استفسار يا اخوان

[al5yare]

عندي شتلتين طلح زارعهم بالبر عندي من يوم زرعتهم نموها بطيئ وقفو على طول معين شهور ماتغير شي بشكلهم وقريت بالنت اني لو قصيتهم بالنص را تطلع نموات جديده وفعلا قصيتهم والحين صارلهم شعر ونص ماتغير شي ارجو من اللي يعرف الحل يدلني عليه وشكرا

[ناصح]

طيب كم لهم من شهر ..؟؟

وهل الأرض رملية أم صخرية..؟

وهل عندك صور ..؟

[الذيب الأبيض]

اخاف ان البعارين تأكل منها !

[al5yare]

اخوي ناصح زارعهم شهر 10 ميلادي زرعت 6 شتلات 3 سمر و3 طلح عادي مع بعض زرعتهم. ثنتين مشو كويس بالاول ووقفو والباقي ممتازات والارض قاسيه برية اضن انها جيريه بس انا مضبط الحفره قبل الزراعه وحاط تراب ناعم بوجه العدو بس بعد ماقصيتهم بالنص وقفو!! لهن شهر ماتغير شي. الحل ياأخواني

[al5yare]

http://tapatalk.imageshack.com/v2/15/03/12/8e7d89b256b892ed7e032ed6e918afdd.jpg صورتها ورى هالطلحه هذه بالزاويه مدري تبين ولا

[al5yare]

اخوي الذيب الأبيض
انا مسوي محمية على قدي هههه يعني ماتجيها البل

[al5yare]

اخوي ناصح هذه صورة الطلحه اللي قصيتها
http://tapatalk.imageshack.com/v2/15/03/12/31a05570a68f7b6b664975be8e06d4b5.jpg

[الذيب الأبيض]

ياخي من الطبيعي ان الاشجار تكون في مرحله سكون في الشتاء

والبعض تنطلق في الربيع والبعض الاخر بعد الربيع يعني لاصارت الدنيا حر بدأ يطلع لها براعم

وبعدين غلط قصك لها من النص كذا يتبخر الماء منها وتجف وتموت

المفروض تخلي الساق وتقصص الافرع

واذا كانت ساقين اختر الاقوى وقص الثاني

الساقين هو الي يخلي الشجره تبطي ماتكبر

ولاتنسى السماد الطبيعي بكميه قليله وقشر البيض

ولاتكثر لها ماء مره بالاسبوع يكفي مبين من الارض انها تحتفظ بالماء

بالتوفيق

[al5yare]

شكرا ياذيب. بس الشتله هذه من يوم زرعتها وهي هذا طولها ماتغير تطلع افرع جديده بطيئه جدا وبعدين جميع الشتلات اللي زرعتهم طالو وكبرو وتفرعو الا ثنتين بقو على حالهم وشكرا

[الذيب الأبيض]

غريبه والله

اجل يمكن تحتهم حصاة

او مع احترامي لك نسيت وغرستها مع الأصيص (السطل) كيد صارت معي :)

وممكن يكون عيب خلقي في جينات البذره مثل اقزام البشر

والا يمكن انك زراعهم فوق بيت جني <<< يبي ينجلد ههههههه :D

[al5yare]

ههههههههه حلوه لاوالله كل شي تمام من غير سطل بيت جني لا بس بيت جرذي يمكن ?????

[al5yare]

أشكركم إخواني الاعزاء فعلا" الشتله اللي قصيتها جيتها امس ولقيت نموات جديده فيها الله يعافيكم والحمدلله

al5yare

[ذيب الفقارة]

السلام عليكم ورحمة الله وبركاته

من وجهة نظري الذيب الأبيض على صواب

خاصة من ناحية زراعتها على صخرة أو حصاة

ولذلك تبقى فترة طويلة ولا تتحسن ألا بعد تجاوز

جذورها تلك الصخرة

تحياتي

[al5yare]

شكرا ذيب الفقاره

[فرقاص]

اتوقع نموها بطيء