المساعد الشخصي الرقمي

مشاهدة النسخة كاملة : فزززعتكم يالمكشاتيه


مبّهر الدله
03/03/2015, 06:44 AM
السلام عليكم ورحمة الله وبركاته
اسعد الله صباحكم يالمكشاتيه
والله يالربع ابي رايكمم بشتريلي جامو فورست مقاس 4.5
وفيه واحد معه فايروخ والله مدري وشي بس الزبده انها عمليه وكويسه ورجال ماستخدمها كثير حاطها بدولاب من سنتين الزبده مابي اطول عليكم
ايهم احسن الجامو ولا الفايروخ من ناحيه الصيد والدقه وايهم الي تصبر اكثر الجامو اسبانيه والفايروخ المانيه وش تنصحوني فيه لباكم
واسف على الاطاله
ابو خالد 1400
03/03/2015, 07:06 AM
ماعرف عن الجامو شي
لكن الفايروخ اذاهي ٨٠ هي الافضل
مبّهر الدله
03/03/2015, 07:24 AM
ماعرف عن الجامو شي
لكن الفايروخ اذاهي ٨٠ هي الافضل

الله يسعدك والله مدري 80 ولا لا بس شلون اعرف اذا ماعليك امرر
وش الي يميزها عن الجامو الله يستر عليك
ابن عدل1
03/03/2015, 08:17 AM
يالطيب لا تشاور خذ الفايروخ وانت الكسبان مهما كان مقاسها احسن من الاسبانيه وطقتها
أبوصالح9
03/03/2015, 01:35 PM
ماتقارن الفايروخ بالجامو ابد - بس قبل لاتتسرع وش نوع صيدك ؟؟؟

يعني اذا صيدك صغير ماتنفعك البندق القوية تقطع الصيد تقطيع والعكس صحيح

خذ فايروخ ولا تشاور - بس حدد نوع صيدك عشان نقدر نفيدك كم المقاس المناسب للشراء
Skr1405
03/03/2015, 03:04 PM
الاسبانيه قويه والله ماتنفع للدخل والطيور الصغار صحيح كثير من الشعب يقدر الالمانيات لكن لقيت دقة التصويب بالاسبانيه خصوصآ اذا غيرت النيشان حقه لانه يتحرك ... عن تجربه
ارثمس
03/03/2015, 11:14 PM
والله ان الفايرووخ ال 80 علاج فعال لجميع الطيور صغير وكبير
أبوصالح9
03/03/2015, 11:29 PM
والله ان الفايرووخ ال 80 علاج فعال لجميع الطيور صغير وكبير



اخوي ارثمس كلنا نعرف قوة ال80 الفايروخ - لكن هل تقارن الدخل بالصفار او القميري - اذا الواحد همه يرمي وبس اجل ترا الشوزن تطرح الدخل والقميري والكرك والبعير بعد - ولو كل الطيور تطرحها بندق وحده اجل وشوله يتعبون انفسهم ويصنعون بنادق مختلفة القوة - زبدة الكلام للطيور الصغار خذ بندق ضعيفة 27 - 30 - 35 والطيور متوسطة الحجم خذ بندق قوية 80 - 85 - 90 - كلامي يخص الفايروخ فقط
ارثمس
05/03/2015, 01:27 AM
يعني يشتري بندقين إذا هو راعي طيور صغار وكبار الله يعينه على نصايحك
أبوصالح9
05/03/2015, 02:10 AM
يعني يشتري بندقين إذا هو راعي طيور صغار وكبار الله يعينه على نصايحك


الصيد ولعه وهوى مهب مع الخيل ياشقراء ومن بغى الدح ماقال اح - وش الفايدة من صيد متقطع يخليه يعيش احسن من انه يستاثم فيه ولا يلقى فيه لحم ياكله - ال 80 تقطع الدخل تقطيع
مبّهر الدله
05/03/2015, 02:18 AM
السلام عليكم الشكر موصول لكل من بدى رايه
اخوي ابو صالح مشكور بس تراها ماهي هوشه ترا مجرد اراء روق فديتك
أبوصالح9
05/03/2015, 02:42 AM
السلام عليكم الشكر موصول لكل من بدى رايه
اخوي ابو صالح مشكور بس تراها ماهي هوشه ترا مجرد اراء روق فديتك

ومن قال اني اهاوش او اني تعرضت لاحد كلامي عادي وابفصل لك كلامي حبة حبة

الصيد ولعه وهوى = هذا رايي ويمكن غيري عنده راي ثاني

مع الخيل ياشقراء = يعني ان الواحد مايتبع غيره وهو مايدري وش الزين والافضل

من بغى الدح ماقال اح = يعني اللي متعلق بالقنص والصيد يدفع ولا يشاوف او يحسب للخساير

اعتقد كلامي واضح يامبهر الدله - واللي ينصح بهالزمن يصير هو الغلطان ؟؟؟؟؟؟

على العموم اللي يبارك لك مقدما

في أمان الله