سحاب نجد راعي شقراء
25/02/2015, 04:18 PM
السلام عليكم ورحمه الله وبركاته
اصبرو ابا ادعي لمي :p
يالله انك تغفر وترحم اميمتي وبيي وخيي وجدي سليمان وخالي عبد الله وسكنهم الفردوس الاعلى من الجنه امين يارب العالمين قولو امين:hot:
--
ويالله انك تطمنا على قوافي الله وكبر يالدنيا ياقوافي وبس تخليني منشغل بالي قبل ولا تطمنينا الله يحفظك من كل شر ويوفقك
ويالله انك تشفي كل العجيزات وتعافيهن وتطول بعمارهن وتخليهن لعيالهن وبنياتهن هن نور الدنيا وسعادتها
وتعافي ركيباتهن يوجعن وتعافي يدياتهن فيهن مثل الشواغي
وتعافي رجيلاتهن من حد الماطات الين اصابع رجليهن حتا الاصابع يطقطقن من الوجع
وتعافي كتيفاتهن يعني الكتوف فيهن مثل المصع يوجعن بالحيل بالحيل كنهن مخروعات من الوجع
وتعافي الظهرالي مايقون ينسدحن عليه يجي وجع في اسفل الظهر مايخلي عيونهن يطبقن النوم ابد ابد
ياحبيلهن العجز كلهن يالله انك تسكنهن الفردوس جميع امين بدون حساب ولا عقاب
----
فيه هكا الواحد والواحد الله في سماه العالي وكل ابليس مخزيه الله:good2::j
----
يالله تحييهم جميع كبيرهم وصغيرهم ذكرهم ونثاهم وليا حيا كثرولياكثر تنثر ولياتنثر تزبر:D
اذكر سنه من السنين ايام بيوت الطين ونا توني صغيييير جيت لبيتنا مدري ويني رايح قبلي ادرسع من بيت عجوز لبيت عجوز ثانيه هذي سهمتي المهم يوم جيت لدارنا ودخلت ويوم جيت في المجبب الي هو بطن البيت مثل الصاله هلحين بس نسميه المجبب املح وزين من صاله كلها مصاله
المهم يوم دخلت المجبب وذا الكلام الضحى الكبير ولاي وش اشوف بيتنا طايح نص المجبب طايح والسواري طايحات بس مهوب كل السواري لا بعضهن اذكرهن 8 سواري وطايح منهن ثنتين والثالثه تبي تطيح ونا الي اصرخ بقوه امي وبوي وقول يمممممممه يممممه يووووووه ومادريت الا امي جايه من الموقد ماعندنا شي منول اسمه المطبخ مانعرف الا الموقد الي يوقدون فيه النارلان ماعندنا غاز ولا عندنا قاز قبلنا نشب الله يكرمكم يابخثيه بقره ولا بدمن البعارين ماعندنا شي ينطل ابد ابد تصدقون قد كشتنا للبر تدرون وشوله علشان نجمع دمن البعاريت كل واحد معه خيشه ونلقا الدمن مجتمع صوب نسميهن الجله ونشيل بيدينا عااادي ولا تقلب كبدنا ولا نحس بشي :eek::looney:المهم نرجع لسالفتنا ويوم شفت البيت طايح ونا الي ارتاع وقول يمممممه وتجي امي من الوقد تسوي قرصان ولا مراصيع وهي تقول بسم الله عليك عظيم اسمه تعال ونا امك مافيني شي وشعاد الا طاحن السواري ونا امك تبي تخفف عني المنظر وتراكم الخشب فوق بعضه والتراب الي كلش مليان منه ونتم خابرين بيوت الطين الا طاحت يجي لها رجده تروع مع خرز السواري كلها حصا ومع السواكيف جذوع اثل الواحد منهن مايشيله اربعه رجاجيل من كبره وثقله
ياعمري عمر امي يوم يطيح الدار وهي بالحالها فيه وش الروعه الي جتها ياملا الفردوس قولو امين ;):hot:
وجلسنا في البيت وهو طايح حد ومد ماعندنا فيه يمكن 6 ولا 8 شهورونحن نطمر الخشب وخرز السواري والسواكيف عااادي ولو فيه ساريه تبي تطيح صايره مثل القوس بس ماطاحت الين طلعنا من البيت
المهم فظا بيت ابوي سليمان وطلعو الي ساكنين فيه ويالله انهم طاعو يطلعون الي ساكنين في بيت ابوي سليمان لان منول مايقدر راعي البيت يطلع المستاجر الين يطلع هو من نفسه هذا النظام منول امحق من نظام حلالك ولا تقد تتصرف فيه
ونروح لبيت ابوي سليمان كله ملح وسعه صدر ومي ياملا الفردوس تشقق من الفرحه ونسكن في بيت ابوي سليمان وتصير امي جنب رفيقاتها ام الثاقب مره ابراهيم جعل ربي يعافي ابراهيم رجلها ويعافيها بعد هي ونعم الحرمه ونعم الذكر فيهم كلهم الثاقب والله يجمعهن كلهن بالفردوس وجنب خميسه ياملا الجنه وجنب طريفه ياملا الجنه وطريفه ساكنه في بيوت ابن صالح راعي الحميضيه
والعجيزات خميسه وطريفه ساكنات حولنا لان مالهن احد وقبل امي تعطيني غدا قدرصغيير لخميسه وقدر ثاني لطريفه ثمن اروح بقدر ثالث لعمي محمد في صبخه السالم منذا الي حسه يقول الفراشه وش فيها الفراشه تطيرين ولا ماتطيرين يالفراشه مصيوده المهم بيت عمي محمد قبال المنحات وحول بيت السالم ابو عبريه وجنب السالم من شرق بيت عثمان الرحيكمي ياملا الفردوس الي على الشعبه ام الطماط والله اعلم وشو نابت منه ذاك الطماط تبون اعلمكم لا لا ماله داعي نابت من ربه وبس
بس ترا الشعبه كلها مزاغير تصب في الشعبه وبقدره قادر ينبت الطماط الي وش حنطه وزينه هماي يومني احش انا ويا العجوز لغنمها قالت لي كب الحصاد عنك وجمع لي القوط نسمي الطماط منول القوط مانعرف طماط ولا باض الديك وصار فيه فاكهه بردقان وموز نسميهن منول ميوه وشي الميوه مدري وين جتنا منه مدري ميوه وبس وخل اعلمكم بعد تعرفون الورقه حقه اللعب نسميها منول جنجفه اصبروبعد ترانا نسمي الماصوره حقه الما نسميها قلمه والثوب نسميه مقطع والقدر نسميه مطبخيه
والصحن المستطيل نسميه بلم ومستحيل ناكل في البلم الا المكرونه بعد ماتطورنا شوي
ذكرت شي خل اعلمكم فيه اذكر فيه عجوز لها رفيقه عجوز مثلها مدري من الي بالس بينهن يعني متسبب عليهن بالزعل وهن يحبن بعض بس ابليس حريص على ابعادهن عن بعض مايبي احد يحب احد هذا انت يابليس الرجيم
المهم فيهن وحده تحب الثانيه اكثر وقليبها ماطاوعها تصبر عنها ونتم خابرين الرفيقات مع بعضهن منول حب في الله ولله مهوب لمصالح
المهم يوم جيت عندالعجوز وسمعتني داخل بيتها قالت منذا الي فيذا قلت انا سحاب قالت يالله تحيي سحاب تعال ونا امك ابيك وروح يمها ولاها ماسكه المعصاد وتعصد الجريش في مطبخيه وش كبرها والمطبخيه هي القدر بس انحن نسميها مطبخيه وش عليكم منا بعد يالتوالي
وتقوم طال عمركم تعال ابيك توديه لفلانه وهي تنكب في قدر صغير وتملاه جريش وتحط عليه بصل ودهن يخليك تسعبل من زينه
المهم انا قلت يم فلان قالت يالبيه قلت ابا الحس المعصاد انا لا تعطينه احد غيري قالت هاك اياه ولعطه كله لا تخلي شي وسلته سلت بصابعك لا ترشخه بخشتك وتسعبل على المعصاد قلت طيب اصلن ماله داعي توصيني لاني ابا اسلته بصابعي وبا الحسه بخشتي وهي ماتدري
ويوم عطتني القدر حق رفيقتها وروح مع السكيك اسحب عصاقيلي وحافي بعد ويوم جيت عند باب العجوز وطق الباب بالحلقه السودا وهي جرس الباب منول وهي عباره عن حديده دائريه يطقون بها الباب الي يبون اهل البيت بس اياني وياك ترجف الباب برجلك ماتسمع الا الشياب يقولون كسار يكسرعظامك يالهيس الاربدي يالي ترجف الباب وتبي تجدعه من محامله
المهم والله يعينا على المهم
وطق الباب ولا حس العجوز تقول من عند الباب يالي تطقه قلت بقواصوت لي انا سحسح ادلع روحي وش عليكم مني بعد
وقالت لي العجوز ادخل الباب مجافا مطرفته اخاف يجيني احد
ونا الي ادخل والقدر على راسي لان العجوز الي عطتنيه لافته في خرقه يعني قماش ورابطته منها علشان ماينكب ومنها علشان مايبرد
ونا صاير حمير علف مالي الا المعصاد
ويوم دخلت ولا العجوز جالسه على عتبه باب المجبب ولا عودها مدد رجليه في حوش صغيروياكثر مايتزاعلون العجز والعويد منول ههههههه ويوم شافني قال الي فوق راسك وشو قلت هذا جريش من فلانه تقولي عطه فلانه حرمتك قال جريش قلت ايه قال تعال ورنيه وروح يمه ونزل القدر من على راسي وفك الخرقه او القماش الي ملفوف فيها وفتح الغطا ويقوم العود وينقث بصبعين من الجريش ويبلع وهو يقول هذا والله الجريش السنع وتاخذني الحميه انا وطبق القدر ونا اقول مهوب لك لفلانه وراك تاكله ويمسكني مع اذني ويجرني ونا اصرخ يوجع وهو يقول انت وش يدخلك لي ولا مهوب لي يالحمار المتين انا الحمار المتين وجايب له جريش
ولا حس العجوز تقول لا تمصع اذن الوليد خله قال العود ابا امصع اذنه وذنك معه بعد وسكتت ولا بم يعني ماتردها العجوز ياعمري عمر العجيزات منول لا يهشن ولا ينشن الكلمه للشياب مدري وشو الي عاقد السنتهن منول مايردن على العويد بشي يسكتن وبس
اهم شي لا يزعل اوناسيس ويطلقها وتنحرم من الميراث هههههههه وهو كله نخلتين في الحوش وحده منهن قبلها شيص ماسر فيها القاح وكان فيه شي بعد زود ياشات ولا عنزوقلتين تمر هذي التركه الله يعوضهم بالفردوس كلهم
المهم خذ القدر مني وحطه بين رجليه وقام يرشخ منذا الجريش الزين ونا ابا اطير للي خلقني قهرني عود حلاحل تصدقون منول يقولون الرجال للحريم انتي مزوده يحط فيك الاغراض ولا الا تهاوشو وحمي الوطيس قال لها تراك انتي نعله افصخها ولبس غيرها يعني اطلقك واخذ غيرك والحرمه سبحانك ربي تخمد ولا تسمع لها نفس سبحان الي مذللهن منول مثل البعارين
وبس قظت السالفه العود وكل الجريش كله والعجوز ماذاقته ونا مصعت اذاني وهيش علي بعد
اسمعوني يالمسلمين الي يبي التوفيق والرزق والسعاده لا يخلي صلاته ويبر بوالديه والله العظيم اني لكم من الناصحين برو فيهم وشيلوهم على كفوف الراحه وتتفتح لكم ابواب السماوات والارض بالخير والرزق والذريه الصالحه وقبلهن رضا ربي سبحانه
اسمعني يالي تحس بضيق ولا تحس بطفش ولا الي فيهم اكتئاب خذ الوصفه مني ويبي يعافيك الرحمن الرحيم لا تخلي صلاتك وحرص عليها
وكثرمن الاستغفار -كل ملذات الدنيا وزينتها لها باب ومفتاح الباب الاستغفارفلاتحرم نفسك من نعيمها اكثرمن الاستغفار وعد من الغفار سبحانه
ومك وبوك كانهم حيين بر فيهم وتشوف العافيه وتشوف السعاده
بس مهنا صلات وتبي السعاده مش خشتك ولا تحلم لو حلم نسو الله فاانساهم انفسهم
وفي النهايه اقول الله يجمعنا في الفردوس الاعلى من الجنه وبشروبالسواليف الي ماتنتهي
وسبحان الله والحمد لله ولا اله الا الله والله اكبر عدد خلقه وزنه عرشه ورضا نفسه ومداد كلماته
اصبرو ابا ادعي لمي :p
يالله انك تغفر وترحم اميمتي وبيي وخيي وجدي سليمان وخالي عبد الله وسكنهم الفردوس الاعلى من الجنه امين يارب العالمين قولو امين:hot:
--
ويالله انك تطمنا على قوافي الله وكبر يالدنيا ياقوافي وبس تخليني منشغل بالي قبل ولا تطمنينا الله يحفظك من كل شر ويوفقك
ويالله انك تشفي كل العجيزات وتعافيهن وتطول بعمارهن وتخليهن لعيالهن وبنياتهن هن نور الدنيا وسعادتها
وتعافي ركيباتهن يوجعن وتعافي يدياتهن فيهن مثل الشواغي
وتعافي رجيلاتهن من حد الماطات الين اصابع رجليهن حتا الاصابع يطقطقن من الوجع
وتعافي كتيفاتهن يعني الكتوف فيهن مثل المصع يوجعن بالحيل بالحيل كنهن مخروعات من الوجع
وتعافي الظهرالي مايقون ينسدحن عليه يجي وجع في اسفل الظهر مايخلي عيونهن يطبقن النوم ابد ابد
ياحبيلهن العجز كلهن يالله انك تسكنهن الفردوس جميع امين بدون حساب ولا عقاب
----
فيه هكا الواحد والواحد الله في سماه العالي وكل ابليس مخزيه الله:good2::j
----
يالله تحييهم جميع كبيرهم وصغيرهم ذكرهم ونثاهم وليا حيا كثرولياكثر تنثر ولياتنثر تزبر:D
اذكر سنه من السنين ايام بيوت الطين ونا توني صغيييير جيت لبيتنا مدري ويني رايح قبلي ادرسع من بيت عجوز لبيت عجوز ثانيه هذي سهمتي المهم يوم جيت لدارنا ودخلت ويوم جيت في المجبب الي هو بطن البيت مثل الصاله هلحين بس نسميه المجبب املح وزين من صاله كلها مصاله
المهم يوم دخلت المجبب وذا الكلام الضحى الكبير ولاي وش اشوف بيتنا طايح نص المجبب طايح والسواري طايحات بس مهوب كل السواري لا بعضهن اذكرهن 8 سواري وطايح منهن ثنتين والثالثه تبي تطيح ونا الي اصرخ بقوه امي وبوي وقول يمممممممه يممممه يووووووه ومادريت الا امي جايه من الموقد ماعندنا شي منول اسمه المطبخ مانعرف الا الموقد الي يوقدون فيه النارلان ماعندنا غاز ولا عندنا قاز قبلنا نشب الله يكرمكم يابخثيه بقره ولا بدمن البعارين ماعندنا شي ينطل ابد ابد تصدقون قد كشتنا للبر تدرون وشوله علشان نجمع دمن البعاريت كل واحد معه خيشه ونلقا الدمن مجتمع صوب نسميهن الجله ونشيل بيدينا عااادي ولا تقلب كبدنا ولا نحس بشي :eek::looney:المهم نرجع لسالفتنا ويوم شفت البيت طايح ونا الي ارتاع وقول يمممممه وتجي امي من الوقد تسوي قرصان ولا مراصيع وهي تقول بسم الله عليك عظيم اسمه تعال ونا امك مافيني شي وشعاد الا طاحن السواري ونا امك تبي تخفف عني المنظر وتراكم الخشب فوق بعضه والتراب الي كلش مليان منه ونتم خابرين بيوت الطين الا طاحت يجي لها رجده تروع مع خرز السواري كلها حصا ومع السواكيف جذوع اثل الواحد منهن مايشيله اربعه رجاجيل من كبره وثقله
ياعمري عمر امي يوم يطيح الدار وهي بالحالها فيه وش الروعه الي جتها ياملا الفردوس قولو امين ;):hot:
وجلسنا في البيت وهو طايح حد ومد ماعندنا فيه يمكن 6 ولا 8 شهورونحن نطمر الخشب وخرز السواري والسواكيف عااادي ولو فيه ساريه تبي تطيح صايره مثل القوس بس ماطاحت الين طلعنا من البيت
المهم فظا بيت ابوي سليمان وطلعو الي ساكنين فيه ويالله انهم طاعو يطلعون الي ساكنين في بيت ابوي سليمان لان منول مايقدر راعي البيت يطلع المستاجر الين يطلع هو من نفسه هذا النظام منول امحق من نظام حلالك ولا تقد تتصرف فيه
ونروح لبيت ابوي سليمان كله ملح وسعه صدر ومي ياملا الفردوس تشقق من الفرحه ونسكن في بيت ابوي سليمان وتصير امي جنب رفيقاتها ام الثاقب مره ابراهيم جعل ربي يعافي ابراهيم رجلها ويعافيها بعد هي ونعم الحرمه ونعم الذكر فيهم كلهم الثاقب والله يجمعهن كلهن بالفردوس وجنب خميسه ياملا الجنه وجنب طريفه ياملا الجنه وطريفه ساكنه في بيوت ابن صالح راعي الحميضيه
والعجيزات خميسه وطريفه ساكنات حولنا لان مالهن احد وقبل امي تعطيني غدا قدرصغيير لخميسه وقدر ثاني لطريفه ثمن اروح بقدر ثالث لعمي محمد في صبخه السالم منذا الي حسه يقول الفراشه وش فيها الفراشه تطيرين ولا ماتطيرين يالفراشه مصيوده المهم بيت عمي محمد قبال المنحات وحول بيت السالم ابو عبريه وجنب السالم من شرق بيت عثمان الرحيكمي ياملا الفردوس الي على الشعبه ام الطماط والله اعلم وشو نابت منه ذاك الطماط تبون اعلمكم لا لا ماله داعي نابت من ربه وبس
بس ترا الشعبه كلها مزاغير تصب في الشعبه وبقدره قادر ينبت الطماط الي وش حنطه وزينه هماي يومني احش انا ويا العجوز لغنمها قالت لي كب الحصاد عنك وجمع لي القوط نسمي الطماط منول القوط مانعرف طماط ولا باض الديك وصار فيه فاكهه بردقان وموز نسميهن منول ميوه وشي الميوه مدري وين جتنا منه مدري ميوه وبس وخل اعلمكم بعد تعرفون الورقه حقه اللعب نسميها منول جنجفه اصبروبعد ترانا نسمي الماصوره حقه الما نسميها قلمه والثوب نسميه مقطع والقدر نسميه مطبخيه
والصحن المستطيل نسميه بلم ومستحيل ناكل في البلم الا المكرونه بعد ماتطورنا شوي
ذكرت شي خل اعلمكم فيه اذكر فيه عجوز لها رفيقه عجوز مثلها مدري من الي بالس بينهن يعني متسبب عليهن بالزعل وهن يحبن بعض بس ابليس حريص على ابعادهن عن بعض مايبي احد يحب احد هذا انت يابليس الرجيم
المهم فيهن وحده تحب الثانيه اكثر وقليبها ماطاوعها تصبر عنها ونتم خابرين الرفيقات مع بعضهن منول حب في الله ولله مهوب لمصالح
المهم يوم جيت عندالعجوز وسمعتني داخل بيتها قالت منذا الي فيذا قلت انا سحاب قالت يالله تحيي سحاب تعال ونا امك ابيك وروح يمها ولاها ماسكه المعصاد وتعصد الجريش في مطبخيه وش كبرها والمطبخيه هي القدر بس انحن نسميها مطبخيه وش عليكم منا بعد يالتوالي
وتقوم طال عمركم تعال ابيك توديه لفلانه وهي تنكب في قدر صغير وتملاه جريش وتحط عليه بصل ودهن يخليك تسعبل من زينه
المهم انا قلت يم فلان قالت يالبيه قلت ابا الحس المعصاد انا لا تعطينه احد غيري قالت هاك اياه ولعطه كله لا تخلي شي وسلته سلت بصابعك لا ترشخه بخشتك وتسعبل على المعصاد قلت طيب اصلن ماله داعي توصيني لاني ابا اسلته بصابعي وبا الحسه بخشتي وهي ماتدري
ويوم عطتني القدر حق رفيقتها وروح مع السكيك اسحب عصاقيلي وحافي بعد ويوم جيت عند باب العجوز وطق الباب بالحلقه السودا وهي جرس الباب منول وهي عباره عن حديده دائريه يطقون بها الباب الي يبون اهل البيت بس اياني وياك ترجف الباب برجلك ماتسمع الا الشياب يقولون كسار يكسرعظامك يالهيس الاربدي يالي ترجف الباب وتبي تجدعه من محامله
المهم والله يعينا على المهم
وطق الباب ولا حس العجوز تقول من عند الباب يالي تطقه قلت بقواصوت لي انا سحسح ادلع روحي وش عليكم مني بعد
وقالت لي العجوز ادخل الباب مجافا مطرفته اخاف يجيني احد
ونا الي ادخل والقدر على راسي لان العجوز الي عطتنيه لافته في خرقه يعني قماش ورابطته منها علشان ماينكب ومنها علشان مايبرد
ونا صاير حمير علف مالي الا المعصاد
ويوم دخلت ولا العجوز جالسه على عتبه باب المجبب ولا عودها مدد رجليه في حوش صغيروياكثر مايتزاعلون العجز والعويد منول ههههههه ويوم شافني قال الي فوق راسك وشو قلت هذا جريش من فلانه تقولي عطه فلانه حرمتك قال جريش قلت ايه قال تعال ورنيه وروح يمه ونزل القدر من على راسي وفك الخرقه او القماش الي ملفوف فيها وفتح الغطا ويقوم العود وينقث بصبعين من الجريش ويبلع وهو يقول هذا والله الجريش السنع وتاخذني الحميه انا وطبق القدر ونا اقول مهوب لك لفلانه وراك تاكله ويمسكني مع اذني ويجرني ونا اصرخ يوجع وهو يقول انت وش يدخلك لي ولا مهوب لي يالحمار المتين انا الحمار المتين وجايب له جريش
ولا حس العجوز تقول لا تمصع اذن الوليد خله قال العود ابا امصع اذنه وذنك معه بعد وسكتت ولا بم يعني ماتردها العجوز ياعمري عمر العجيزات منول لا يهشن ولا ينشن الكلمه للشياب مدري وشو الي عاقد السنتهن منول مايردن على العويد بشي يسكتن وبس
اهم شي لا يزعل اوناسيس ويطلقها وتنحرم من الميراث هههههههه وهو كله نخلتين في الحوش وحده منهن قبلها شيص ماسر فيها القاح وكان فيه شي بعد زود ياشات ولا عنزوقلتين تمر هذي التركه الله يعوضهم بالفردوس كلهم
المهم خذ القدر مني وحطه بين رجليه وقام يرشخ منذا الجريش الزين ونا ابا اطير للي خلقني قهرني عود حلاحل تصدقون منول يقولون الرجال للحريم انتي مزوده يحط فيك الاغراض ولا الا تهاوشو وحمي الوطيس قال لها تراك انتي نعله افصخها ولبس غيرها يعني اطلقك واخذ غيرك والحرمه سبحانك ربي تخمد ولا تسمع لها نفس سبحان الي مذللهن منول مثل البعارين
وبس قظت السالفه العود وكل الجريش كله والعجوز ماذاقته ونا مصعت اذاني وهيش علي بعد
اسمعوني يالمسلمين الي يبي التوفيق والرزق والسعاده لا يخلي صلاته ويبر بوالديه والله العظيم اني لكم من الناصحين برو فيهم وشيلوهم على كفوف الراحه وتتفتح لكم ابواب السماوات والارض بالخير والرزق والذريه الصالحه وقبلهن رضا ربي سبحانه
اسمعني يالي تحس بضيق ولا تحس بطفش ولا الي فيهم اكتئاب خذ الوصفه مني ويبي يعافيك الرحمن الرحيم لا تخلي صلاتك وحرص عليها
وكثرمن الاستغفار -كل ملذات الدنيا وزينتها لها باب ومفتاح الباب الاستغفارفلاتحرم نفسك من نعيمها اكثرمن الاستغفار وعد من الغفار سبحانه
ومك وبوك كانهم حيين بر فيهم وتشوف العافيه وتشوف السعاده
بس مهنا صلات وتبي السعاده مش خشتك ولا تحلم لو حلم نسو الله فاانساهم انفسهم
وفي النهايه اقول الله يجمعنا في الفردوس الاعلى من الجنه وبشروبالسواليف الي ماتنتهي
وسبحان الله والحمد لله ولا اله الا الله والله اكبر عدد خلقه وزنه عرشه ورضا نفسه ومداد كلماته