امبير البنزين معلق

[lD7ooml]

السلام عليكم
عندي بترول 93 فيه امبير البنزين معلق صلحت العوامه وظبط معي يومين وعلق مره ثانيه ورجعت وقالو العوامه كويسه المشكله من العداد هل اغير العداد ولا وش السواه

[Saad20900]

السلام عليكم
انا عندي مشكله في امبير اعبي السياره فل بنزين الامبير ممتاز بعدين امشي حق ابو 10 كيلو ينقص الامبير نص الربع وبعدين اطفي السياره واشغلها يرجع موضوع طبيعي فل وش المشكله فيه

[laurel_200L]

افتح الطبلون يمقن في غبار ولا شيء ولا السلق معلق ولا منا ولا منا شوف

[ateeq7]

سؤال لم تفتح المفتاح بدون تشغيل هل ترعش العدادات او يتحرك فوق تحت يعني الكهربة واصله عندك ومشكلة في العداد نفسة اولا اسأل قطع الغير هل يبيعون العداد البنزين لوحدة ولا كامل
ثانيا دور عن فني الكترونيات او تصليح تلفزيونات و مسجلات و خلة يفحص موتور العداد و الدواير الكهربائية هم يعرفولها واذا قالك فك لي العداد تراه سهل كم مسمار و تسحبه بايدك برع و تفصل الظفيرة من الفيش و تودية له بس خلك ذيب لازم تعرف قيمة العداد الجديد اولا ومر على اكثر من واحد اذا عندة تجربة في التصليح بيكون احسن واذا اول مرة عادي لأن الموضوع هوه عبارة عن عطل في بعض الموصلات الداخلية للعداد يلحمها و ترجع الامور طبيعية

[lD7ooml]

يعطيكم العااافيه وما قصرتواا

[SGL]

السلام عليكم
عندي بترول 93 فيه امبير البنزين معلق صلحت العوامه وظبط معي يومين وعلق مره ثانيه ورجعت وقالو العوامه كويسه المشكله من العداد هل اغير العداد ولا وش السواه

وعليكم السلام ورحمة الله وبركاته
أخوي تقول ضبط يومين ورجع؟!
أبيك تفك العوامة وتطلعها وتشيك عليها زين زين إذا كل شي تمام أبيك تشغل السوتش والعوامة طبعآ برا ماسكها بيدك بعدين تحرك العوامة الجزء المتحرك فيها أرفعه فوق وصاحبك يراقب العداد يشوفه يطلع للفل بعدين تجرب وتنزلها نص وهو يراقب العداد إذا تحرك العداد يعني سليم وعندي شكك الخلل في العوامة ﻷني عارف حركاتها في أكثر من موتر ويوجد طريقة ثانية تفحص فيها العوامة بس ناسيها ﻻكن يعرفلها الكهربائي تاخذها له وهو يوصل فيها كهرب ومفك أبو لمبه ويشوف الخلل منها أو من العداد نفسه

[اسكاليد 07]

السلام عليكم ورحمة الله وبركاته ..

# كانت هذه المشكله عندي في سيارتي الاولى تيرسل 97 من اول ما شريتها اذا التانكي فل العداد يعطي قراءه غلط وخربت عندي العوامه واستبدلتها بأخرى ولازالت المشكله قائمه ، بعدها ايقنت ان المشكله في العداد نفسه وللآن ما غيرته لاني صرت فاهم لمصروف سيارتي اعبيها فل تبقى عندي 10 ايام اذا ادعس فيها واذا على الراحات حدها 14 يوم وصرت عارف متى يفضي التانكي والحمد لله صار لها سنين ولا مره وقفت علي بالشارع :D غير اني استخدمها داخل المدينه فقط اما للخطوط من 50 كيلو وطالع استخدم الاسكاليد ..

# ونفس المشكله حصلت عند احد اقاربي في نسيان باترول 2011 مؤشر الباترول يعطي قراءة خاطئه راح الوكاله وصلحوا العطل على الضمان وبعد فتره رجع مره ثانيه ولبسهم والان معتمد على قراءة مستوى البنزين من شاشة السياره :good2: ..