المساعد الشخصي الرقمي

مشاهدة النسخة كاملة : مشكلة تقطيع بالفورتشنر


حاتم البدراني
28/02/2015, 05:48 AM
السلام عليكم ورحمة الله وبركاته×

صباح الخير على الجميع×

مالنا غناة عن اهل الخبره واهل الشور

ندخل بالموضوع

السياره فورتشنر 2006 /6سرندل قير تماتيك

عندي تقطيع بالسيار اذا صرت معشق D وضاغط الفرامل تقطيع ينفض السياره كانها قير عادي ومرخي الكلتش وتبي تطفي×
وتقطيع يجي وهي ماشيه اذا ارخيت السرعه تبرد السياره وتقطع بقوه لازم ادوس عشان تصفي×

والصباح مع الريوس تقطع بعد وتهز

عموما رحت ل ثلاث ورشات اهل خبره ومحد مسكني جاده ..
/////////

الوشه الاول فحصو كمبيوتر وطلع لهم (كانم شفت ) وقالو لي حساس الكامات يبي تغيير ووحده من مكرات جنزير المكينه يبي تغيير×

الورشه الثانيه قالو نفس الكلام تقريبا يقولون الفانوس الي هو منضم الكام شفت المكره الي خلف صدر المكينه تحتاج تغيير او وزن
//////////

الورشه الثالثه قالو لي احتمال من المنضم لان الساره بN ضغطها فوق واحد بشوي واذا عشقت D طاح الضغط للصفر وقطعت×

///////


عموما انا احترت وبلشت مادري من انا بيده واخاف اتخسر على الفاضي والصراحه التقطيع ابلشني×

وماستغني عن خبرتكم وتجاربكم×

الفزعه×
حاتم البدراني
28/02/2015, 03:12 PM
؟؟؟


وين اهل الخبره
رسيس نجد
28/02/2015, 03:15 PM
غير البنزيم يا حاتم الى 95

اضن السبب منه .
حاتم البدراني
28/02/2015, 04:11 PM
البنزين 95

وغيرت بواجي وفلتر بنزين وفلتر مكينه اصليه قبل كم شهر

يعطيك العافيه يا اخ رسيس
المميـز
28/02/2015, 05:22 PM
:

احد الزملاء معه ٢٠١٠ ٦ سلندر جاه تقطيع بس ماوصفه بالضبط
نظف بخاخات وراح .. التنظيف سواه عند بترومين
جرب تنظيف البخاخات لعله يصلح ان شاء الله وبلغنا وش يصير معك

:
بورياض
01/03/2015, 07:07 PM
السلام عليكم ورحمة الله وبركاته×

صباح الخير على الجميع×

مالنا غناة عن اهل الخبره واهل الشور

ندخل بالموضوع

السياره فورتشنر 2006 /6سرندل قير تماتيك

عندي تقطيع بالسيار اذا صرت معشق D وضاغط الفرامل تقطيع ينفض السياره كانها قير عادي ومرخي الكلتش وتبي تطفي×
وتقطيع يجي وهي ماشيه اذا ارخيت السرعه تبرد السياره وتقطع بقوه لازم ادوس عشان تصفي×

والصباح مع الريوس تقطع بعد وتهز

عموما رحت ل ثلاث ورشات اهل خبره ومحد مسكني جاده ..
/////////

الوشه الاول فحصو كمبيوتر وطلع لهم (كانم شفت ) وقالو لي حساس الكامات يبي تغيير ووحده من مكرات جنزير المكينه يبي تغيير×

الورشه الثانيه قالو نفس الكلام تقريبا يقولون الفانوس الي هو منضم الكام شفت المكره الي خلف صدر المكينه تحتاج تغيير او وزن
//////////

الورشه الثالثه قالو لي احتمال من المنضم لان الساره بN ضغطها فوق واحد بشوي واذا عشقت D طاح الضغط للصفر وقطعت×

///////


عموما انا احترت وبلشت مادري من انا بيده واخاف اتخسر على الفاضي والصراحه التقطيع ابلشني×

وماستغني عن خبرتكم وتجاربكم×

الفزعه×

هلا ياشيخ شوف فيه طريقتين وتكتشف العله الاولى انت فاتح البطارية ولاسويت اعادة تشغيل هذا طريقة تسوي نفس المشكلة المشكلة الثانية في هوز من البخاخ الي منضم ضغط القير اذ تسمع صوت هواء تحت السيارة تكون المشكلة من الهوز والكمبيوتر حق الفحص موكلشيئ يعطيك بدقة لا شيئ بسيط يطلعلك الف عله وتأكد من البواجي مشدودة كويس ترى اذ ينسم البوجي مستحيل تصفي السيارة يكون راخي وبالتشغيل يجنن بعض الاحيان
حاتم البدراني
01/03/2015, 07:17 PM
:

احد الزملاء معه 2010 6 سلندر جاه تقطيع بس ماوصفه بالضبط
نظف بخاخات وراح .. التنظيف سواه عند بترومين
جرب تنظيف البخاخات لعله يصلح ان شاء الله وبلغنا وش يصير معك

:

ماقصرت وابجرب ان شاءالله معني ماتوقع انه من البخاخات لان ضغط المكينه ينزل ضغطه مع التقطيع
حاتم البدراني
01/03/2015, 07:21 PM
هلا ياشيخ شوف فيه طريقتين وتكتشف العله الاولى انت فاتح البطارية ولاسويت اعادة تشغيل هذا طريقة تسوي نفس المشكلة المشكلة الثانية في هوز من البخاخ الي منضم ضغط القير اذ تسمع صوت هواء تحت السيارة تكون المشكلة من الهوز والكمبيوتر حق الفحص موكلشيئ يعطيك بدقة لا شيئ بسيط يطلعلك الف عله وتأكد من البواجي مشدودة كويس ترى اذ ينسم البوجي مستحيل تصفي السيارة يكون راخي وبالتشغيل يجنن بعض الاحيان

بيض الله وجهك وفعلن كلامك انا كان قبل فتره اصبع البطريه مرتخي وكل مافصل صار عندي نفس التقطيع بس تصفي السياره اذا مسكت الخط لاكن الحين شاد الاصبع يعني غريبه

وبالنسبه للهوز ياليت ترسلي صورته اذا ماعليك امر

وفعلن الكميوتر لكل الي طلعهن طلعن لي يوم اشري السياره قبل سنه ونص يعني ماطلع شي جديد

وشاكر مرورك
بورياض
02/03/2015, 05:19 PM
هلا ياشيخ وربي حاولت ارسل بس ماعرفت كيف طريقة المنتدى بأرسال الصور اذ بقيت اساعدك حاول تكلم المشرف يعطيكرقم جوالي وابشر ولايهمك تراني مهندس بوكالة سيارات واي مشكلة بجميع انواع السيارات اشتغل فيها ودارس خارج السعودية اربع سنوات بكنده واليبان وتقبل مروري اخوكم المهندس بورياض
cadillac911
02/03/2015, 07:03 PM
هلا ياشيخ وربي حاولت ارسل بس ماعرفت كيف طريقة المنتدى بأرسال الصور اذ بقيت اساعدك حاول تكلم المشرف يعطيكرقم جوالي وابشر ولايهمك تراني مهندس بوكالة سيارات واي مشكلة بجميع انواع السيارات اشتغل فيها ودارس خارج السعودية اربع سنوات بكنده واليبان وتقبل مروري اخوكم المهندس بورياض


اخوي ابو رياض انت وين في اي مدينة ولَك رسالة على الخاص


اذكر الله تكسب حسنة
craino
02/03/2015, 08:17 PM
هل لمبة المكينه شغاله
بورياض
02/03/2015, 09:48 PM
هلاء فيك ياشيخ انا في المنطقة الشرقية الاحساء اعمل مهندس ومدير قسم الصيانة لدي سيارات سزوكي ويسوزو عند دوارالعثيم بالمبرز مقابل بنك الرياض اي خدمة تحت آمر الجميع وربي لو تسمح ادارة المنتدى كان عرضة رقم جوالي واي شخص يلاقي مشكلة بسيارته اناتحت امر الجميع دارس خارج السعودية لدى ماتورس بكندي و جامعة دلفت درايفرموتورس باليبان 4 سنوات وتقبلو مروري اخوكم المهندس بورياض واذ حابين يتم عرض جوالي انا ماعندي مانع كلمو ادارة المنتدى واهم يعرضونه تحت موافقتي والشكر للجميع
حاتم البدراني
02/03/2015, 10:02 PM
هلا ياشيخ وربي حاولت ارسل بس ماعرفت كيف طريقة المنتدى بأرسال الصور اذ بقيت اساعدك حاول تكلم المشرف يعطيكرقم جوالي وابشر ولايهمك تراني مهندس بوكالة سيارات واي مشكلة بجميع انواع السيارات اشتغل فيها ودارس خارج السعودية اربع سنوات بكنده واليبان وتقبل مروري اخوكم المهندس بورياض
الله يبيض وجهك وماقصرت ياطويل العمر
ولك رساله خاص


هل لمبة المكينه شغاله

لا مافيه لمه بالطبلون