الفزعة يا رجاااال

[مشاري نايف]

السلام عليكم و رحمة الله و بركاته
أسعد الله مساءكم بكل خير،

أنا من اهل الرياض و من فترة أبحث عن صميل مصنوع من جلد( أو البعض يسميه سعن و عكة و نحو و مدهنة ) اللي يحفظ فيها السمن.
اللي يعرف مكانه يدلني عليه ويرسل الوصف بالضبط وان تيسر مع الأسعار أكون له من الشاكرين ،،
تعبت وانا ادور ولا حصلت

[saleh2015]

تقصد المطبقيه ؟؟

نحاسيه

اذا هذا الي تقصده تحصلها عند محلات المواعين ب 15 ريال فيه نحاس وفيه ستيل

[مشاري نايف]

لا الله يسعدك ،
اقصد المصنوع من جلد الغنم

[Hagaanaf]

السلام عليكم و رحمة الله و بركاته
أسعد الله مساءكم بكل خير
أنا من اهل الرياض و من فترة أبحث عن صميل مصنوع من جلد ( أو البعض يسميه سعن و عكة و نحو و مدهنة ) اللي يحفظ فيها السمن
اللي يعرف مكانه يدلني عليه ويرسل الوصف بالضبط وان تيسر مع الأسعار أكون له من الشاكرين
تعبت وانا ادور ولا حصلت

ي
حفظك الله
صحة التسميه هي ( العكه )
لآن الصميل للحليب واللبن ، بينما العكه هي للسمن ( عكة سمن )
سوف ادلك بإذن الله
شف بياعين السمن والبقل بالديره ( دخنه ) خلف مبنى الإماره والشرطه من جهة الجنوب بإذن الله ستجد ضالتك
وإذا ماتيسر ، ماعليك الا انك تصبر الين يجي رمضان القادم ان شاء الله ، وبعد العصر تروح لم بوابة اسكان الحرس الوطني خلف صناعية النسيم ، وهناك مؤكد ستجد من يبيعك العكه
دمت في حفظ الله

[أبو سيف العمري]

http://sahat-wadialali.com/vb/uploaded/74_1215275383.jpg

أنت تقصد هذي


أنصحك إذا تعرف أحد في أبها يجيبها لك بالحجم فاضية وإلا مليانة من سوق أبها الشعبي ( سوق الثلاثاء) على مدار الإسبوع

بالنسبة للرياض فأهل مكة أدلاى بشعابها ..... تقديري

[سلطان البراق]

موجود في سوق الديرة عند إمارة الرياض
لقيته ب380او280

[saleh2015]

هذي نسميها ( القربه )

[ابو درعان1]

تقصد اخوي العكة

تلقاها بسوق الديرة

تحياتي لك

[مشاري نايف]

الله يسعدكم جمييييييع ويكتب أجر كل شخص فيكم ،
دمتم بحفظ الله و رعايته،

[الفريح1]

عنك بعد قيصيرة بن كليب غرب سوق المعيقليه شايب يبيعها ..محله يفتح شرق