صرفيه بنزين

[Saad20900]

السلام عليكم ربع باترول 4500 موديل 2005يصرف بنزين ماهو الحل

[يالبى الهلا]

تاكد من البواجي والكويلات يكون في بعض اﻻسلاك قطع
اةعدم وصول الشرارة كاملة يؤدي الي صرف بنزين زيادة

[Saad20900]

قبل سبوع مغير البواجي واسلاك بواجي جديده اصلي وكاله

[يالبى الهلا]

هل نظفت الفلتر مع حساس الهواء MAF ممكن متسخ ويعطئ قراءة للكمبيوتر ويزيد ضخ البنزين اكثر ﻻبد من تنظيفة طريقة تنظيف سهلة بواسطة بخاخ الكهرباء حق منظف الكترونيات يفصل اصابع البطارية ويفك الحساس ةينظف خارجي

[قمر القصب]

طبيعي الباترول يصرف

كان عندي قبل كم سنه وبعته بسبب الصرف

[عيد القضيب]

يعطيكم العافية
انا عندي واحد اشتريته جديد
ذبحني بصرف البنزين وبالرغم اني عندي خبرة بالمكانيكا
الا اني عجزت عنه
اعتقادي ان البلوف لها الدور الاكبر لان الموتر بخاخ
الف تحية

[ateeq7]

يا شباب انا مستغرب منكم ليش ما تفحصون كومبيوتر اسباب زيادة الصرفيه فوق الطبيعي لها اسباب صاحبي عندة لاند كروزر 99 vxr الخزان الكبير بالميت يمشيه 220 كم و كم نصحته و ما فاد فيه النصيحة ان يفحص كومبيوتر يرد عليه ويقول ما يبين شيء كل الامور جيدة ما فيه اي كود يطلع عندي
بصدفه كنت معاه في الصناعية قلتلة مر عند واحد مختص فحص السيارات وطلبت منه يركب الجهاز ويفحص السيارة طلعة 3 كودات صلونايد في القير و سنسر الحرارة و سنسرالكزوز وطالعة في صاحبي وين تفحص يا بو الشباب مش كل جهاز ينفع للفحص قلتله يعني عندك مشكلة في الجير و الافر درايف شغال و مشكلة الحرارة دايمن نازله عندة و السنسر يطلب من السيارة تزيد احتراق البترول و السنسر الذي بعد المنيفول مب شغال كلها اسباب تزيد من الصرفيه البنزين