المساعد الشخصي الرقمي

مشاهدة النسخة كاملة : صوت طقطقة لاندكروزر 2002 ارجو المساعده


العامري93
03/03/2015, 08:59 AM
السلام عليكم
شحالكم؟ عساكم طيبيين
شباب لو سمحتو واجهتني مشكلة من يومين و ما عرفت لها حل. معاي استيشن ( لاند كروزر) 6 سلندو موديل 2002 قير عادي. دخلت فيها الرمله و قطعت شوي مش كثير و لما طلعت ظهر معاي طقطقه ما اسمعه الا لما يكون القير راكب و داعس ريس بس لما اشيل رجلي من الريس يختفي الصوت. وما يطلع معاي الصوت لما تكون السياره واقفه ولا مع دعسة الكلتش. المهم انا شيكت على الشفت و غيرت الصليبات. بعد يوم من المشكلة رحت اشيك على زيت المكينه حصلته ناقص لترين و نص

تتوقعون من شو المشكلة؟ مع انه الصوته كانه من القير ولا من المكينه. ياليت الي معاه خبره ف الموضوع يفيدني
العامري93
03/03/2015, 09:55 AM
ما فيه احد عنده فكره عن المشكلة؟ ): :(
ابوراكان تبوك
03/03/2015, 02:28 PM
لما تدعس كلتش والسيارة واقف يروح الصوت ؟؟؟
العامري93
04/03/2015, 05:38 AM
لما تدعس كلتش والسيارة واقف يروح الصوت ؟؟؟

لما تكون السياره واقفه ما فيه صوت. الصوت يطلع بس اذا كنت ملقم القير و داعس على الباترول و السرعه فوق 30 كم
متقاعد مبكر
04/03/2015, 12:36 PM
هل اذا دعست بنزين والسياره واقفه يطلع صوت
ateeq7
04/03/2015, 01:02 PM
سيارتك قير عادي يوم تمشي على القيارات ما تحس ان سيارتك حارقة صحن كلش و تطلع ريحه كانه ريحة بصل
بس انا الذي لفت نظري 2.5 لتر ناقص الزيت المحرك هل سيارتك تشيك عليها ولا اول مره تشوف النقص
انته يوم تدخل تقطع في الرملة كلمة اماراتيه على وزن تطعيس هل تدبل كلتش و انته تسوق يعني تسوي هاف كلتش عشان يزيد العزم
العامري93
04/03/2015, 01:12 PM
هل اذا دعست بنزين والسياره واقفه يطلع صوت

لا والله ما يطلع الصوت
العامري93
04/03/2015, 01:19 PM
سيارتك قير عادي يوم تمشي على القيارات ما تحس ان سيارتك حارقة صحن كلش و تطلع ريحه كانه ريحة بصل
بس انا الذي لفت نظري 2.5 لتر ناقص الزيت المحرك هل سيارتك تشيك عليها ولا اول مره تشوف النقص
انته يوم تدخل تقطع في الرملة كلمة اماراتيه على وزن تطعيس هل تدبل كلتش و انته تسوق يعني تسوي هاف كلتش عشان يزيد العزم

لا ما فيه ريحة كلتش. انا متعود اشيك عليها كل 3 الاف و نص والقاها ناقصه لتر و نص ولا 2 .بس هذي المره ما انتبهت و دخلت فيها البر انتبهت لما مشيت عليه 5 الاف. الي اعرفه انه الاستيشنات السته طبيعي ينقصن ولا كلامي غلط؟

ومن ناحية تدبيل الكلتش لا والله ما ادبل لاكن اذكر اني شغلت الدبل الثقيل عشان اجربه لاني من زمان ما شغلته و طعست قير 3 و 4. ممكن يكون هو السبب لاني بعدها شميت ريحة كلتش
ateeq7
04/03/2015, 01:45 PM
الدبل الثقيل ما اعتقد يأثر بس افضل شي توديه كراج يفحص الجير و الكلتش و خصوصا مستوى زيت الجير
و نقص الزيت في المحرك شيك على ضغط البساتم و هل السيارة تدخن من الكزوز دخان ابيض و بلاكات هل عليها كربون اسود او زيت المحرك
العامري93
04/03/2015, 02:20 PM
الدبل الثقيل ما اعتقد يأثر بس افضل شي توديه كراج يفحص الجير و الكلتش و خصوصا مستوى زيت الجير
و نقص الزيت في المحرك شيك على ضغط البساتم و هل السيارة تدخن من الكزوز دخان ابيض و بلاكات هل عليها كربون اسود او زيت المحرك

مشكور اخوي على تفاعلك مع المشكلة و السموحة تعبتك معاي. وان شاء الله في ميزان حسناتك
ابوراكان تبوك
05/03/2015, 12:12 AM
النقص للمودديلات من 2003 وتحت ليس طبيعي

وانت رايح الكراج بالمره خليهم يشوفو جلد البلوف