مشكله صوت الدركسون بالاندكروزر

[ابوضاري2007]

السلام عليكم ورحمة الله وبركاته

اسعد الله مساكم

السياره : لاندكروزر
الموديل :2007

المشكله : صوت الدركسون يطلع معي في بعض ومع المشي يختفي
واحيان لا عادي اشغل السياره مايطلع صوت يعني مره تجيه الحاله ومره لا

اتمناء اجد الحل عندكم او احد مرت عليه الحاله
لاني والله ماودي اودي سياراتي للورش ويتعلمون عليه الا اني متاكد من المشكله

ملاحظه :حصلت تهريب من احد الليات اللي جنب العلبه بس ماينقص الزيت

[ابوراكان تبوك]

التهريب لازم تصلحه غير القفيز حق اللي اذا كان مايشد

مبدأيا غير زيت الدركسون عند البنشري وشوف

لاتعبيه زيت ابو 5 ريال الاحمر خذ زيت قير فورد لانه علبه 14 ريال تكفيك 4 تغييرات
او زيت قير لاندكروزر تماتيك لكنه مايجي الاجركل 4 لتر بـ 100 وعلبة الدركسون يكفيها مقدار كوبين لانه توي مغير زيتها وكان عندي زيت زايد من حق القير

انصحك بزيت قير الفورد

بعد تغيير زيت الدركسون اذا وقفت السياره عند البيت فك الغطى حق العلبه والصبح ركبه وهاذي الطريقه قريتها للمهندس أصيل الحجازي حتى تظمن خروج الهواء

[ابوضاري2007]

الله يعطيك الف عافيه ويجزاك كل خير اخوي ابو راكان
وباذن الله اليوم راح اسويها ان شاءالله

[ابوضاري2007]

ابو راكان جربت الطريقه وللاسف لحد الان ماراح الصوت موجود
واحس ان الدركسون فيه فضاوه شوي جهة اليسار ..؟
وانا محتار والله لانه ماعندنا ورش تعتمد عليهم بعد الله اغلبهم يتعلمون عليك
ومريت واحد وعلى طول قال علبه بدون ماينزل تحت السياره او يفحصها ..؟
واتمناء احد يعطيني جواب اكيد اذا مرت عليه مثل حالتي قبل تغير العلبه

[ناوي خير]

غير علبه اصلى وارتاح

ماعند الميكانيكى غير فك براغى العلبه والسير

وحط زيت اصلى من الوكلات سواء فورد او تويوتا ......


زيت البنشرى اصحى تسوى منه


او زيت مرسيدس ممتاز جدا


وبعدها تأكد من اذرعه الدركسون اسفل والاكواع حقت التوجيه



هذى دركسون توجيه يعنى مصيبه لو يعلق عليه في جهه وحده لانه يتعامل مع ضغط وبلف توزيع خط خارج وداخل


على العموم لو تحصل فلبينى يركبها ازين لك


بالتوفيق

[ابوراكان تبوك]

ابو راكان جربت الطريقه وللاسف لحد الان ماراح الصوت موجود
واحس ان الدركسون فيه فضاوه شوي جهة اليسار ..؟
وانا محتار والله لانه ماعندنا ورش تعتمد عليهم بعد الله اغلبهم يتعلمون عليك
ومريت واحد وعلى طول قال علبه بدون ماينزل تحت السياره او يفحصها ..؟
واتمناء احد يعطيني جواب اكيد اذا مرت عليه مثل حالتي قبل تغير العلبه

اذا يقصد العلبه العلويه هاذي مهمتها جمع الزيت فقط حسب علمي

لكن ان كانه قصد العلبه السفليه ما ادري عنها يمكن الفضاوه من الدوده

لو حصل وغيرت العلبه السفليه خله يفك ترس العلبه القديمه ويركبه ع الجديد لانه احيان يسبب صوت الترس الجديد مثل ماحصل في معي وقالو لي هالكلام انه لازم افك ترس العلبه القديمه واركبه ع الجديد ( الترس الجديد يسبب احياننا حنه مزعجه كانها صوت رمانات )

هاذي وجههه نظري واللي علمني فيها ميكانيكي متمكن ماشاء الله وانت ناقش فيها الميكانيكي لو انحديت تغير العلبه شوف وش يقول لك

ممكن سبب الفضاوه عندك تافه مثل رخاوه في مسامير قاعدة العلبه مثلا بس يبغى لك واحد فاهم ويظمن كلامه

[ابوضاري2007]

الله يعطيكم العافيه وماقصرتو وبيض الله وجيهكم
والله رجعت اليوم للورش واغلبهم يقولون من العلبه وللاسف بدون مايفحصون يعني علي طول يحكمون
وجيت واحد بعد اللف والدوارن علي الورش فحص الموتر ساقه وخذينا كم لفه ورجع ونزل تحت السياره
وبعد الفحص قال كل شي تمام ^_^
والله احترت وابي اخليها لين اسافر واشوف لي ورشه زينه
مع العلم الدوده حصلتها بقطع الغير 2800 ريال
والعلبه العلويه مع ليات اثنين اللي يشبكن بالعلبه 930 ريال

[الفريح1]

فيه مركز الهيدوليك في الصناعية مرهم كويسين

[ابوضاري2007]

اخوي الفريح وين بالصناعيه ..؟
انا حاليا بحفرالباطن والله لي اسبوعين واتردد علي الصناعيه ولاسويت شي ..؟
ياليت توصف لي مكانهم وفقك الله