دخان أبيض بدون نقص وسقوط في الفحص الدوري

[مكشاتي مطور]

السلام عليكم ورحمة الله وبركاته
يا إخوان يا أعزاء

عندي سيارة مكينتها ماشاء الله تبارك الله نظيفة
ما تنقص زيت إلا على الـ 6,000
لكن لو دعست لها تدخن دخان يشبه التبويش !!
لدرجة إن الميكانيكي في البداية قال لي المكينة فيها مشكلة نقص زيت
قلت له ما تنقص فتح الكبوت فصل لي مدري وش وصارت المكينة ترج قال لي إدعس ودعست بعد الدعس مافي دخان

إذا شبكت اللي دخنت
وإذا فصلته ما تدخن

وما في نقص زيت

طبعا الموتر ألماني مرسيدس وقبل فترة غيرت له دبات التلوث من حقت الوكالة
(فتحاتها صغيرة) لشكامين أمريكية مفتوحة عشان يرتاح الموتر

فـ وش الحل ؟
وهل من حل مؤقت بس يمشيها في الفحص لأنه فصلت اللي وكشفني الفلبيني :mad:

[يالبى الهلا]

عندك المحلات بجانب الفحص تصلحها وينجح 100/100
يسوون حركةماتكلف ابشغلة 50ريال يقطع الدخان والتلوث

[وجعين]

أنا عندي مشكلة قريبه من مشكلك عندي باترول ديزل كان ينقص علبتين زيت اذا قطع 200كيلو وكان يدخن ابيض يعني زيت وخاصة الصباح اذا شغلته يجلس خمس دقايق دخان ابيض بعد مايحتمي يختفي الدخان وضبته صار الموتر تمام ماينقص الا نقص خفيف اذا مشى فوق 5000 كيلو لكن المشكله موجوده الصباح فقط يدخن دخان ابيض بعد مايحتمى الموتر يختفى الدخان وكأنه يوجد زيت في غرفة الاحتراق مادري وش المشكلة