ما شااء الله (((( السلوقي والذيب )))) [الأرشيف]

ابو صاالح

23/12/2006, 04:23 PM

سم الله الرحمن الرحيم
كثر الكلام عن الذيب والسلوقي وهذا يقول يطرح وذا يقول ما يطرح وهذا يقول يجزم وهذا يقول ما يجزم لكن !!!!!!

لكن الكثير لا يرى ان للسلوقي منفعه / والبعض يرى ان السلوقي لا ينفع سوى بالصيد وأنا اقول والمواقف تقول عكس ذلك ، مثل سبحان الله البندق انحاست عليك ولا حولك عربان (( يعني ناس رحل )) ولا تبي ترمي حولهم اكيد الحل السلوقي ،، ولا سبحان الله طب عليك احد يبي يحنشلك ونت نااايم (( بسابع نومه )) اكيد مالك إلا الله ثم السلوقي ينبهك ،،، ولا سبحان الله معلق لحمك على الطلحه ونت نايم جاء حصني على الريحه ،، مالك إلا السلوقي ...... أماااا المهمم جاك ذيب ونت ناااايم ((( الله يستر )) وشو اللي بيعلمك بالذيب أكيد السلوقي ...... تدرون والله اني طولت عليكم وماله داعي كل هالكلام شوفو المقطع احسن لي واحسنلكم .

http://up.9q9q.net/up/index.php?f=OrnQPma81

.

(خوي المقناص)

23/12/2006, 04:27 PM

ماشاء الله
جاري التحميـــــــــــــــــــــــــــــــــــــــــــل

(خوي المقناص)

23/12/2006, 04:30 PM

احد يبي يحنشلك ونت نااايم (( بسابع نومه ))
حلوه منك

ابو صاالح

23/12/2006, 04:38 PM

أيه بلاك ما تدري ، اسأل اهل الطلعات البعيدة والمقناص . العلم المقطع ياناس الظاهر انه مو مضبوط وش نسوي ؟؟؟؟

عبدالرحمن السالم

23/12/2006, 04:43 PM

وينه المقطع .. مافشنا مقاطع ودسم الشوارب يقول جاري التحميل هههههههههههههه

مشكور أخوي ولاهنت

ابو صاالح

23/12/2006, 04:49 PM

هلا دحيم اخر لفه هو صادق بس انا سويت تعديل والحين رح تأكد المقطع موجود وحياك الله

القحطاني505

23/12/2006, 05:40 PM

ابوصالح مب راضي يفتح معي

ابو بندر2755

23/12/2006, 06:21 PM

السلام عليكم ورحمة الله وبركاته

ماشاء الله خوش سلق هذي ويش ابوها السلق اللي ذبحت الذيب

تحياتي

أخـــــــــ:cool: :good: أبـــوبــنــدر2755:good: :cool: ــــــــــــــــوك

العاطفي

23/12/2006, 06:27 PM

مشا الله صرحه والله انه سلق كسر تيم ربي يعطيك خيره
ونشا الله يطرح الاسد

عاشق الGX

23/12/2006, 09:24 PM

تحية اكبار لك يابو صالح ........(كلام ثبت)

sasasasas

23/12/2006, 11:32 PM

مشكووووووووووووووووووور اخوي على المقطع
والله يعطيك العافيه

عبدالرحمن السالم

24/12/2006, 01:43 AM

اى والله توه يجي الرابط معليش والله تسرعت بالرد .. لاهنت ابو صالح وجاري التحميل

تحياتي لك

imksa

24/12/2006, 06:42 AM

ما شاء الله

مقطع جميل جدا

الله يبارك لك في ما عطاك

قنيصان

24/12/2006, 09:49 AM

ماشاء الله ديكور وفعل الله يعطيك بركتهن

ابو صاالح

24/12/2006, 01:05 PM

الله يسلمكم جميعا ويعطيكم العافية على الردود واللي ما قدر يحمل الملف يراسلني على الماسنجر واعطيه الملف

للمعلومية السلوقي ما اعرف من له لكن المقطع وصلني عن طريق البلوتوث واللي يعرف معلومات عن السلوقي يعلمنااا

ابو صالح

ابو صاالح

24/12/2006, 01:07 PM

اخوي القحطاني يجب عليك تحميل الملف (( يعني حفظه )) وما تقدر تشوفه بدون حفظ

يالربع المقطع وصلني عن طريق البلوتوث يعني ما اعرف من تبعه السلوقي ولكن الله يخليه لراعيه

طير حوران 999

24/12/2006, 01:17 PM

شكرا لك لتفاعلك معنا وياليت الكل زيك يشارك بصور ومقاطع تتحفنا

ابو صاالح

24/12/2006, 01:35 PM

العفو طير حوران والله يسلمك على المرور والرد على الموضوع اخوك ابو صالح

القـــناص

24/12/2006, 01:55 PM

مشكور اخوي على المقطع

وماشاء الله على السلوقي حدوووم...

ابو صاالح

24/12/2006, 02:28 PM

مشكور اخوي القناص على الرد وذا تعرف معلومات عن السلوقي علمنااا

العتيبي %

24/12/2006, 05:52 PM

مشكور ابو صالح بس المقطع ما اشتغل عندي

ابو صاالح

24/12/2006, 08:28 PM

اخوي العتيبي راسلني على الماسنجر وما يصير إلا اللي يرضيك حتى انا ابيك بشغله ومشكور على المرور

فتى الامارات

25/12/2006, 07:48 AM

مشاء الله

الذيب جايع و شبعانه حصانيها

عيناوي 2006

25/12/2006, 01:37 PM

هاذا هوب ذيب هذا ابن اوى
وسوالم

ابو صاالح

25/12/2006, 02:01 PM

شكرا للردود يا جماعه ونحترم رايك يا عيناوي بس انا على حسب معرفي للذيب ان هذا ذيب وشكرااااااااا

كشتنا

26/12/2006, 02:14 AM

ترى بالأمانه هذا مو ذيب واللي يعرف الذيب يعرف الحصيني

انظر الذيل تعرف لماذا اقول انه ليس ذيب

صارت مطارة الحصيني وقتله موضة اهل السلق ووحشيتها

الذيب مايعدي على ماكل إنسان الذيب يعدي في الديار البروحي

تحياتي لسلق الحصاني

ابو صاالح

26/12/2006, 10:50 PM

والله شف ياخوي كشتنا انا اخالفك واصر على رأيي رغم اني ما اعرف السلوقي ولا همني جزم على ذيب ولا ما جزم وللمعلومية انا من منطقة اكثر ما فيها الحصاني واللي بالمقطع مو حصني ومااا قصرت على الرد ويعطيك العافيه

(((( يا جماعه نبي رأيكم ذا ذيب ولا حصني ؟؟؟؟؟ )))) ((====== ذا عشان تقتنع يا كشتنا الله يحفظك .

كشتنا

27/12/2006, 02:05 AM

انا راجعت صور الحيوانات في جزيرة العرب ووجدت بافعل أنه ليس حصيني

اعتقد أخطأت ولكن في اعتقادي أن الذئب احذر من الحذر وهو لا يأتي على مخلفات البشر في الرحلات

اعتقد أن اللي بالمقطع هو ابن أوى (( القيوط ))

ابو صاالح

27/12/2006, 02:54 PM

كشتنا شكرا على المراجعة والتدقيق اخوي والله يعطيك العافية بس بعلمك انا اطلع وصادفت ذيابه كم مره .. واحب اقولك ان هذا أقرب ما يكون ذيب صغير السن قليلا من الذيابه اللي تعيش بشمال المملكة ذيله يصير عريض وكثير الشعر وللمعلوميه انا أعتقد أنه مصوب أو ملحوق بالموتر لين ما قدر يتحرك بعدين نزلو السلوقي عليه وهذا ما يمنع اننا نقول ((( السلوقي هذا جزووووم ))) ومجرد اقترابه من الذيب ومحاولة نهشه والذيب حي هذي لحاله تكفي . شلون والذيب حي ويقاوم !! اخوك ابو صالح

(القناص)

28/12/2006, 02:09 AM

يا عيال تكفون ابي اشوف المقطع تكفووووووووووووووون

ابوفريح

28/12/2006, 01:53 PM

مقطع حلو بالمرة....لكن هل كل السلق تهاجم الذئاب

ابو صاالح

28/12/2006, 01:56 PM

يعطيكم العافيه على التفاعل بس لا مو كل السلق والدليييل اللي بالمقطع واحد هجم على الذيب وواحد يحااااول من بعيد لبعيد والثالث اصلا ما عنده نيه يجزم وشكراااااااا على الرد

ابو صاالح

28/12/2006, 02:01 PM

اخوي القناص غالي والطلب رخيص اذا ما قدرت عن طريق المنتدى راسلني على الماسنجر وما يصير إلا اللي يرضيك اخوك ابو صاالح

راعي الطلعات

28/12/2006, 05:44 PM

مشكور على الرابط

ننتضر جديدك لرائع

(القناص)

29/12/2006, 02:00 AM

يا جعلك تسلم

العاصوف

29/12/2006, 02:35 AM

والله انك ماسويت فيني خير
كلشي تغير في هالزمن
ولاكن تبقى الذئاب ذئاب
والكلاب كلابا
والف شكر لك

بعيد المساري

29/12/2006, 02:06 PM

السلام عليكم ورحمة الله وبركاته

بالنسبة لموضوعك أخي العزيز أبوصالح
للتصحيح فقط هذا ليس ذيب!!!
أنما هو أبن آوى(العوى)(الواوي)(القيوط) وهوا أصغر من الذئب وأكبرمن الثعلب
وتتواجد في المنطقة الشرقية في منطقة العقير لكثرة الاشجار والمزارع وصعوبة وصول الأنسان الى مناطقها الوعرة بالمستنقعات والسبخات

أما بشأن السلقه
فهي (ذاريه)!!!
أسمها(عزيزه)وتلقب بــ(أسرائيل) لقوة قلبها ووحشيتها
عمرها تجاوزالـ(6)سنوات
وتعود ملكيتها الى أحد أعضاء مربط دخنه في الأحساء وهو(أبوسفير)

للمعلومية!!!
كان موجود في التصويرأكثر من10سلقان ولكن خافت وهربت الى السيارة

ابو صاالح

29/12/2006, 06:47 PM

الله يعطيكم العافية على الردود وخصوصا الأخ بعيد المساري على الجواب الكافي والمفصل الذي بين لنا كل شيء بوضوح وماشاء الله على السلقه جزومه بس أنا أسمع مربط دخنه ولا ادري وش هو ووين بالضبط هل هي ديره او ؟؟ فياليت توضحلي الله يسلمك اخوك ابو صالح

بعيد المساري

29/12/2006, 07:11 PM

الله يعافيك أخي العزيز أبو صالح
وكل عام وأنتم بخير
بالنسبه لسؤالك عن مربط دخنه والله لاأعلم سبب تسميته بهذا الأسم
ولكن هذاالمربط موجود في محافظة الأحساء على طريق قطر مقابل دوار الغويبه
وصاحب المربط أو بالأخص الزعيم فيه أوقائده هو الأخ/طبيعي
ويوجد به عدد من الرجال المحترمين والمعروفين
علمآ أن هذا المربط مع أحترامي لأصحابه لم يشتهر ألا بعد ما أشترو الكلاب السوريه
وهم في تنافس شديد للغاية!!! مع الأخ/صالح الماجد صاحب السلقان المعروف

وكلامي هذا كله ليس لصالح أحد ولا ضد أي شخص كان وأنما مانراه ونسمعه!!!

!!!والله على ماأقول شهيد!!!

أخيكم ومحبكم في الله
بــعــيــد الــمــســاري

ابو صاالح

30/12/2006, 06:07 PM

الله يعطيك العافية ويسلمك على الرد وما قصرت وسعدنا والله بالتواصل معك اخوك ابو صالح
ايه صح باقي سؤال أنت؟؟؟ لك بالسلق ولا ؟؟؟؟؟ عطنا العلوم حتى لو على الماسنجر

فهد222

31/12/2006, 02:46 AM

ماشاالله على السلوقى بس ماتوقع انه ذيب !!!

ابو صاالح

31/12/2006, 03:54 PM

صح اخوي فهد مهو ذيب ولو قريت الردود اللي قبل ردك بشوووووي عرفت انه مهو ذيب وحياك الله اخوي ومشكور على الرد

هلال المطيري

31/12/2006, 05:51 PM

يعطيك ألف ألف عافيه على المقطع الطيب أشهد بالله ان الذيب انه راح فيها ((( ما أتوقع انه ذيب شكله حصني )))

فهد222

31/12/2006, 07:15 PM

ماشالله على السلوقي والله يعطيك العافيه
بس ماضنيت انه ذيب لا كن ماقصرت
************************

ابو صاالح

02/01/2007, 12:50 AM

مشكورين يالهوياني وفهد222 والله يعطيكم العافيه بس لو أنكم قريتو ردين قبل كان عرفتو انه طلع بالنهايه مو ذيب . ومشكورين على المرور

دار منيخ

02/01/2007, 02:20 AM

بسم الله الرحمن الرحيم

اللي بالصورة ماهو ذيب والذيب مخابيطه قشرى
واللي بالصورة كان يضرب السلوقي بيديه ورجليه ولوكان ذيب كان جرح السلوقي وعوره او شق بطنه وذبحه لذلك اهل السلق مايهدون على ذيب يخافون علي سلقانهم لاتعور لأنها غالية عليهم 0
هذا رأييي المتواضع والله اعلم 0

ابو صاالح

03/01/2007, 01:07 AM

الله الله اخوي مهب ذيب وقلنا الكلام اكثر من مره بالموضوع ولو قريت قبله بشوي كان تعرف ويعطيييك العافيه على المرور

(القناص)

03/01/2007, 02:19 AM

يا عيال ممكن تنقلونه بموقع ثاني
((اذا ما عليكم امر))

راعي الرجم

03/01/2007, 04:05 AM

هذا ماهو ذيب
والفسق ماهو زين وشلكم وشله
777777777777777777777

المطنون

03/01/2007, 11:20 AM

السلام عليكم ورحمة الله وبركاته

صبكم الله بالخير يلطيبين

الصراحة المقطع دوخني ودخلني جو

يا خوي احب الكلابة الله يكرمكم والسلق والذيابة
بس ما قسم لي فيهن الحين

والمقطع ذكرني بسلقه باين انها كبيرة بالسن جت لمزرعة واحد من الربع وخلينها عندنا بعد ما تركناها تسرح لعله ترجع لراعيه
وكانت عورا
الشاهد طلعت به كم مره وتجربع من احسن ما يكون وتكسر ظهر القط ( البسه ) وتخليه خرقه

لكن المقطع ذكرني بكلابة حول المزرعة هديته عليهن
والغريب انها ماتوقف وقوف مثل الكلابة تحني ظهره وركه مرتفع وراسه مرتفع وصدره بالارض
المهم قرب واحد من الكلابة يبي يدش عليه والله وتمسك يده ماتركته الا هي منكسرة

========
بارك الله فيك على الموضوع

أخوكم
المطنون

ابو صاالح

04/01/2007, 06:58 PM

الله يعطيكم العافيه على المشاكره وانت يالقناص تعال عندي بالماسنجر واعطيك المقطع وشكراااا اخوي المطنون على التفاعل والسوالف الحلووووه والله يعطيك العافيه اخوكم ابو صالح

دهام

05/01/2007, 09:22 AM

السلام عليكم
جااااااااااااااااااااااري التحميل .....................وشوقتوني بردودك
وكل عام وانتم بخير

ابو صاالح

06/01/2007, 09:26 PM

حياااااااااااك الله اخوي دهام وشرفتنا

بو نوره

06/01/2007, 11:26 PM

مشكور على المقطع ... بارك الله فيك ,

ابو صاالح

11/01/2007, 12:33 AM

الله يعاااااافيك ومشكوووور على الرد

عيناوي

11/01/2007, 01:15 AM

تسلم يمناك على نقل المقطع يا بوصالح

ما ازود على كلام الرجال شي لكن علم الذيابه عندي
والذيابه مابعد قدرت عليها السلقان
ولا رح تقدر لو يجتمع عشر سلقان على ذيب واحد

وخـــــــــذ مني العلم الوكيدي!!

Algthami

11/01/2007, 01:18 AM

ماشالله تبارك الله

ابو صاالح

12/01/2007, 10:37 PM

مشكوووور اخوي عينااااوي وما قول إلا زي ما قال الشاعر
ستبدي لك الأيام ما كنت جاهلاً .. وتأتيك بالأخبار ما لم تزودِ ----)) او كما قال الشاعر