شباب ابي مساعده تكفــون

[عبهل]

السلام عليكم ورحمة الله وبركاته

اخواني الكرآم شريت قارمن 65 شاشه 6 انش جهازين

وبعد مااخذتها وقبل لا استخدمها توها بااكياسها لاحظت في كل شاشة جهاز نقطعه صغيره لونها اخضر تظهر اذا كان الشاشه في وضع الليل

اما اذا الوضع نهار ماتظهر ابد .


هل هو عيب مصنعي ؟

ولا طبيعي ؟

علمآ اني رجعت لصاحب المحل الي شريت منه وفتح لي جهاز عنده اخر ولم يظهر فيها هالنقطه ؟ وقالي انه بيكلم دار موجه ويشوف وش يقولون والى الان مارد علي صاحب المحل

الضمان دار موجه طبعا


تكفون ابي حل وابي رايكم لاني عندي سفره اخر شهر 3 مارس لاوروبا وابي حل سريع

[متعب الفرسان]

طيب ليه ما صورت المشكله وعرضتها هنا ؟
كلامك غير واضح والمشكله غير واضحه خصوصا انها ما تظهر الا في الليل
اذا هو عيب مصنعي من حقك ترجع الجهاز وتاخذ واحد جديد

[عبهل]

اخوي الكريم اذا الجهاز بوضع الليل يعني تجيك الشاشه سودا

تظهر النقطه على شكل كذا . تقريبا او اصغر شوي لونها اخضر وصاحب المحل يقول معظم الاجهزه الي شاشتها مهيب كرستال تظهر هالنقطه فيها

والاجهزه حاليا عنده

[ريف النشاما]

رجعها


الخضار قد يكون كسر بسيط


الجهاز حاصله دقشه

[عبهل]

تم مراجعة ضمان دار موجه اليوم وافادوني عدم التعويض بجهاز اخر لانه طبيعي يقول لو في 4 نقاط واكثر ممكن اما وحده فلا

ودار موجه ضحك على الناس لا استقبال زي الناس ولا مدير محترم ابد

عمركم شفتو مدير صيانه يعطي ظهره للعميل ولا يتفاهم وشايف نفسه ! واجنبي بعد

اول ماجيت الاستقبال قالي هذا عيب مصنعي ويتم استبداله

ويوم جاء المدير تغير الكلام وقال هذا عادي ولا حتى رد علي عطاني ظهره ومشى ؟

على العموم راح ارجع الاجهزه للموزع الي شريت منه واخذ فلوسي لاني مستعجل ووراي سفره اوروبا مهمة عمل الاسبوع الجاي

والي استغربه اني يوم قلت لهم بشتكيكم وزارة التجاره كان ردهم بكل برود ( ماراح يسوون لك شي هذه نقطه ماتستاهل )

الى متى الاستهتار بالعملاء ؟

[عبهل]

انصح كل من يشتري قارمن لاياخذ من دار موجه ولا ضمان دار موجه

ياخذ من المحلات افضل حل او من المواقع الاجنبيه

لان دار موجه ( اسم بس ) وديكور بس الحقيقه شفتها اليوم




اذا مانفعني الضمان بهذا العيب المصنعي متى ينفعني بالله ونا دافع فلوس زيادة عن المحلات الاخرى

[عبهل]

خلال اليوم راح انزل تقرير شامل بكل المنتديات الكبرى عشان كل الناس تعرف منهو دار موجه