مشكلة في الباثفندر ما احد قدر يحلها

[Theyab.]

السلام عليكم يا اخوان
انا شريت باثفندر موديله 2005 ومافي عله ماسويتها
حتى توظيب المكينه من المسمار للمسمار قطع اصليه
غير الجلد حقت المقصات والاذرعه وكل شي
المهم في مشكله عندي من ال 110 وفوق
تجي ماهو رجه هزه سريعه مثل هزاز الجوال>>>اهم شي الوصف😜
وتقعد مستمره لين اهدي بس تخف فوق 140
المهم غيرت الجنوط وسويت اكس وغيرت الكفرات ورصصت كمبيوتر
ورصصت ارضي وغيرت الرمانات الاماميه وغيرت الصليبات لعمود الدبل وغيرت الصليبات لعمود السياره
المهم الله لايخسر المسلمين خسرت بس عشان المشكله ذي لين قلت امين
ارجوا اللي عنده حل يفيدنا او ان المشكله مرت عليه
مافي ميكانيكي مارحت له وكلهم خرطي كلن يفلم من عنده
الهزه ذي يسمونها بالانجليزي عشان تكون اوضح لكم vibrator او
vibration

[فهد88]

جرب هذي يمكن تفيدك تابع عداد الضغط وشف على اي رقم تجي الهزه وانت ماشي
بعدين وقف وفض الموتر ودعس الين يوصل الضغط الرقم اللي ثبته وشف الهزه موجوده او لا وانت واقف
اذا كانت موجوده فمعناه مشكلتك حول المكينه ياريشة مروحه ياكرسي مكينه يامكره
اذا ماهي موجوده تابع الضغط وانت تمشي وتابع النمره وتبديل القير اثناء الهزه يمكن تحدد المشكله اكثر
تابع الهزه تقل مع الدعسه او تزود
تابع الهزه هي هي تجي مع نمره مخصصه او لا
مع الهزه فض الموتر شف تروح او تبقى تخف او تزود
مع الهزه لف الموتر كاانك ماخذ منحنى شوف على الجهتين
والهزه تجي بالعاده من ياي مساعد جلب ياي او كرسي ياي

[ateeq7]

الله يعينك
سؤال فقط هل جربت تفك الشفت الامامي او عمود الدبل و تمشي على السيارة من غيرة
وهل شيكة على المساعدات الامامي و الخلفي مع المساعد الصغير الدنبر الخاص بدركسون
وشيك على الربل الخاص بالرود و الشيالات تكون ناشفه او متأكلة

[salih100]

اول شي فك عمود الدواران الامامي حق الدبل وشف هل تخف او لا

مثل ما قال اخونا فهد88 جرب طريقته وحاول تكون دقيق

خل العمود مفكوك الامامي وارفع السياره من الخلف من جهة واحده وامش الين تجيك الهزه جرب اليمين واليسار

واااااااااااااخر حل



فك عمود الدوران الخلفي وكنك تمشي على السياره وشف تجي الرجه ولا تختفي
يمكن الحذاف وانا أتوقع الحذاف ويمكن عمود الكرنك اذا كانك خارطه واذا ما خرطته ماله دخل

[درايفر ربع]

مسامير البودي تسوي مثل هالهزه اللي ذكرتها ومادام الرجه ذي تجي بعد الميه طبيعي السياره ترتفع شوي من الامام واحتمال المسامير الاماميه شيك عليها

[الصيادالمليح]

سوي برمجة لكمبيوتر السيارة وشيل خاصية الهزاز ههههههههه امزح

عاين كراسي المكينة و الجلد تبع المكينة
و عاين الشاصيه لايكون فيه اعوجاج او منطعج من حادث و اتعدل×

[علي بوعبدالله]

إذا أنت في الرياض فيه ورشه الثنيان بصناعية الدائري مخرج 18 خلف تقديرات المرور متخصص في الباثفيندر فقط وأن شاء الله تجد الحل

[راعي كيف]

شيك على الحذاف

[الوسم]

على كلامك ووصفك باقي لك حاجه وحدة ما زينتها

ترصيص عمدان الكردان الأثنين

ولا تكلف أكثر من 200 ريال فك وترصيص وتركيب

جررب وارجع علمنا وش يصر معك

[ناوي خير]

السلام عليكم
الحل بسيط

هذى العواميد في طعج يبغى لها ترصيص في المخرطه على جهاز ترصيص خاص فيها او تغييرها بالكامل تسوى اكثر من كذه كمان



وموفق ان شاء الله

[اابواحمد]

الله يعين علي الرجة نفس الشي عندي

[الوقيدي]

السلام عليكم : لمن يعاني من الرجات والاهتزازات في السياره ولم يعرف مصدرها فعليه رفع السياره من الخلف ويثبتها جيدا ثم يعشق القير في رقم 4 ويدوس بنزين اي خلل الكلتش او الفحمه او الحذاف او كراسي المكينه اوكراسي القير وفي القيرنفسه او عمود كردان وصليباته او الكرونه وعكوسها او الجنوط او البودي وخاصه الجزء الخلفي سوف يظهر مباشره . اذا لم يظهر صوت فالمشكله من الامام كرونه اماميه او عمود الدبل او عكوس او رمانات اماميه وهكذا لبقيه أجزاء السياره الاماميه .

[سعيد الصبحي]

احيانا تجي الهزة اذا الفلنجة اللي يركب عليها الدرام ويل كما نسميه أو الدسك .. المهم القطعة اللي يركب عليها الاطار اللي تركب على البيرنج وفيها مسامير الاطار .. يكون فيها أعوجاج بسيط تسبب هزة مع سرعات معينة

[وين الصيد]

طيب يالغالي
امش حتى تصل لسرعة اللي فيها هزة وتوسط منها
يعني تجي على 110 حتى 140
اثبت على سرعة 130
وفض القير وشف هل هية باقية ام لا
اذكان باقية فالمشكلة خارجه عن المحركات مثل القير وعمود الدوران والمكينة والكراسي
واذا بدت تخف تدريجا وتتلاشا فالمشكلة لها علاقة بالمحركات

افحص المساعدات الامامية مع اليايات هل الاثنين متساويات في مدى الصلاحية

[ابوسليمان12]

غلطة نيسان الباثفندر. ٢٠٠٣ الى ٢٠٠٥.

[5200]

امش على السياره بين سرعه ١١٠ و١٤٠ وركز على المرايه اللي داخل السياره اللي فوق(بين السواق والراكب) اذا كانت تهتز فالمشكله عندك من عامود الكردان الخلفي او صليباته اما اذا كانت ما تهتز وصافيه فيها الرؤيه للخلف فالمشكله عندك من عامود الدبل

[5200]

آسف ما دققت بقراءة المشكله لكن شيك على مساعد الدركسون

[VTC_2015]

الله يعينك ويكتب اجرك على هالسياره ..


الحمد لله بعته ورتحت

كانت عندي نفس مشكلتك كانو يقولون صليبات العمود