تقطيع وتفتفه باترول سوبر سفاري فزعتكم

[M.305]

سلام عليكم


يالربع .. كنت مركب هدرز ، وفلتر كي ان رياضي ..


حدود 5 شهور .. كان معايَ مثل الورده اسافر عليه من الرياض ل الحدود شماليه
لظروف الدوام .. تقريبا 1400 كيلو .. بعد كل 15 يوم امسكه
وطلبني اخوي قال انا طالبك بوجه الله انك تفكهن من موترك


عشان " صوت ازعاجه "


ويوم رديت شكمان وكاله ورجعته على وكالته


وسافرت يوم ثاني للحدود شماليه وصلت وشغلت اليوم ثاني موتري اختلف علي !


تقطيع غير طبيعي وصوت ضرب شكمان .. وتفتفه ، وسالت ناس واجد قالو حساس فلتر الهواء .. غيره وبيختلف معك غيرته ب 1200 من قطع غيار نيساان ..
ولانفع الزبده بجيب لكم اللي غيرته ولانفع معااي :(


1 - بواجي
2- اسلاك بواجي
3- صفايه " فلتر بنزين "
4- فلتر هواء اصلي
5- تنظيف بخاخات
6-تنظيف حساس دعسه
7- حساس سرندل < بصراحه اول مره اسمعه ولااقتنعت الا بالمشاكل
8- منظم الهواء الخلفي


هذا اللي طلع لي ب فحص الكمبيوتر !


يالربع فزعتكم لاتخلوني

هذا مقطع فيديو يوتيوب لتقطيع موتري
https://www.youtube.com/watch?v=cxTcvzbgib4

[4200]

الله يكون بعونك كل مصادر التقطيع غيرتها حساس هواء وبواجي الللخ ان شاء الله يفيدونك اهل الخبره

[يالبى الهلا]

تأكدت من الشكمان ممكن مسدود ويكتم الموتر
البواجي ممكن اللي بدلها طعج احد سنة الشرارة او طاح منة بالخطأ وانطعج ريشة الشرارة دخلت داخل وﻻ يطلع البوجي شرارة احد اسباب التقطيع

[عيد القضيب]

يعطيكم العافية الف تحية وشكر

[فتك08]

تأكد من حساسات الشكمان
يمكن ماهي مشبوكة او مشبوكة و تحتاج برمجة
عددها 2 اذا موترك فتك

[M.305]

موتري ي الربع 4500

وشكمان توي مغيره شكمان وطني ..
مافيه حساس !!

[باترول 2003]

ياخوي شيك ع الكلبريتر اذا موترك كلبريتر وتاكد من نظافته

اما اذا بخاخ تاكد من نظافة البخاخات

وانصحك موترك لايفكه الا مختص بالباترول

[هاوي بلادي]

موتري ي الربع 4500



وشكمان توي مغيره شكمان وطني ..
مافيه حساس !!




ياخوي شيك ع الكلبريتر اذا موترك كلبريتر وتاكد من نظافته

اما اذا بخاخ تاكد من نظافة البخاخات

وانصحك موترك لايفكه الا مختص بالباترول



لاازيد على كلام اخوي

حاجه

:good2:

[M.305]

دلوني على ورشه بالرياض تفكني من علة تفتفه ؟

ثقلت عليكم ، لكن والله حتى موتري ماعاد اشغله من قوة تفتفه

[راعي كيف]

تأكد من الشرشور حق الهواء اللي بعد الحساس داخل للمكينة لايكون مشقوق او تنسيم
شيك على دبة البيئه
شيك على الكهرباء خاص الماص

[SGL]

شيك زين يوجد سلك أو فيش مفصول أو مقطوع مايوصل كهرب وإحتمال أسلاك البخاخات ﻷن النفضه في موترك كنه كم بخاخ ماهو بشغال وأبيك تشيك على غطى الديلكو من الخارج والداخل يعني تفك الغطى

[M.305]

يالربع .. رحت ورشه الشرق بحكم اني ف محافظه طريف حاليااا ~

لحم لي افياش .. ""حساس سرندل " لحام بارد

وركبهن .. وعقب خفت تفتفه .. وصفى موتري وعزمه رجع احسن من اول !

لكن مجرد .. اشغل الكمبروسو " المكيف " ترجع لي تفتفه من اول ماحط قير على دي
لين حتى توصل سرعه 80 ويتفتف مشيت عليه بسرعه 190 .. ولاكن فيه تفتفه !

لحس مخ مخي باترول :no:

[ateeq7]

يالربع .. رحت ورشه الشرق بحكم اني ف محافظه طريف حاليااا ~

لحم لي افياش .. ""حساس سرندل " لحام بارد

وركبهن .. وعقب خفت تفتفه .. وصفى موتري وعزمه رجع احسن من اول !

لكن مجرد .. اشغل الكمبروسو " المكيف " ترجع لي تفتفه من اول ماحط قير على دي
لين حتى توصل سرعه 80 ويتفتف مشيت عليه بسرعه 190 .. ولاكن فيه تفتفه !

لحس مخ مخي باترول :no:
المكانيكي الذي رجعلك اغراض الوكالة اكيد ملخبط في اسلاك الكهربة تأكد من السلاك السالب للبطاريه راكب مكانه في البدي و المحرك و نصيحة عشان توفر على نفسك الوقت افحص كومبيوتر و شيك على التربل كود

[M.305]

فحصت كمبيوترر ماطلع شيء نهائي !

[mechanistic]

اذا موترك ديلكو افتح فيه قبل كل شى

[ابوس11م]

شوف خرطوش الهوى اللي طالع من الثروتل تلقا في شق ولا البلاستيك اللي وراه

[شحرور الدهنا]

شيكت على حساس الشكمان (تلقاه راكب بالقزوز او بالهدرز بالشعبه نفسها )


مهم جدا شيك عليه فكه وصنفره صنفره نااعمه ورجعه

[M.305]

يالربع رجعت له تفتفه حيل .. ولاعاد يتعدى 40 ..
رحت ورشه متخصصه باترول في صناعيه القديمه
مشرف عليهم سعودي من اهل القصيم ..

قال فيش حساس فلتر الهواءء وغيرته ولانفع

فك غطاء الديلكو لقى شاكوش منكسر غيرت شاكوش
ولازالت تفتفه فيه ..
قال مالك الا بخخاخات نشوفها .. وشافها ويقول مضبوطه ..
وقرر يفك غطى مكينه ويشوف بلوف ..
يوم فك الغطى قال لي على طول خرط راس المكينه !

وبتكلفك حول 3600 ريال .. مع خرط

شغل يده ب 600

والباقي للمخرطه

وش الراي ياجماعه .. تشوفون كلامه عين صواب !
واسمي بالله وانزل الموتر عنده .. لاني محتار انتظر مشورتكم

[داموك 1]

لاتستعجل اخوي شوف غيره واذا انت شايفه احسن الموجود اشرط على تجربة السياره
بعد التصليح واذا ما انحلت المشكله ماله شي وساعتها تتاكد هو كلامه لك من معرفة بسبب العطل ولا يبي يجرب
مثل الفيش والشاكوش

[شبح الموت]

اذا قصدك ورشه باترول الله يخلف عليك

ابحث بالورش باذن الله تلقى الحل والمشكله كهربائية 100%

[M.305]

اخوي داموك ..
هذا شرطي عليه .. واللي يشتغلها يقول مضمونه و100 ف 100 راس المكينه ووزن بلوف

[M.305]

شبح الموت ..
وانت صادق مشكله كهربائيه .. وكل ماجيت ورشه قالو شف لك كهربائي !

اي انا اقصد ورشه باترول .. اللي فيها مشرفين سعودين 2 وفيهم سودانين ..

مدري اذا جربت شغلهم عطني علمك فيهم !

[شبح الموت]

والله شغلهم اسوء من السيء عن تجربه لاميكانيكا ولا كهرباء والسعر غالي على غير سنع

[مواطن]

ورشة باترول الي بالصناعية انتبه منهم دور غيرهم

فيه ورشه اسمها المحرك الافضل لهم اعلان هنا بالمنتدى مر عليهم

http://www.mekshat.com/vb/showthread.php?t=669351

[فتك08]

ورشة باترول نصيحة جنبها
راعيها جشع بالاسعار غيره افضل منه

[عااشق البر]

شيك على الباكم حق الفرامل وحق الكلتش ان وجد للكلتش باكم
وتعرف من البلوف افصل سلك البوجي الاول وارجع اشبك السلك
والثاني نفس الطريقه الى تاصل اخر بوجي اذا كان فيه بواجي ماتشتغل
اعرف عندك مشكله في الباكم وعاده البوجي الخامس والسادس الي مايشتغل
ان وجد مشكله في الباكم وقبل تغير الباكم افصل لي الباكم وسكره في مسمار
وجرب موترك اذا تغير العزم وصفاء الموتر غير باكم وتنتهي مشكلتك

[M.305]

الله لايهينك .. مواطن مشكور حبيبي

[M.305]

عاشق .. والله شيكت يالغالي ..

وسكرته ب اصبعي .. ماينسسم

وفعلاا مع كلام المكانيكي .. يقول
السرندل " الخامس - السادس "

ماتشتغل ..

عمومااا .. انا طقت تسبدي منه .. حتى اني بغيت اصدم خلق الله عشان مشكلة تكتيم < انقلع بس هههههه


وديته ورشه .. وقلت لهم توظيب كامل ..

بحكم " نقص زيت - طقطقة البلوف "

وان شاء الله اوافيكم .. ب العلوم الزينه ~

[a-07]

يالغالي ، لاتنسى طرمبة البنزين ، شيكت عليها ؟؟؟؟؟؟

انا كان عندي باترول بخاخات لعب في حسبي تفتفه وغيرت كل شي مثلك وبعدها قالو وزن بلوف وماصدقتهم رحت لواحد كهربائي قال الطرمبه حقت البنزين عندك رايحه فيها ورهمت له طرمبة بنزين اكسبيدشن وراحت التفتفه وراح التكتيم وجاء عزمه عال العال أتمنى تشيك على اللي قلت لك عليه قبل تستعجل وترا سعر الطرمبة ٢٨٠ ريال أصلي وأفضل من حقت الوكالة ١٦٠ مرة ،
وليت ترد لنا خبر ،،

واذا تبي تعرف ان الطرمبة ضعيفه فك لي رجيع البنزين وشوف اذا ماطلع شي يعني الطرمبة مية في المية

[M.305]

لا الطرمبه .. منتازه .. مافيها شيءءء

لكن وش موديل موترك .. هو 4500 اللي كان معك ؟

وعطني فررق .. من ناحيه قومه ومن ناحية خط

وكم موديل الطرمبه اللي غيرتها !
وتركب بدون توليف !

[a-07]

الموديل 96 وصراحه قومة وخط الحمدلله طيب بعد تركيب الطرمبة

الطرمبة مادري والله كم موديلها لكن يقولي تركب على الفورد والاكسبيدشن وكذا سياره من نوعيات فورد
اما بالنسبة للتوليف ، التوليف شي بسيط لايذكر بس يركب الأسلاك فيها ويلحمها لحام بارد ، ويشدها بشداد بلاستيك

[M.305]

يعطيك العافيه .. ي الاميررررر

[a-07]

الله يعافيك يارب