انا من المطلوبين لوزارة الداخليه .

[ابو البر]

العنوان ملفت لكم
وهاذا اللي صار يا جماعة الخير
صكتني ام الركب يوم قاللي السوداني بمعرض السيارات يوم بغيت اشتري سياره.
قاللي راجع مرور الروضه
وش اراجع
جيت اشتري سياره وفجأه رح راجع .

رحت لمرور الروضه بليموزين
وفي الطريق فضفضت مع راعي الليموزين ( سعودي) وشرحت له مشكلتي.
والرجال يسوق ويطالع فيني كل ما حركت يدي يمين شمال يفتكر معي قنابل بفجره.

دخلت لمرور الروضه
واحصل عسكري وعلمته عن الموضوع
فقال لي
رح للرأئد احمد علي فوق.

طلعت لفوق
ومن الربكه حصلت عسكري وقلت له
وين مكتب الرائد احمد علي فوق

طالع فيني وقال انت الحين (فوق)

دخلت على الرائد
وخبط بصابعه على الكمبيوتر
ثم طالع فيني بتركيز وقال رح لشرطة حي الصحافه


وش شرطه
وش صحافه

رائد جبار ما عنده رحمه ولا يعرف اني شخص مسالم ولا اعرف شي اسمه عنف
وحدودي اشاكس بموقع مشكات ويجي مشرف يوقفني .

يوم الأحد رحت للي ما يتسمى
قسم شرطة الصحافة
وقلت لخواني من باب المداعبه
( فول وتميس) عشقي الأبدي كل صبح.

رحت يوم الاحد
وطلعت النتيجه اني كافل ولد اخويه قبل عشر سنين في مضاربه بالثنوي مع جيرانهم ومطلوب مني احظرالمكفول
والمضحك المبكي
ان ولد اخوي طلع خاطب اخت اللي متضارب معه.

انا خويكم والله بالموقع وذيب اعجبكم
والله ما تركت حقي
ولا رحت للعزومه.
ولا زلت مطلوب للحكومه لآني
ما أحظرت العريس .

ماعليه
انا مطلوب لوزارةا لداخليه.
مبسوط وانتو تقرون الموضوع.

[ياهوو]

ماشاء الله عليك مطلوب وباقي تكتب
مفروض تسلم نفسك فيه عفو شامل هالايام ويسامحون إلحق قبل لا تُلحق :D

[بليزر]

الصراحه انك شجاع ما جاتك جلطه

[ذيب الفقارة]

ههههههههههههه

لازم تروح لهم اليوم قبل بكرة لاجل إقفال ملف القضية

بسرعة بسرعة حرك

تحياتي

[ذئب المراقيب]

ههههههههههههههههههه
خرشتنا عوافي بعد العرس خذ العريس ونسيبه وخلهم يتنازل بعضهم عن بعض او اعزم شرطة الصحافة للعرس وقل لهم جيبوا معكم ملف القضيه واصطمبه البصمه ههههههه

[A7MDI]

احد الزملاء مر بموقف مشابه الله لا يحط مسلم فيه
والسبب وصل لحسابه مبلغ مالي لبيعه غرض وبعد ساعة تقريبا اتصل فيه فيه محول المبلغ المالي ( صديقي يبيع ويشتري ارقامه وحسابه على الانترنت ) وطلب اعادة الميلغ واعطاه رقم حساب اخر
صديقي غلط غلطة مااعاد المبلغ لنفس الحساب الي وصلت الحوالة منه لكن اعادع على الحساب الي اعطاه المتصل
والله لايوريك بعد اسبوعين شغله وشرطة وبحث ....الخ وربي سلمه
فنصيحة لوجه الله وصلك بالغلط روح البنك والارجاع يكون عن طريق البنك
كنت واقف عند الصراف وجالك شخص قالك معايا نقد ابغاك تحول لحساب وخذ المبلغ نقد ولك عموله فوقها انتبه واترك عنك الطيبة

[ابو البر]

ابشركم
رحت اليوم لشرطة الصحافه
وقابلة انسان مسؤل بالقسم

والله يا جماعة الخير كان في منتهى الرقي معي ومعا ( المجرم ) ولد اخوي
وأنها الموضوع في دقايق
لاكن انا لا زلت مقهور على سيارتي اللي شريتها بحر مالي ومتوقفه ثلاث ايام (فيني دلع )
بعد ما شفت الأحترام والتقدير من مسؤلي القسم .
حسيت اني مهم
ومن مين مهم
من وزارة الداخليه
يعني انت يالمشرف بموقع مكشات / لازم تعرف مين انا .
قال موضوع مخالف قال
وسلامتكم
ملاحظه / اللي عنده اي شكوى على ادارة موقع مكشات يعلمني .
تراهم ما يمشون الا بالعين الحمراء.
عاد لاتصدقون
تراكم منتو نافعيني وانا متعلق بقوقل.
انتو عارفين اني امزح على التسلط من غيرهم طبعا.
من حقي ادعي / اللهم خذ مشرفين موقع مكشات اخذ عزيز مقتدر لما تحب وترضى.
عادل حتى في دعائيي.
لآني حبيب وحنون
المفروض ادعي كذا
(اللهم خذهم على غفله الى اشراف بموقع ثاني)
اللهم سلط عليهم الهكر من يمين وشمال
اللهم اجعلهم نائمين ليل نهار
اللهم اشغلهم بمقاضي رمضان من هالشهر .
اللهم خيب امال أدارة موقع مكشات فيهم
اخر دعوه وقولو امين / اللهم حببهم فيني رغم كرهي لهم وحقدي عليهم واجعلني مشرفا في موقع مكشات يوما من الأيام.

[ابو البر]

احد الزملاء مر بموقف مشابه الله لا يحط مسلم فيه

والسبب وصل لحسابه مبلغ مالي لبيعه غرض وبعد ساعة تقريبا اتصل فيه فيه محول المبلغ المالي ( صديقي يبيع ويشتري ارقامه وحسابه على الانترنت ) وطلب اعادة الميلغ واعطاه رقم حساب اخر
صديقي غلط غلطة مااعاد المبلغ لنفس الحساب الي وصلت الحوالة منه لكن اعادع على الحساب الي اعطاه المتصل
والله لايوريك بعد اسبوعين شغله وشرطة وبحث ....الخ وربي سلمه
فنصيحة لوجه الله وصلك بالغلط روح البنك والارجاع يكون عن طريق البنك

كنت واقف عند الصراف وجالك شخص قالك معايا نقد ابغاك تحول لحساب وخذ المبلغ نقد ولك عموله فوقها انتبه واترك عنك الطيبة

احمد
كله ولا اذا قالو مطلوب لقسم شرطة .
ثلاث ليال ما أنام الا بنصف المصحف.
والنصف الثاني زنجبيل بالحليب وكماده.

[الحربي 591]

ابشركم
رحت اليوم لشرطة الصحافه
وقابلة انسان مسؤل بالقسم

والله يا جماعة الخير كان في منتهى الرقي معي ومعا ( المجرم ) ولد اخوي
وأنها الموضوع في دقايق
لاكن انا لا زلت مقهور على سيارتي اللي شريتها بحر مالي ومتوقفه ثلاث ايام (فيني دلع )
بعد ما شفت الأحترام والتقدير من مسؤلي القسم .
حسيت اني مهم
ومن مين مهم
من وزارة الداخليه
يعني انت يالمشرف بموقع مكشات / لازم تعرف مين انا .
قال موضوع مخالف قال
وسلامتكم
ملاحظه / اللي عنده اي شكوى على ادارة موقع مكشات يعلمني .
تراهم ما يمشون الا بالعين الحمراء.
عاد لاتصدقون
تراكم منتو نافعيني وانا متعلق بقوقل.
انتو عارفين اني امزح على التسلط من غيرهم طبعا.
من حقي ادعي / اللهم خذ مشرفين موقع مكشات اخذ عزيز مقتدر لما تحب وترضى.
عادل حتى في دعائيي.
لآني حبيب وحنون
المفروض ادعي كذا
(اللهم خذهم على غفله الى اشراف بموقع ثاني)
اللهم سلط عليهم الهكر من يمين وشمال
اللهم اجعلهم نائمين ليل نهار
اللهم اشغلهم بمقاضي رمضان من هالشهر .
اللهم خيب امال أدارة موقع مكشات فيهم
اخر دعوه وقولو امين / اللهم حببهم فيني رغم كرهي لهم وحقدي عليهم واجعلني مشرفا في موقع مكشات يوما من الأيام.



وراك تدعي مثل العجوز :D:D:D

[ابو البر]

وراك تدعي مثل العجوز :D:D:D
هههههههههههههههههههههههههههههههههه
مو شغلك
تصدق بالله اني كتبت الرد مع شك ((((((عدم وجود وسعة صدر))))))
ياخي
موقع مكشات
وأدارة ومشرفين على دراجه عاليه من الأستيعاب.
يكفي انهم قبل التركيز على عضو خالف وزل زله
انهم يرجعون لمواضيعه وردوده ويتم التقييم والتوقيف بدراسه .
حنا بشر ونزل بعض الأحيان .
مكشات غير وانا خوك .
وردك بعد غير .

[كنق الفيصل]

بس التسلط على الناس ماهو بزين والله يهديك انت تقول انا(١) بشر بس هم مسلمين وأحس فيه فرقة للمسلمين وزي ماقلت ماهي بزينة



__________________________________________________ _____________
(١) بشر : تعني إنسان مخلوق من طين طين يا ناس يعني لا تشوف نفسك شفت الي تدعسه انت طلعت منه وبترجعله لعلمك

[ابو البر]

بس التسلط على الناس ماهو بزين والله يهديك انت تقول انا(١) بشر بس هم مسلمين وأحس فيه فرقة للمسلمين وزي ماقلت ماهي بزينة



__________________________________________________ _____________
(١) بشر : تعني إنسان مخلوق من طين طين يا ناس يعني لا تشوف نفسك شفت الي تدعسه انت طلعت منه وبترجعله لعلمك
الله يحييك يا الفيصل
سالفه يا اخي وانقالت
والعتب على النظر .

[ابـو ولـيـد الـحـربـي]

الله يحييك يا الفيصل
سالفه يا اخي وانقالت
والعتب على النظر .

طيب اطلب حذف الموضوع وانت بسلامه يا ذيب

[ابو البر]

يا أخي ما توصل لكذا
ادارة المنتدى حاطه مشرفين أكفاء ولو شافت في الموضوع شي
كان شالته من اول ما انطرح .

لاتحط في ذمتك شي
وكأنني أسأت النيه .

[Al3rands]

اشين من كذا اذا كلمك واحد الساعه 25 2 وقال لك راجعنا بكره وتعرف

[ابـو ولـيـد الـحـربـي]

يا أخي ما توصل لكذا
ادارة المنتدى حاطه مشرفين أكفاء ولو شافت في الموضوع شي
كان شالته من اول ما انطرح .

لاتحط في ذمتك شي
وكأنني أسأت النيه .


انت فهمتني غلط
اذا انت مهو عاجبك الموضوع
ولا الي يحطونك
وكأنك اسأت النيه
احذفه
وما عليك



وتقبل تحياتي
King789