المساعد الشخصي الرقمي

مشاهدة النسخة كاملة : **** سويت برمجه لريموت اليوكن وماظبط اللي عنده رأي يشرفني ****


ريان2002
03/03/2015, 06:23 PM
السلام عليكم ورحمة الله وبركاته
السياره يوكن 2002
أمس وبدون سابق إنذار تعطل الريموت حق السياره ( ريموت بلدها ) وغيرت البطاريه وسويت برمجه وجدت شرح لها في موضوعات ومقاطع يوتيوب ولكن بدون فائده
هل تعرفون مكان الشريحه اللي تستقبل إشارة الريموت في السياره ؟ لأني أشك بالسياره أكثر من الريموت مع العلم بأني إذا قفلت السياره بزر اللوك لمبة السيكيورتي تشتغل عادي
المشكله أنا في ديره لافيها مبرمجين ريموتات ولا بياعين ريموتات
وسلامتكم
ريان2002
03/03/2015, 06:46 PM
طبعا من ضمن الأشياء اللي سويتها تنظيف شريحة الريموت ببخاخ نقاط الكهرب وشيكت على كل أجزائها سليمه
cadillac911
03/03/2015, 07:10 PM
خلك جنب الموتر واضغط زر الفتح وزر الاغلاق في الريموت مع بعض الين يجاوب حول 30 ثانيه


اذكر الله تكسب حسنة
ريان2002
03/03/2015, 08:59 PM
سويت اللي قلت لي عليه مره ربع دقيقه ومره نص دقيقه ومره دقيقه كامله وبدون فائده
الغريب إن المرحله قبل الأخيره في البرمجه اللي هي ضغط مع الإستمرار على الزرين اللي في الريموت تتقفل الأبواب وترجع تفتح بعد الضغط بخمس ثواني وكأن البرمجه ضبطت وأشغل السياره وأطفيها وأرجع أجرب بدون نتيجه
ريان2002
04/03/2015, 06:56 PM
يرفع لمزيد من الآراء
الشواوي
04/03/2015, 07:06 PM
طيب غريبه انا سبق اني غيرت بطارية اليوكن ولا سويت له برمجة
ريان2002
04/03/2015, 07:20 PM
طيب غريبه انا سبق اني غيرت بطارية اليوكن ولا سويت له برمجة


وأنا قد غيرت بطارية الريموت حوالي ثلاث مرات ولا برمجته
لكن سبب تغييري لها هالمره لأنه تعطل وقلت يمكن بطاريته ضعيفه
الشواوي
04/03/2015, 08:09 PM
اجل الريموت عطلان مافيها كلام شفلك فني يضبطه لك
ريان2002
04/03/2015, 08:44 PM
أشكرك يا الشواوي على المتابعه
الديره اللي أنا فيها لا فيه مبرمجين ولا ريموتات ولا عندي فرصه أسافر وأشتري جديد أو أكشف على اللي معي إلا بعد ٣ أسابيع مع إجازة المدارس
فكتبت هالموضوع يمكن ألقى له حل حتى لو مؤقت
ريان2002
09/03/2015, 11:00 AM
للفائده تم التحديث
أمس بالصدفه لقيت محل حق مفاتيح عنده جهاز يشكف به على الريموت ويوم كشف على ريموت سيارتي قال الريموت سليم ويعطي إشاره المشكله عندك بالسياره وأنا ما أعرف لها
قبل شوي دخلت السياره الحوش وشيكت على الأفيوزات اللي بالطبلون بلمبة الفحص وكلها سليمه
وشيكت على الأفيوزات اللي في الكبوت بسحبها والنظر إليها وإرجاعها مكانها وكلها سليمه
وكنت بأفصل أصبع البطاريه السالب لكن قلت أبجرب الريموت قبلها وجربته وكان تمام والحمد لله
يبدو أنه كان هناك أفيوز في الكبوت خصوصا يحتاج تحريك والعلم عند الله
وسلامتكم