مقارنه بين القير الاوتوماتيك والقير العادي مفيده جدا

[ناوي خير]

القير العادي ....................... القير الاوتوماتيك
1/ ترس مباشر .....................ضغط زيت (بروانه)
2/عمليه الفصل والوصل نقطه واحده (كلتش) ...............عمليه الوصل والفصل اكثر من نقطه
3/لايحتاج تبريد.................. يحتاج تبريد
4/نقص الزيت يسبب خسائر قليله ................... نقص الزيت يسبب خسائر عاليه
5/لايحتاج صيانه متكرره ....................يحتاج صيانه ومتابعه متكرره
6/صعوبه التبديل في اوقات الزحام..................... تبديل تلقائي في الزحام
7/يتحمل الحراره والعمل والحمل الشاق................ الحراره والحمل الشاق اكبر عدو له
8/سهوله الصيانه................................ صعوبه الصيانه (يحتاج معدات خاصه وفنيين خاصييي)
9/ممكن يعمل باى زيت عند الضروره القصوى ................ لايعمل الا بزيت رقم 10 atf احمر
10/عمره طويل في السيارة قليل الخلل ........................ عمره قصير في العمل وكثير الخلل والضبط
11/لايحتاج الى فلتر ................................. يحتاج فلتر


عسانى مانسيت شئ ولعل الله ينفع بها

[الدوسري2010]

ماقصرت الله يعطيك العافيه

[علي101]

الله يكفينا الشر
11 معلومة تمدح العايدي وتذم الأوتو
ما لقيت ولو وحيدة تمدح الأوتو
شكل هالقير العايدي ولي نعمة

[ناوي خير]

هههههههههههههههههههههه

أضحكتنى اضحك الله سنك


افضل ميزه في القير الاوتو ماتيك هى التبديل التلقائي

[ابوراكان تبوك]

كنت انا من الناس اللي ينبذ التماتيك لكن بعد استخدامي للسيارات التماتيك ارييييييييييح بكثير واقل صرف بنزين ولاتحرق الزيت بسرعه

اضف الى معلوماتك
من تجاربي
+
القير العايدي
المكينه دائما تنقص بسبب عدم نقل التروس في الوقت المناسب

القير التماتيك
دائما تلقى المحرك نظيف وماعليه جور

واكبر مثال
الكامري التماتيك لاتنقص
لكن العايدي تنقص


الجيوب
التماتيك - دائما المحرك نظيف واطول عمر ( مافيه لافحمه ولا ونه ولا قروشه )
العايدي - يجيك المحرك مكرووووووووف ( الفحمه والرمانات حاله مستعصيه في الجيوب )


اذا فهمت طريقه المحافظه ع السياره اللي قيرها تماتيك بتكره السيارات العايدي
والقير التماتيك اذا حافظت عليه يعيش زيه زي القير العايدي

[رسيس نجد]

القير التمتيك افضل في كل شي .وخاصه ان الشركات معظمها في المديلات الجديده جودتها



مرتفعه .

[ناوي خير]

بالنسبه للبنزين فالقير الاوتوماتيك اعلى في الصرفيه مايقارب 20% في المدينه

اما الطريق السريع فتجاوزها بالقيرات الجديده نقصت نسبه التروس الى تقريبا 1:0.67

يعنى اقل في الصرفيه


في نظريات حول سرعه المكينه وسرعه التربين في الطنجره او البروانه

في بعض الحالات تسوي كبح وبعض الحالات متساوي وبعض الحالات سرعه اكبر من سرعه المحرك

وانا معاكم انه اريح والمكينه ماتنكرف لانك مرتبط بضبط للضغط عند تغيير التروس


لكن للمستخدم الجيد القير العادي وخاصه في الجبال ما ينفع بعد الله الا هو

اقل شئ لو دقه حجر راح الزيت وخبط اما القير العادي بعيد عن الارض وشبه متوازن مع الشاص من الداخل



والله يوفق الجميع للخير

[ناوي خير]

كل عام وانتم بخير

[خالد الفووزان]

زيت القير له انواع كثيره اذا شركة سيارات وحدة لها 4 انواع زيوت تختلف عن بعضها ولا تنفع تبدل بينهم . ATF 10 هذا للسيارات القديمة جدا