ملابس ضد البرد القارس

[المموه]

بسم الله الرحمن الرحيم
السلام عليكم روحمة الله وبركاته .
من المعروف ان الكثير منا وخاصة الذين يحرصون على قضاء معظم وقتهم بالبر يبحثون عن الملابس والفرش المناسبه لأجواء البر المتقلبه والتي يغلب عليها البرد القارس هذه الايام . فالبعض مدبل بجامات ولابس جاكيت وفروه وقبوع وشماغ وشراب صوف ومع ذلك بردان . وفراشه ما يشيله اثنين من البطانيات ومع ذلك بردان . ولقد شاهدت ناس يلبسون ملابس عجيبه خفيفه وبسيطه ولكنها تتنحمل درجات بروده متدنيه جدا . في بعض رحلاتي من شدة البروده ثلجت توانك الماء وطاسة البيالات والفناجيل نسخنها حتى يموع الثلج فعلا يجي ايام بالبر بارده جدا خاصه اذا كان مع الصقيع مهب شمالي . لذا حبيت من طرح هذا الموضوع ان يفيدونا الاخوان الاعضاء بأفضل الملابس والفرش التي صممت لتحدي هذا البرد واين تباع حتى لو خارج المملكه نجيبها . كذلك اتمنى من مشرفنا الاخ ايمن ان ينتقي افضل المشاركات بهذا الموضوع ويثبتها للاستفاده منها .

[صوعان]

موضوع جيد تشكر عليه

اخوي المموه اغلب الملابس والجاكيتات الان تكون بلوستر
وزنه خفيف ويقاوم البرد مهما كانت درجه الحراره
والبلوستر طبعا انواع ..والانواع حسب سمك الحشوه في الجكيت

وافضل شي شفته جاكيتات ماركه (كبي لس) انجليزيه لكن مع الاسف ماتوجد عندنا
اذا تعرف احد يجيبها من بريطانيا ترااااااااااااااي ابي واحد
قيمتها تتراوح مابين الــ 500 الى 800 حسب الوديل والنوع

[الجمرك]

اذا كان البرد شديد ماينفع غير الفروة الطفيلي

[عريدان]

بسم الله والحمد لله
والله كني بأدخل حرب لأني والله ناصح لكم من كل قلبي ولا يعرف البرد إلا من تلوع بلسعاته ونزلاته. وأرجو ان تدعوا لي ولوالدي الكبيرين.!!
اللبس المذكور هنا مخصص لرحلات التخييم والصيد أكثر من ثلاثة أيام بلياليها آخخخ من ليالي الشتاء ليل في قفا ليل .
1- إلبس بيجامه صوف إنجليزي غامقة اللون للتحمل ولا تنسى شراب خفيف صوف أصلي مع جزمه مبطنه بوت.
2- إلبس فنيله أم رقبه كم طويل إن حصل بوليستر وإلا قطن مع هاف من الزينات اللي يحزم وسطك.
3- بعدين الثوب الصوف ذو لون (فاتح) يدفي ولا يحررك بالشمس او الترنق الرياضي و كل حسب مزاجه.
4- قبع وافي صوف من الزينات الأصليه + شماغ صوف مت الثقال.
5- دسوس ممتازه على نظرك + صديريه تشد على كل مالبسته (بدون كموم) + فروة من الطيبات وتكون خفيفه.إترك عنك البشوت الكسر إلا أن كانك بتشخص وإلا في مسجد الجمعه.
الله الله بالفازلين والغسول بالماء البارد ولا تخاف.

[صليب الرأس]

موضوع جيد
بالنسبه للبرد فهو مشكلة كل شخص كشات يروح للبر ويبات فيه وخاصة اذا هب النسري لذا الحرص واجب , لذلك الباس مهم واهم شئ هو تدفي اطرافك اليدين والرجلين اذا دفيت هاذولي دفي جسمك انشاء الله طبعا الصدر مهم ان تلبس فنيلة داخلية صوف اجليزي . وعلي ذكر الملابس يوجد فانيله صوف من بري وقطن من جوي مررره دافيه ويوجد طقم السعر مني متاكد توجد في اسواق المتنبي اول محل او ثاني علي يدك اليسار ملابس رجالية وانت داخل السوق من جهه شارع المتنبي . بخصوص فراش النوم بصراحة ماشفت ادفي من فرش التنزاني المعروفة .


ودممممممممممممممممممممممممممممممممممممممممممممتم

[التاكسي]

ياااااااااااااااااا شباب لاتنسون الراس اهم شي لازم يدفاء

[نعمان الفهمان]

موضوع مهم جدا

الامريكان والاوربيين يجيهم برد وثلوج توحش فاكيد لبسهم بيكون برضة يوحش
بالنسبة لفراش النوم عندهم انواع خفيفة وتتحمل البرد لانهم يستخدمونة للتخييم بالثلج
الي عنده خلفية يا جماعة يطلعهن لنا بالنت وجيبتة سهلة
نفس الكلام ينطبق على الملابس

[نيتروجين xp]

واهم شي بعد الأكل بالبر والحرص على أكل المفيد

مثل الفوووول والأكلات الشعبيه مثل المرقوق والجريش وغيرها

ومشكور اخوي على الموضوع ..

[abumishary]

اخوي عريدان
كلامك على متمه
بس بها الملابس يبي لك ما تنسى تجيب عربيه للتنقل :D :D او يبيلك اثنين يعضدون لك اذا بغيت تقوم :) :D
الله يغفر لنا ولك ولوالدينا ولوالديك

[كشته 111]

اخي المموه ودي اضيف التالي :

1 - قدم احد الاخوة نصيحة في اللباس وجربتها وطلعت حلوه وخلاصتها : في عز الشتا البس با الترتيب التالي ( فنيله علاقي - فنيله صيفي نص كم - فنيله شتوي اللي تبي صوف والا قطن ) بعدين شف الدفا .

2 - سالت عامل افغاني عن الشال اللي لابسه وموقيه من البرد قال هذا ب 15 ريال ومرتاح فيه وعملي واضاف انه فيه شال افغاني قيمته من 120 الي 170 ممتاز جدا للبرد الشديد ووصف المحلات اللي تبيعه وانت عند اشارة الشميسي اللي تحت الكبري مقابل البوابه الرئيسيه تلف يمين كانك رايح طريق الملك فهد بيجيك الدوار تعداه بيجيك محلات الفيديو تعداها شفهم علي اليمين والشمال قبل طريق الملك فهد محلات يبيعون الاقمشه الهنديه والباكستانيه واسم الشال اوي شادر ,,,,

3 - با النسبه لتوفير الماء الحار في البر بصفه مستمره تجيب ابريق حق الشاي من نحاس زي جرة الفول ابو بزبوز تلقاه في محل مقابل اسواق المعيقليه من الغرب الوصف ( وانت داخل من طريق الملك فهد للمعيقلية تجيك اشاره تصير المعيقليه في الزاويه الجنوب الغرب تلف يسار تصير المعيقلية علي يدك اليمين المحل شفه علي يدك اليسار رح الاشارة وسوي يو تيرن تلقاه علي اليمين وقيمته 140 ريال تقريبا ) وتجيب دفاية قاز وتحطها تحته وتخليها تدهر وتلقي الماء دايم يغلي وللشاهي طعم الماء رهيب ,,,

وسلامتكم والسلام عليكم ,,,

[بيرق التوحيد]

فــصـــل الــخـــطــــاب




اخي عليك بالتالي وبعدها لن تتأذى من البرد بأذن الله العلي القدير

وهذه التجربه قمت بها بنفسي وأخذتها عن شيبان كبار بالسن وفعلاً مفيده وفعاله

ولا تحتاج تكاليف ماليه

انظر أخي الفاظل الكريم


قبل كل شيء فيه امر مهم ينساه الكثير


وهو ان القناص او الكشات او اي راعي بر لابد يجعل من ظمن اغراظه شنطه مصغره مخصصة للملابس شنطه تفصلها انت بقماش تنزاني على مزاجك

وتوظع باستمرار ماتنزل من السياره تحت الطبق

ثم ندخل في صميم الموظوع

اولاً / في طلعاتك ومقانيصك في الشتاء البس ثوبين على بعض

فهو مانع وقوي من البرد حتى ولو كان الثوبين خفيفه

واحرص على اللون الباهت كالبيج الفاتح لأن فوائده كثيره لن اذكرها خشيت الإطاله

اهمها

عدم تنفير الصيد ... وقلة اكتسابه للحراره من الشمس اذا طلعت عليك شمس حاره ... وعدم رؤيت الغير لك وانت تتمشى تتقنص بين الشعاب او النفود ....... وغيرها الكثير الكثير ...

ثانياً / قم بتدفيت اطرافك لأنها مداخل البرد وهي اهم شي (( اليدين ... القدمين .. والصدر مهم ))

يعني بالنسبه لليدين ... البس دسوس

فيه نوعيه خفيفه وتدفي حيل من جوى صوف ومن برى جلد ناعم وخفيفه ورخيصه عليك بها


وبالنسبه لقدميك ... البس شراّب

عليك بشراب العظاظ المعروفه ام شيبه او الشراب الي تجي عليها رسمت خروف من وارد العظاظ وهي معروفه اهم شي خذ اصلي وليس مقلد المقلد مايزبنك ابد ابد ...

وبالنسبه لصدرك البس صديريه حتى لو كانت بدون اكمام لايهم


انا شخصياً جاب لي واحد من الأخوان فنيلة صوف خارجيه عجيبه مره



الفنيله لها سحاب من قدام وصوف وخفيفه مره كأنك مالبست فنيله تلبس خارجيه ولها اكمام وسعرها ماتصدق 10 ريال


قلت له من وين قال من الرياض من محل جوهرة الهرم في مكان اسمه الشفا فتعجبت من دفاها وخفتها ورخص سعرها


ثم اخي لاتحرص كثيراً على تكميم نفسك مره ولبس الكثير من الملابس فهاذا له سلبيات منها

1- انك لو تخلع شي من ملابسك كالقبوع مثلاً وانت عند الظو وجاك لفحت هوا ستكون العواقب وخيمه لأنك دافي او معرق ويجيك لفحة هواء بارده

2- اللبس الزايد فروه وبجامتين وقبوعين وثلاث شراريب وصديريه ودسوس عدد2 وما ادري ايش هاذي بتخليك خامل في محلك واذا مشيت تعبت من الحموله الي عليك صحيح والله

فعليك بالي قلت لك ووالله عن تجربه ستجد الخفه والدفى العجيب ولن تقصر في القيام بالواجب مع ربعك (( الذرابه ))

---------------------


أما بالنسبه للنوم والفراش الأفظل والأجدر بالشراء ولن تندم عليه


فعليك بفراش الدريويش الذي يأتي من داخل فرو اصفر ياسلام عليه شي ... شي ... شي ... شي

يعجز الوصف عنه اي والله


واظن ان كل شي حاولت اجيب عنه وهذا الي انا ماشي عليه ومرتاح به مره ولا اعرف أذى برد

اذاً خرجنا في نهاية الموظوع الى

أنك تلبس فقط ثوبين ودسوس وشراب وفنيله للصدر ول حصل بجامه فحسن وهذا لبس البر الي دارجين عليه

واشكرك على طرح الموظوع المهم في وقته

والله يوفق ويسدد


تقبل محبة اخيك

بيرق التوحيد

[بيرق التوحيد]

عفواً نسيت امر مهم مهم

وهو الغذاء في البر يعتبر بنسبة 50% من دفاك

فعليك ونخوك بالبر والسمن واكثر من شرب الحليب واظف معه الحب حار وهي الي يسمونها الناس الفليفله الي تجي سود صغار تطحنها وتحطها مع الحليب او الأكل مباشره
هاذي وحده بوحده

والسلام


تمنيت لو فيه شات لمكشات لعشان نتحاور بطريقة افظل وانجع



ياليت فيه شات للمكشاتيين ياليت

[ابوفهد5599]

فيه بجامه انجليزيه انصحكم بها 0 :good: :D

[عريدان]

أبو مشاري جرب اللي قلت وعلى مسئولييتي؟

[المموه]

اشكركم على ما ذكرتوه والحقيقه ان افضل مافي هالديره عندي والحمدالله من لبس وفرش واذا طلعت للبر اطبخ انواع الاكلات الشعبيه واحرص عليها . ولكن البرد وكثر الملابس مزعجان وانا شفت واحد عليه جاكيت بس لا بجامات ولا فروه هذا الجاكيت يتحمل درجة حرارة 30 تحت الصفر وتكرمون ثاني عليه بوت جزمه داخله بلوستر يتحمل 45 درجة تحت الصفر وهذا مكتوب عليهن وتشوفه قاعد والله ماهمه برد ومرتاح وثاني معه فراش وزنه يمكن 5 كيلو يتحمل درجه حراره 30 تحت الصفر مافيه الا وساده وينام برا الخيمه والله مايدري عن شي ويقول حر وحنا نرجف داخل الخيمه . هذا ماقصدته من الموضوع . وما ذكرتوه يحل المشكله نوعا ما . شاكرا تفاعلكم .

[مجنون تميم]

اللي يبي الدفا يفتح الدالوب ويلقط كل اللي قدامه ويلبسه ولا يخاف انشاء الله ما يجيه برد

[الابرق1]

جزاكم الله خيرا على هذا الطرح المفيد.واود ان اذكر انه يوجد جوارب للقدمين دبل في سوق الجملة بالبطحاء اعتقد عند العضاض.كفانا الله واياكم زمهرير جهنم وجميع المسلمين.

[هاوي _المقناص]

السلام عليكم
بالنسبة للبس فيه نوع من البجامات صوف انقليزي اصلي اسمها LAMBTEXS لونها سكري عليها صورة خروف رهيييييييييييييبة جدا وسعرها 80 او 85 ريال وكيلها الظاهر الفوزان تلبسها تحس انك دافي من جد وتكملها بسديرية يطلع الدفا نسبة فوق :( متأثر بالأسهم .

أما الفراش فخذ تجربتي ان اعجبتك لاتعدى الفراش الامريكي شريته من محل المقناص مخرج 15 كان سعره ب 500 ريال وسوو عليه تخفيض واخذته ب 280 يتحمل 20 درجة تحت الصفر وضد الماء ، اذكر مرة كنا بالدهنا والشباب نايمين في الخيمة وحاطين عليها شراع ازرق وكانت الخيمة ماتكفي ونمت برا الخيمة وكان المطر يصب طول الليل ويتجمع في جهة من الشراع ويصب علي وانا نايم واللي داخل الخيمة مانامو من المطر ، واخوك ساحب الشفاط للفجر مادرى عن الماء اللهم لك الحمد .

فيه موقع يمكن يفيدك عن الملابس www.cabelas.com (http://www.cabelas.com/)

آسفين على الإطالة وسلامتكم :)

[البارق الاصلي]

فيه بجامة صوف ناعمة انجليزيه ام خروف او ام عسكري عند الفوزان للملابس الداخلية وخذ خف جلد البسه فوق الشراب بس شراب امتان انصحكم بها وفيه شئ مثل السماعات تحط على الأذن عن البرد حلوه .

[s3ed]

السلام عليكم

شوف هذا الموقع تعتبر هذة الشركة من الافضل على مستوى العالم من حيث الجودة والدفا

وهذة تعتبر الملابس الرسمية والافضل لتسلق جبال الهملايا والقطب الجنوبي والشمالي


يعني تلبس هالجاكيت تنطبخ في عز البر

http://www.thenorthface.com/opencms/opencms/tnf/gear-shop-subcategory.jsp?category=11&site=EU

[ابو حمد 2006]

السلام
ياخون الاساس في البرد تدفية الاطراف
عليك بالفازلين قبل ماتلبس الشراب
وشف الدفوة لوشراب صيفي

[المموه]

اشكر للجميع تعليقه ومشاركته واخص بالشكر الاخوين هاوي المقناص و s3ed على الموقعين الخاصين بالملابس والجاكيتات . والحقيقه ان فيهن ما يوسع الصدر خاصه الموقع الاول يوم طلبت بالباحث ملابس الشتاء (winter clothing) .

[هاوي _المقناص]

العفو اخوي المموه نحن في الخدمة دائماً طال عمرك

[ابومعمر]

الله يسلم ابومالك ياصليييييييييييييييييييب الراس المخيم يبي تعب ولا يدري ابو ايمن عن المصاريف

[صليب الرأس]

اقول يابو معمر وراء ماتكل هواء والمخيم بشوفك متسدح فيه تسنك ضبعه


ودممممممممممممممممممممممتمم

[كايد]

السلام عليكم

يالربع انا كنت ابرد مررررررررررررررررررررة ولدرجة كل ساعة اروح الله يكرمكم والملايكة -اقضي ديان(اطير شراب اكرمكم الله)-لدرجة لاتطاق لو البس كل ما في سوق الزل......


واروح احجم في عيادة دوفن فيه دكتور سعودية دارس طب بديل واروح له من باب التجربة واحجم 3مرات وصرت ما اونس بالبرد مثل اول...........

وجربو يالربع عنوانه على شارع الخزان بتجاه الغرب (تخلي عمارة الملكة يسارك وتتجه غرب )

وارقامهم
2865665
او 2860044

والله يالربع يا لها فوائد جمممممممممة

نصيحة رح وجرب

[عبدالرحمن]

1- تكون دافي من الاساس . واذا كنت بردان اشرب شي يدفيك مثل الزنجبيل عشان يدفى جسمك.

2- البس بجامه تحت اي شي لابسه عشان تحفظ الحراره داخل جسمك.

الملابس تحفظ حراره الجسم ما تجيب له حراره من برا.

[imksa]

مهما لبست فتأكد من حماية ( الرقبه )

وما فيه مثل هالجاكيت اللي يحميها 100%

افضل من الفروه ومن تدبيل الثوب ، وللمعلومية فيه نوعيات منه رخيصه عند سما و الهرم
http://www.thenorthface.com/media/gear/catalog/AA7H/AA7H-60U_feature.jpg

في امان الله

[ابوعبدالهادي]

أضيف أذا تبغا تنام وسط الثلج وتموت من الحر


عليك بكيس نوم جيشي قديم لونة أخضر
مصنوع من الريش تحصلة في المحلات العسكرية
تأكد انة ريش نعام أو طير

[الهجري]

البلوستر سريع الأشتعال فيرجى الحذر

أقول و لا ملابس و لا حاجة

كثر من شراب زنجبيل و صع مع الاطعمة قلقل و أكثر من اكل عدس و للطاقة خذ لك عصير عنب و زبيب


و اذا كنت عاوز تلبس

عليك بلأحذية الروسية و الجوارب البكستانية

[المموه]

اشكر للجميع تعليقه ومروره . والحقيقه من يوم العيد الى الخميس وانا بالجندليه والصمان وضربنا البرد ضربه كل شي تجمد والتوانك مثلجه ما تصب وبسبب التنقل ما طقينا خيمه الا يومين وما كان لها اهميه لانها ابرد من الخارج فهي فريزر . ولحسن الحظ كان معي وبعض الشباب فرش امريكيه عز الله انها رخيصه مهما غلت تدخل ماتدري عن شي والصبح تنشرها بالشمس لين يموع الثلج . اما اللي معه فرش مشي حالك حطينا عليه الفرشات وما نفع معه . دبلنا بجامات وشراب وجاكيتات والنار ماتطفا وفروه وجمايد واكيد كل من طلع جرب لذا اطلب من الاخوان حل جذري لمثل هذا البرد .