تشغيل السيارة

[سعود سالم]

السلام عليكم جمعا اعضاء وزوار
عندي لاندكروزر 2005 غيرت المكينة 2009 وكانت المكينة الاوله بأول نقرة تشتغل لكن الحين ما تشتغل إلا بعد رابع أو خامس دقة
يا ترى وش السبب

[الحربي 591]

يمكن من السلف ؟

[سعود سالم]

اشكرك اخي الحربي 591 (http://www.mekshat.com/vb/member.php?u=291568) على سرعة الرد على تسائلي
لكن فيه واحد قال يمكن السبب من البخاخات يبغى لها تنظيف قلت له تنظيف البخاخات إذا كان الموتر فيه تقطيع

[الوسم]

طيب ... وين ضمان المكينة ؟؟

ارجع له وخله يضبطها

[سعود سالم]

حياك الله اخي الوسم
الضمان موجود لكن انا بالرياض واللي غير المكينة بالقصيم وان سألت ابغى اشوف إذا كانت المشكلة بسيطة فمايحتاج ارجع له اي ورشة بالرياض تقوم بالمهمة ولا اعتقد انها من المكينة يمكن تكون من السلف او من البخاخات

[MSAN]

تأكد من بلف راجع البنزين (الرقليتر).. المشكلة 90% منه


بالتوفيق

[سعود سالم]

الله يوفقك لكل خير
عذرا ما فهمت (الرقليتر).. وش تقصد الله يحفظك
انا ناوي اروح افحص السيارة فحص كمبيوتر

[MSAN]

الله يوفقك لكل خير
عذرا ما فهمت (الرقليتر).. وش تقصد الله يحفظك
انا ناوي اروح افحص السيارة فحص كمبيوتر


هلا بك ياعزيزي..

أشرح لك طريقة عمل بلف الراجع..
مثلا..
طرمبة البنزين تضخ بقوة 60PSI والمكينة تحتاج 40PSI.. يكون موجود (بلف) في ليات أو مواصير البنزين يحبس البنزين الي تحتاجه المكينة ويرجع الزايد للتانكي.. اذا طفيت السيارة يبقى البلف حاجز البنزين في مواصير البخاخات على ضغط 40PSI .. كذا أول ماتشغل السيارة يكون البنزين واصل لها على طول..


لكن لو البلف خربان.. اذا طفيت السيارة راح يرجع البنزين الموجود في المواصير للتانكي.. وتفضى مواصير البنزين.. اذا جيت تشغل السيارة يبغالك تحاول مرة مرتين ثلاث الين تعبي المواصير بالبنزين ثم يوصل البنزين للمكينة وتشتغل السيارة



غالبا اذا البلف خربان راح يطلع لك في فحص الكمبيوتر انه ضغط البنزين منخفض في البخاخات
أتمنى اني أكون وفقت في الشرح.. وبالتوفيق