وبعدها فصله وانشاء الله تضبط الامور تقبل مروري اخوك بورياض

[يالبى الهلا]

السلام عليكم
عندي يوكن ألفين دبل ونظيف لكن الدبل من فترة طويلة ما يشتغل ولا نحتاجه
المهم اليوم راح السوق الصبح وشوي وهو راجع يقول السيارة ما تمشي
ووصل يمشي ببطأ وبعد ما حط القير على البي صار القير ما يعشق نهائيا
عصا القير تتحرك لكن ما يعشق في اي شي
وفي ملاحظة وهي عند التشغيل اسمع صوت طقه بسيط تذكرني بصوت الدبل لياشبك يوم كان يشتغل علما ان الدبل غير مفصول الان
ايضا صوت حكه بسيط كأنه صوت الشكمان يحك في شي
أرجو من يعرف حل لهذه المشكة يفيدنا جزاكم الله خير أيضاً افضل الورش
تأكد من صلاحية الزيت بواسطة العيار ومدي الرائحة الكريهة في الزيت اذا ﻻيوجد المشكلة بسيطة حساسات

[فارس بن عقاب]

الله يجزكم خير ما قصرتو
لكن سؤال الدبل اذا معلق هل يعطل القير
السارة الان واقفه والقير ما يعشق العصا تتحرك لكن ما يعشق وعند التشغيل اسمع طقه تحت مثل طقة الدبل اذا شبك فقط بعد تشغيل السيارة مباشرة
اما بخصوص الزيت الزيت زايد شوي ولا في ريحة احتراق
ملاحظة الدبل زر ماهو عصا

[1824]

جرب شغل الدبل وعشق اذا عشق الموتر معناته الدبل كان مفضي وفضى القير معه وبعد ما يعشق الموتر رجعه دفع خلفي بدون دبل وان شاء الله امورك تمشي ورد علينا بالتوفيق لك

[فارس بن عقاب]

هلا اخوي
حاولت اشغل الدبل لكن ما طلعت بنتيجة لانه من الأساس كان طافي ولاعمرنا شغلناه ثانيا حاولت اشغله ما ادري هو شغال ومعلق او ما يشتغل لكن اعتقد بانه يشتغل مع تشغيل السيارة مباشرة ومعلق للآني اسمع طقه بعد التشغيل مباشرة مشابهه جدا لصوت الدبل اذا شبك
عموما استفدت الكثير منكم جزاكم الله خير
والأقرب الان ان الدبل مفضي ومفضي القير معه

[1824]

هلا اخوي
حاولت اشغل الدبل لكن ما طلعت بنتيجة لانه من الأساس كان طافي ولاعمرنا شغلناه ثانيا حاولت اشغله ما ادري هو شغال ومعلق او ما يشتغل لكن اعتقد بانه يشتغل مع تشغيل السيارة مباشرة ومعلق للآني اسمع طقه بعد التشغيل مباشرة مشابهه جدا لصوت الدبل اذا شبك
عموما استفدت الكثير منكم جزاكم الله خير
والأقرب الان ان الدبل مفضي ومفضي القير معه

اجل تاكد من حساس الدبل من تحت ان الافياش راكبة زين حساس الكرونة الامامية وحساس السرعة كل شيء تاكد منه من تحت راكب في محلة حساس القير انه في اي نمرة تاكد من تحت ان الفيش راكب ولا مقطوع سلك ولا شيء بالتوفيق والله يسهل عليك

[dr.hex]

السلام عليكم ورحمة الله وبركاته

اخوي اذا المشكلة عندك انو القير ما يعشق فقط العصا الي تتحرك هذي صارت معي من قبل

وكانت المشكلة من السلك تبع القيرر تحصله انقطع او انفصل شغلتها بسيطه غير سلك القير وبتكلفك تقريبا 200 ريال وبتزين امورك

اخوك ابو عبد الله

[اسكاليد 07]

صحيح كلام الأخ dr.hex (http://www.mekshat.com/vb/member.php?u=323018) لان زميلي فالعمل صارت معه نفس المشكله في سلفرادو 2008 وطلع السلك أو بالاحرى مب السلك لان السلك صعب ينقطع طلعت الربل اللي تمسك السلك مقطوعه والحل تبديل سلك كامل لان الربل ما تجي لحالها ..

الله ايسر امورك ..

[بورياض]

هلا يالرجال اليوكن ماله سلك شوف احسن طريقة افصل العصى الدبل من تحت مسمار واحد يربط عصى القير او شوف ارفع السيارة من الشاص الاربعة كفرات بشرط متكون ماسكة بالارض وحاول تحرك الكفر الامامي اذ ماسك افصل الفيش من الكمبيوتر بالجنب تشوفه وافصل عمود الدبل يكون القفل حق الدفرنس مكسور ويعلق ومستحيل يفصل الين يضغط السبرنج كلتش القير سو الي ااقولك وشرط يضبط اخوك بورياض

[فارس بن عقاب]

السلام عليكم

اشكركم جميعا وللأسف جبت ميكانيكي متخصص بالقيرات وقال القير يحتاج توظيف ما في حل ثاني

المهم اللي ابيه منكم ماهي أفضل الورش للتوظيف ، أو هل هناك مستعمل أرجو الافادة

[يالبى الهلا]

ﻻتاخذ باقوالة مر تكثر من واحد بعضهم نصااااااابين

[فارس بن عقاب]

هو جاني لحد البيت جزاه الله خير

وقال الزيت فيه ريحة احتراق ، ويقول لو العصاء تتحرك من غير ما يعشق هذا سلك القير
اما اذا كان يعشق ويتحرك بسيط أو ما يتحرك المهم يعشق هذا مشكلة في القير

[يالبى الهلا]

القير لة مختص قيوووور ماكل ميكانيكي يعرف لة

[فارس بن عقاب]

فعلا لا بد من مختص في القيرات لتحديد المشكلة

لكن وين المختص هذا ، انا لازم أوديه هاليومين ماعندي وش تنصحوني

وين الورش المتخصصة في القيرات

[تنومه1]

لا تستعجل لا تستعجل لا تستعجل لا تستعجل لا تستعجل لا تستعجل لا تستعجل

فيه ورشه مختصه بالهشغلات وصاحبها شاب سعودي وميكانيكي ونصوح

راجع الخاص عندك وتلقى تفاصيل عنوانه

[فارس بن عقاب]

شكرا اخوي

وصلتني رسالتك وجزاك الله خير

[فارس بن عقاب]

السلام عليكم

في البداية أشكر كل من شاركنا وجزاكم الله خير

طلعت المشكلة الطنجة وحاجات متكسرة ووضبناه توظيب كامل عند ورشة بالصناعية القديمة كان اسمها القير السعودي والحين (مختصين بتوظيب القير الاوتماتيكي) كلهم سودانيين مديرهم اسمه سمير

لكن طلعت نتعه بسيطة بعد الثاني ورجعت لهم قالو عاديه وعندك ضمان 4 شهور