صيد شوزن بيكال الروسيه ام وحده

[الحربي 100]

السلام عليكم ورحمه الله و بركاته

مساء الخير على الجميع

هذه اول مشاركه لي في المنتدى

و ان شاء الله قررت اشتري شوزن بيكال روسيه ام وحده ، في البدايه حاولت اشتري ام سبع ابر ( ونشستر ) لكن ما لقيت النظيف

و الان نويت على البيكال الروسيه

اذا احد جربها او يعرف عنها شي من ناحيه ( السوق ، و النثر ، و التحمل ) ، و مميزاتها و عيوبها

و كم سعرها جديده مع التصريح ، و فالك الشحم لهذا الموسم المنتظر

الموضوع لتعم الفايده للجميع

[ابو محمد 40]

وعليكم السلام والرحمه. يشرفنا تكون بيننا اخوي الحربي اهلا وسهلا فيك وحياك الله بين اخوانك. البيكال ام وحده ممتازه من كل النواحي اللي ذكرته لاكن المصرحه ما راح يكون سهل الحصول على وحده نظيفه ومصرحه. انصحك في الجديده اسعاره من بين 5 الى 6 ولكن غير مصرحه. وفالك الشحم

[الحربي 100]

بيض الله وجهك يا ابو محمد

[ارثمس]

عليكم السلام ورحمة الله وبركاته والله ونا خوك مره طلع معي واحد من الجماعه معه ام حبه روسيه نفس اللي تبي رمية فيها رميتين ما شاء الله تبارك الله عز الله انها اعجبتني تسوق سوق خيالي بس للامانه الرجال معه فشق ابو غزال الاصلي القديم اما عن عيوبها لازم تنضف الماصوره من الداخل كل فتره اما عن السعر فهي من 5000-6000 والله يكتبلك اللي به خير

[الحربي 100]

وعليك السلام
حي الله الجميع و فالكم الشحم . نصايح تنحط على اليمين

[محمد ابن عيد]

حياك الله ي الغالي
ماعلى كلام اخواني زود
ام وحده البيكال 28 ممتازه لكن يعيبه الرجف فقط
ولا غيره خذلك شوزن
و فالك للشحم

[الحربي 100]

الرجف امره سهل ، الربله توفي بالغرض

لكن الخوف من عدم السوق و الرش المنتظم

[ابو سفيان]

يشباب لكم مني نصيحه البندق الرسيه فيها عيب قااااااتل
تران تصور من حالها مالها طارق تسحبه زي ام سبع ابر وام سيلان وجميع البنادق لها طارق الا الروسيه والطارق يسمونه في العامه الديكه او الضراب تران شرينها ايام كانت ب 800 ريال وكانت تثور منحالها احذرو منها بندق سوق وحراره لكن احيانا تثور من حالها احذرو منها اذا حصلتم ام سيلان والا ام سبع ابر او اي نوع ثاني يكون احسن

[قناص الأشهب]

ابو سفيان كلامك دائما منطقي ولكن ابيك تتاكد هل الجديد زي القديم اللي جربته
لاني الصناعات تتطور وتتحدث ويتلافون العيوب

[الحربي 100]

ابو سفيان ، حياك الله كلام سليم ميه بالميه ام سيلان و ام سبع ابر ما يعلى عليها

لكن وين تحصل النظيف في هذا الوقت

و اذا حصلته راعيه ما يفرط فيه و لا يبيعه الا بسعر خيالي

لكن الروسيه اغلب الناس تمدحها قلنا نسال اللي جربها ، و نستفيد انا و غيري

[قفشر]

البندق منتشرة بالفترة الاخيرة وطول السبطانة ٢٩ الا شي بسيط وميزتها ترمي ضغوط وسعرها حليل تقريباً مع ارتفاع اسعار السلاح وسعرها جديدة بشحمها من ٥٧٠٠ لين ٦٢٠٠ على حسب المنطقة اللي انت فيها

[زاهر مشاري]

بندق كفو من واقع تجربه انصح بها حيث ان سعرها لازال في متناول الجميع

[الحربي 100]

حياكم الله جميعا ، اللي يعرف شخص يبيعها يرسل علي رقمه في الخاص

[اشواقي]

شريتها قبل يومين ولا جربتها اخذتها بــ 5800

[شمالي و الهوا غربي]

التسوق وسط، ومن عيوبها عدم تنظيم الحلبي

[عبدالله الربي]

يارجال وشلك ب ام طلقه خذلك ستوقر 2000 مافيه
فرق كثير واحسن منها بكثير ولا لا ياشباب

[عبدالله الربي]

عليك باالستوقر مافيه فرق

[hadi.9]

ياصاحبي عليك باام سيلان او ام سبع ابر لعدة اسباب ماانصحك باالبيكال ام حبه

مجرد ماتفتح البندق يكون الضراب في بيت النار وهذا خطير جداً بعكس

ام سيلان او ام سبع ابر لها طارق منفصل وبعدين النوعين هذي ترمي الفشق بعد الرمي

بعكس البيكال بيكال ام خمس لاتتردد توكل على الله وانصحك فيها وبشده لكن الاسعار طارت وانا اخوك كله من طمع وجشع التجار ولا لاكثر صيد ولا شي

موفق عزيزي

[الحربي 100]

يا مرحبا فيكم جميع

بفضل من الله تم شرائها و تجربتها بفشق ريمنقتون بندق ما يعلى عليها في السوق و تنظيم الحلبي
ام سيلان و ام سبع ابر جدا ممتازه لكن تتعب يا هادي و انت ما لقيت النظيف و بيكال ام خمس سعرها نار من 16 الف

[maftoon]

الله يطرح لك فيها البركه
سؤال هل يجي منها فيبر
والي يخبر لنا شي لا يبخل علينا ��

[الحربي 100]

اللهم امين
ايه يجي فيبر لكن نادر تحصله

[الهميسه]

يا شباب اسعد الله صباحكم
اللي يعرف شخص يبيعها يرسلي ع الخاص