الفرق بين العادي والاوتو ظروري

[hilux d4d]

يا جماعة الخير الله في البداية السلام عليكم ورحمة الله وبركاته.


طلبتكم طلبة ابي شي علمي يبين الفروق بين الجير العادي والجير الاوتو ، مميزاتهم سلبياتهم ، من فيهم يتحمل ، من اوفر في الصيانة الخ......

والشي الثاني الفرق بين مكينة الديزل والبنزين.

وجزاكم الله الف خير .

[MSAN]

هلا بك يالغالي:
التماتيك
مزاياه/ مريح للسائق، تعشيقاته سريعة، أوفر في صرفية البنزين على الخطوط الطويلة
عيوبه/ قراشيعه واجد (طنجرة، مضخة زيت، حساسات، كلتشات، كهرب) غير عملي في النفود والرباضات مثل القير العايدي (ماتقدر تنتعه)، لازم تغير الزيت والفلتر كل فترة، توضيبه مكلف ونادر الي يعرف له، يضيع جزء من عزم المكينة، يغير النمرة على كيفه (موب على كيف السواق)

العايدي
مزاياه/ قليل الخرابات، تحكم كامل في التعشيقات، عزم دوران المكينة ينتقل كامل مثل ماهو للقير (لأنه مافيه ظنجرة) أبسط وأسهل في الصيانة من الاوتوماتيك
عيوبه/ متعب، لازم تسايس كلتشه والا بيقل عمره الافتراضي، صرفية بنزين عالية في الخطوط الطويلة (أعلا من التماتيك)

هذا الي تذكرته الحين..

وبخصوص البنزين والديزل

الديزل/
عيوبها/ محد يعرف لها في هالديرة، صوتها أعلا من البنزين
مزاياها/ ماتحتاج شرارة عشان تشتغل (بدون بواجي وأسلاك وكويلات وديلكو وحوسة كهرب البنزين)، العزم فيها أعلا وأقوى من مكاين البنزين، الديزل أرخص من البنزين،

البنزين/
مزاياها/ الكل يعرف لها وقطعها متوفرة، صوتها أهدا من الديزل
العيوب/ كهربها أكثر من الديزل لأنها تشتغل بالشرارة (البوجي)





هذا الي تذكرته الان.. بالتوفيق