المساعد الشخصي الرقمي

مشاهدة النسخة كاملة : ابي افضل مجلس للمشب ..


فنجال
23/12/2006, 03:12 PM
السلام عليكم
ولله الحمد سكنا في بيت جديد وعندي ملحق وابي احط فيه المساند القديمه اللي يجي لونها احمر غامق وصراحه ابي مساعدتكم واين احسن محل القاها فيه وكم اسعاره . واتنمى من اللي عنده افكار او راى انه يساعدني في ديكور الملحق طبعا تراثي واتنمني اللي عنده صور لايبخل علينا لاتحرمونا من ارائكم ....
وعقبال ان شالله ما اقهويكم فيه تراي ماني بناسيكم :) ...
تحياتي
اخوكم ابو سالم
نمر بن حثلين
23/12/2006, 03:23 PM
على البركه اخوي وجعله منزال خير


تفضل الموضوع هذا لابو عزيز كله صور لمحلق ومشب جميل جدا ( ما شاء الله )

http://www.mekshat.com/vb/showthread.php?t=52569



http://mmm1420.jeeran.com/msh9.jpg
ساقان
23/12/2006, 03:44 PM
في محل بالمستودعات مخرج17 عنده شغلات تراثيه
فنجال
23/12/2006, 04:06 PM
هلا باخوي نمر
جعل والديك بالجنه بيض الله وجهك .
تحياتي
اخوي ابو ملاك
ممكن توصفلي المستودعات الله لايهينك
تحياتي .
بيرق التوحيد
23/12/2006, 04:16 PM
محل برق الحيا للرحلات مخرج 15 عنده قسم خاص للتراث والمجالس التراثيه

وترى عندهم قطع زل صوف اظنها باكستانيه او سوريه ممتازه حيل تراها غويليه شوي بس حلوه بالمجلس مره

رح لهم وتحصل كثير من الأغراض الي تبيها

او عندك سوق الزل الي من جهة سوق الزل من جنوب بس غويلين شوي حس ودور عندهم الين تحصل الرخيص

والله ييسر امرك

وولم القهوه هههه
فنجال
24/12/2006, 08:21 AM
هلا اخوي بيرق التوحيد

يعطيك العافيه لقيت عندهم فعلا بس على قولتك غويلين ...ابشر تستاهل كل علمن غانم .

للفايده :

امس رحت ادور على المجالس وكنت خابرمحلات من زمان تبيع المجالس التراثيه وهي محلات كثيره وفعلا لقيتهم وشريت منهم المسنده بخمسين والمركا بخمسين والمحلات هذي شمال سوق عويس لاصرت مع الخدمه طريق الملك فهد تشوفهم على يمينك
وايضا لقيت محل للرحلات كبير على مااضن اسمه ذيب الصحراء على نفس الطريق اللي فيه المحلات اقبال المحلات الاكترونيه اللي على شارع العليا 0.
تحياتي .
ساقان
24/12/2006, 01:20 PM
مخرج 17 الدائري الشرقي اطلع مع المخرج واتجه غرب للصناعيه
اول اشارتين متقاربتين اتركهم الاشاره الثالثه اطلع يسار بتجيك المستودعات يمينك ويسارك ... فيها اثاث ومفروشات وبطانيات
اطلع عدال وجهك طبعا جنوب حتى يجيك المحل على اليسار
فنجال
24/12/2006, 01:36 PM
ابو ملاك ...تسلم
تعبتك معي جزاك الله خير ورايح امرهم .
تحياتي
قــنّــاص
24/12/2006, 01:45 PM
إن كنت تقصد القماش الأحمر للمساند والمراكي اللي ظاهرة في الصورة بمشاركة نمر بن حثلين
فيجي منه أصلي وتقليد
تجد الأصلي عند باهبري بأسواق ابن دايل
أذكر سعر المتر حوالي 60 ريال بعرض 140 سم إن لم تخني الذاكرة
مبارك المنزل الجديد جعله الله من منازل السعادة والطاعة