رايكم يهمنا

[ظغط عالي]

☻ٱڵـښڵـٱم ؏ڵـۑڱ۾ ۋڑحمـۃ ٱڵـڵــہ ۆپڑڱٱٺہ🌼☻

يسعد صباحكم معي موتر له شهرين واحس إ ما الاديتر مصدي وماء عادي
ودي اصيخه وانظفه رايكم بالماء الافضل له لاهنتوا

[عميد آسيا]

لا تستعجل و تصييخه إذا ما فيه حرارة

و كبداية سوي غسيل و لا تعبي ماء تحلية خذ من المقطر و خذ علبة مركز و عبيها 50-50 يعني نص من ذا و نص من ذا و قبل ما تعبي تأكد إن ما فيه تهريب

[1824]

اغسل نظام تبريد السيارة جيدا لانه مهم مرة لحماية المحرك والقير شف محل عنده مكينة غسيل وخله يغسل لك الراديتر ونظام تبريد المكينة خله يفك البلف ويخلي الموية تدور ويطلع الوسخ كامل وحط ماء تويوتا او اي شيء من الشركات المعروفة ويكون مخلوط 50/50 جاهز مسبقا والباقي زوده ماء مقطر بالتوفيق لك لا تستعمل الموية العادية ابدا في الراديتر بالتوفيق لك

[ظغط عالي]

ارحبوا مشكورين على المرور والنصيحه بيض الله وجيهكم وجعلكم بالوجود

[ظغط عالي]

☻ٱڵـښڵـٱم ؏ڵـۑڱ۾ ۋڑحمـۃ ٱڵـڵــہ ۆپڑڱٱٺہ🌼☻.

يالربع ماء الراديتر افضل الاحمر او الاخضر

اخوي عميد اسيا وش قصدي نص ونص يعني جركل مركز واحد يكفي مع
المقطر

[عميد آسيا]

يعني إذا سيارتك تاخذ 6 لتر عبي 3 لتر مركز و 3 لتر مقطر

لكن انتبه فيه بعضها تجيك مخففة

و الأحمر و الأخضر إذا ما كنت غلطان الأحمر للرديتر النحاس و الأخضر للألمنيوم بس حاول تتأكد

[1824]

كلها عادي ما تفرق الاحمر طويل الاجل الاخضر الى 100 الف كيلو وتغيره بالتوفيق لك

[ظغط عالي]

بيض الله وجيهكم ماقصرتوا

[ناوي خير]

في طريقه حلوه اسويها في سياراتى الخاصه

وسواء غسلت سلندر عند حقين الراديترات انتبه من شئ لايكون طبات الماء تعبانه متهالكه ثم بعد ذلك تهرب وتسخن السيارة


لكن اقول لك افضل طريقه


اذا سيارتك فيها بلف حراره نزله

ثم رح لمحلات الراديتور وخليه يشطفه ماء عادي ولايزيد شئ عليه

ثم اشترى جالون او جالون ماء راديتور اصلى اذا كان الاول احمر اشتىري ا حمر واذا احضر اشتىري احضر

المهم

في انواع يكون ماء الردايتور مركز يعنى لازم اضافه نسبه ماء مقطر معاه

وفي انواع لا يكون مخلوط جاهز 50/50

الافضل المخلوط الجاهز


ثم سوى ماء الراديتور الاصلى

وخليه فيه ابو شهر ثم

رح لمحلات الراديتور وخليه ينظفه بالكامل بطريقتهم ثم ركب بلف الحراره ثم ماء راديتور اصلى ونظف الخزان الاحتياطى حق الماء مضبوط



وبشوف اكيد فرق في السيارة في الحراره وانت ترتاح نفسيا

وخليه كل سنه غير مويه اصلى خاصه اذا السيارة عليها كرف خطوط مثلا


وتأكد دائما من الليات لايكون فيها تهريب يدخل الاكسجين الى دائرة التبريد ويبدأ الصدأ من جديد


والله يوفقك