مشكلة في تشغييل الباثفندر !!!! [الأرشيف]

هواي البر

22/12/2006, 09:14 PM

السلام عليكم ورحمه الله وبركاته

كيف حالكم ياجماعة الربع

يقووووووول المثل (( اسأل مجرب ولا تسأل دختور ))

انا عندي مشكله في الباث الا وهي اذا شغلت الموتر بعض الاحيان اجلس مده في تشغييل الموتر

يعني اسمع دقه السلف بس مايشتغل حتى اذا جيت انتعه مايقبل النتعه وبعد مده يشتغل ويرجع طبيعي !!!

يمكن صارت معي حوالى 5-6 مرات والموتر ماشي حوالى 26000 !!!!

هل تتوقعون البنزين فيه مشكله ؟

او تتوقعون فلتر البنزيين او الصفايه فيه مشكله ؟

انا ماودي اوديه للوكاله يقولون غير البواجي ولا غير الصفاية ولا غير فلتر الهواء ولا فلتر البنزيين

وبالاخير مايصلح ؟؟

ارجوا من الي قد صارت معه المشكله يفيدنا وشلون حل المشكلة ؟؟

وأكن له من الشاكرين

ولاتبخلوا علينا من الردود

و منكم نستفيد

وشكرا

اخونوره

22/12/2006, 09:28 PM

وعليكم السلام ورحمة الله وبركاته
يمكن المشكله في البطاريه
رح لاقرب بنشر يفحصها لك

ذيب الفيافي

22/12/2006, 09:33 PM

نفس كلام الاخ اخو نورة ...افحص البطارية

هواي البر

22/12/2006, 09:38 PM

ماشاء الله تبارك الله عليكم

اشكركم على سرعه مروركم

اما بالنسبة للبطارية ممكن

طيب وهي من قبل ماشية 5000 والمشكلة صارت نفسها !!!
هل ممكن البطارية

والله يجزاكم الجنة

غضنفر

22/12/2006, 11:42 PM

اذا الموتر مخزن يمكن تصير البطارية فيها بلا

هواي البر

23/12/2006, 08:24 AM

هلا اخوي بلاك باث

طيب السلف يدق المفروض ان كان البطارية فيها مشكلة السلف مايدق !!!

اشغل النور يشتغل وادق السلف مافي اي مشكله بس انه مايشتغل !!

اشكر كل من رد على الموضوع

ونترقب المزيد ,,,

خوي السرور

23/12/2006, 08:59 AM

السيارة تدق وشلون تقولون من البطارية شي عجيب

المشكلة في نظام حقن الوقود استشر مختص

أبوناصر

23/12/2006, 12:15 PM

اذا قصدك أخوي ان السلف يدق يعني : طق طق طق طق طق

مهوب نفس صوت الدقه العاديه فتراه البطارية وكاد وصارت معي

أما اذا صوت الدقه طبيعي فالمشكلة يمكن في البنزين

اشور عليك الوكالة وبس وبعدين اذا سعرهم غالي صلح الي قالوه برا واذا سعرهم زين توكل على الله وصلحه عندهم

ملك الباثفندر

23/12/2006, 02:23 PM

نصيحتي لك شف البطارية إذا كانت من النوع إلا تعباء بمحلول مقطر غيرها بنوع اتوماتيك من شركة إسيدلكو
صارت معي اشغل السيارة مر ة مرتين تشغتل في المرة الثالثة
جرب : شغل السيارة ورح بها مشوار في البلد بعدين طف السيارة خلها حوالي دقيقة ثم شغل إذ ما اشتغلت من اول مرة وبدون اي صوت او حنحنة فشوري عليك تغير البطارية بنوع اتوماتيك امريكية وانا عن نفسي مركب اسيدلكو وماشي معي زي الحلاوة
وترا لها مقاسات وارقام تختلف من سيار إلى سيارة
بعدين نظام حقن الوقود ما يخرب من 26000 إلا اذا مهمل في تغير الفلتر بصفة دورية
الله يعينك ويوفقك
إلى اللقاء

عبدالرحمن السالم

23/12/2006, 02:28 PM

اضاهر انه من البطاريه وانا اخوك شيك عليه .. او الحساس انا مره صارت معي كذا طلع من الحساس

عاد ما ادري شيك على الحساس والبطارية ..

وبالتوفيق

هواي البر

23/12/2006, 04:09 PM

مشكوريين على الردود

اخوي (( أبو ناصر ))
بالنسبة لصوت السلف تسمع التشغيل عادي مهب دق دق

وهي تجي بين فترة وفتره

اخونوره

23/12/2006, 04:43 PM

والله يالحبيب يوم اقولك ان البلا في البطاريه لان نفس المشكله صارت معي
يدق سلف عاااادي بس يطول ما يشتغل الموتر ويوم غيرت البطاريه صار يشتغل على طول

Bader-M

23/12/2006, 05:00 PM

الاخ الكريم

مشكلتك تحتمل

1- صعف في البطاريه و نتيجه لهذا يكون الكهرب الواصل الى السلف ضعيف عندها لا يدور السلف بالسرعه المطلوبه

2- اذا كانت المشكله لا تحصل الا عندما تكون السياره بارده فهذا يعني ان نظام التشغيل على البارد عطلان يجب اصلاحه

3- اذا كانت البطاريه سليمه عندها تكون المشكله في السلف لا يعمل بصور المطلوبه

4- اذا لم تقم بعمل تصفيه للمحرك منذ زمن طويل فيجب عليك تصفيتها
وتغير
1- بواجي
2- اسلاك بواجي
3- فلتر بنزين
4- فلتر هواء
لان هذه القطع استهلاكيه يجب تغيرها كل فتره زمنيه معينه تتراوح من (25-35) الف كم
او كما مكتوب بالكتلوج السياره
واذا كانت سيارتك ديلكو يجب اعادة وزنه من جديد

تحياتي اليك

يازين البر

23/12/2006, 05:24 PM

أبقولك شي كد صار معي وجربه يمكن ينفع أنا صار لي نفس مشكلتك بالضبط

يدق تمااااام بس ما يشتغل وش سويت؟؟؟؟؟؟

فبل ما أدق سلف أدعس على البنزين للآخر وأدق سلف وأنا معلق على البنزين لين يشتغل وصار السبب على ما أذكر من صفاية البنزين

وأما الشباب اللي يقولون من البطارية غريبة الصراحة لأنك تقول ان السلف يدق تمام وكذلك البوري يضرب زين

أبوناصر

23/12/2006, 06:59 PM

طيب أنا كانت البطارية في الصباح ياله يشتغل الموتر بالحسره

ويوم غيرت البطارية صار يشتغل على طول من أو دقه لا ودقه بسيطه فقط

شيك عليها عند أقرب بنشر وهو يعطيك العلم الوكاد

وآسف على عدم مساعدتك في مشكلتك

أبرق دمعة

23/12/2006, 07:10 PM

بسم الله الرحمن الرحيم

أخوي هواي البر ... ... أسعد الله مسائك ..
أنا تصير معي هذي المشكلة (بعض الأحيان )
وهو أني أدق السلف وأدق ثانيه وثالثه ورابعه ... بس ما يشتغل !!!!!
ثمن أطفي السويتش وأدق من جديد ويشتغل زي العسل ...
شف يالذيب : إذا حاولت ولا دق ... طلع المفتاح واصبر ثواني ثمن شغل من جديد وبيشتغل بأذن الله
(( هذا من واقع تجربة ))
ولكم جزيل شكري ؛؛؛ ؛؛؛

http://www.mekshat.com/pix/upload/sign/images/mk39342.gif

هواي البر

23/12/2006, 09:33 PM

هلا اخوي ابو ناصر

يعني تتوقع من البطارية ولو انه السلف يدق والنور يشتغل والبوري شغال !!

هلا اخوي أبرق دمعة

اتوقع انا نفس المشكلة الي عندك نفس الكلام الي انا قلته
طيب وش تتوقع منه الخراب !!!!

أو هل تتوقعون ان المشكلة طبيعية في الباثفندر عامه

والمشكله ماتجي وراى بعض يعني مشكله ماهي دائمة تجي فتره وفتره

انا اخبر اذا المشكله في البطارية ,,,,, الانوار ماتشتغل والسلف يطقطق والبوري مايدق

بس هذا الكلام عكس يعني كلشي تمام ولله الحمد

ومعليش تحملونا على الازعاج

والله يجزاكم كل خير على جهدكم

أبوناصر

23/12/2006, 10:45 PM

والله أنا في نظني إن الباث ما يشتغل إلا بكرب قوي فلو كانت الأنوار شغاله وكلشي شغال ممكن ما يشتغل بسبب ضعف الكهرب عن القوة المطلوبة للتشغيل

وهذا راي شخصي لي ممكن أكون غلطان فيه

دار الهوى

23/12/2006, 11:01 PM

السلام عليكم التوقع واللة اعلم المشكلة اذكان دقة السف قوية تأكد من الطرمبة اذا عية تشتغل شغل المفتاح اقصد خلة علي الأنوار اتحذيرية شغالة في الطبلون وبعدين انزل تحت التانكي وتأكد طربة البنزين اذا سمعت لها صوت يعني مهوب العيب منها لان الطرمبة اذا احمت تفصل واذا بردة اشتغلت

هواي البر

24/12/2006, 08:21 AM

الله يعطيكم العافية
على مشاركتكم الفعاله

اخوي (( طارق أبو فيصل ))

سويت الي قلتلي طبعا اذا دقيت السلف على الانوار التحذيرية اسمع صوت زي التصفيير

طبعا سويتها في الصباح يعني السيارة باردة !!!

والله يجزاكم الجنة
على ردودكم

هاوي الله

24/12/2006, 08:47 AM

صباح الخير

سيارتك يوجد فيها نظام حمايه ضد السرقه ؟
إذا يوجد , فممكن يكون الخلل من النظام !؟ وممكن تكون طريقة إستخدام مفتاح السياره لتشغيلها خاطئه !؟

هواي البر

24/12/2006, 08:56 AM

صباح النووور

طيب هل اكيد في الباثفندر نظام حماية في موديل 2005

ووشلون طريقة نظام الحماية ضد السرقه في السيارة

علشان اجربها ان كانت هي المشكلة اذا ما اشتغلت السيارة فهي من الحماية

مجرد تجربة

هاوي الله

24/12/2006, 09:09 AM

يعني لو تنسخ مفتاح من المفاتيح الرئيسيه وجيت تبي تجرب المفتاح وصار يدق سلف بس مايشتغل = يوجد نظام
=============================== واشتغل الموتر = لايوجد نظام

مفتاح سيارتك هل يوجد معه عدة مفاتيح ؟ يعني مفاتيح المنزل + المكتب + العمل ....الخ في حلقه معدنيه بجانب مفتاح السياره !؟

هواي البر

24/12/2006, 10:05 AM

مفتاح الموتر بالحاله مامعه (( أخويا )) يعني مفتاح المنزل والمكتب << هههههههه

ممكن يصير الحماية ضد السرقة ,,,, صحيح

وحتى اذا نتعت الموتر مايقبل والانوار التحذيرية شغاله الموتر مايشتغل المفروض من اول نتعه يشتغل

وشكرا

هاوي الله

24/12/2006, 10:30 AM

إذا فيه نظام حمايه ضد الزمعده* <<<<< إفحص وشيك على النظام + فحص الدائره الإلكترونية الموجوده بالمفتاح

*الزمعده = السرقه هههههههههههههههههههههههههههههههههههههههههههههههههه هههههههههههههههه ه حلووووه اللغه الشعبيه

عريدان

24/12/2006, 10:42 AM

أقول والله إنه غثيث الباث إلا إذا كان .....

أبرق دمعة

24/12/2006, 10:49 AM

على سريع ؛؛؛؛؛؛

يمكن مثل ما قال أخونا (فتى البران ) طريقة التشغيل تكون خاطئة .. .. وهذي تحصل معي إذا شغلت وانا عجل وماكمل السلف دقته
يصير الوضع اللي حاصل .. ..
والمعروف أنه إذا أحتمى السلف (فحمات السلف ) يخرب ولا يشتغل .. ..
فنصيحة .. خل تشغيلك دايم مضبوط .. وإذا حصلت المشكلة ( لاتعسر) السلف طفه وشغل من جديد ..
وشكراً لكم

http://www.mekshat.com/pix/upload/sign/images/mk39342.gif

يازين البر

24/12/2006, 10:53 AM

طيب أنا موتري 2005 والمفتاح معه أخويا :D

وش معناها ؟؟ وليش ؟؟

هاوي الله

24/12/2006, 11:02 AM

أنت يااازين البر إنتبه تتوسدها في البر ههههههه

راجع الكاتلوج قبل تفرش رقبتك في البر وضغطك على الباث يحتر وراسك من الضغط يفتر هههههههه

أبوكلبشة

24/12/2006, 11:10 AM

تبي نصيحتي ود موترك للوكالة ولاتعبث في موترك موترك جديد وحرام انك
كل شوي تغير شي وتقول يمكن
وهذا رأيي واذا كنت بالدمام او الخبر انا اخلي موترك يخلص بنفس اليوم اذا دخلته ورشة وكالة الجبر

هواي البر

24/12/2006, 11:22 AM

مشكوريين على مروركم

كلن با اسمه والله انكم نشامى

الله يعطيكم العافية وماقصرتوا

باثفندر

28/12/2006, 12:29 AM

السلام عليكم ورحمة الله اخوي هاوي البر شيك المفتاح الثاني وجرب اذا راحت المشكلة يمكن مفتاحك الاول طب بماء او رطوبة او علق المغناطيس اللي فيه وترا تغييرة على الضمان .

فتى سلمى

31/12/2010, 02:11 PM

فيه حساس تحت لحقن الوقود على مااظن جرب تشيك عليه لان المشكلة صارت عندي قبل

ووديتها لكهربائي انسدح تحت الموتر وحرك الحساس وضبطت الشغله