ونه بقير فورتشنر فزعتكم

[qaaz]

السلام عليكم ورحمة الله وبركاته

معي فورتشنر 13 ماشي 64 الف سته سلندر قير عادي

مغير زيوت السياره بالوكاله يوم مشى 40 الف

واسمع ونه اذا غيرت النمره من 2 الى 3 واذا كنت شاد الموتر ما اسمع ونه واذا حطيته ب 5 اسمع ونه اذا كان ماشي 100 الى 120 واذا رجعته للرابع تروح الونه واذا تعديت ال 120 وهو بالخامس تروح الونه

فزعتكم مادري وشي علته

[qaaz]

المشاهدات ٦٣ ولا رد !!!

[الفهيد بدر]

وده للوكالة هم ابخص

[المميـز]

:

حصلت مع واحد موتره 6 سلندر قير عادي
يوم مشى 80 الف طلعت ونه بالخامس على سرعة 120
وداه الوكاله وغيروا له زيت القير وطلعت ونه بالرابع والخامس بعد تغيير زيت القير
ورجعه لهم وبعد النقاشات معهم توصلوا الى تغيير ترس الخامس والرابع وراحت بعدها الونه
اعتقد مالك الا ترجع للوكاله لانه لازال على الضمان والافضل انك مغير عندهم زيت القير على 40 الف
يعني الان الموضوع معك بكل الحالات ان شاء الله

:

[عيش صحاري]

نصيحه ياشباب اللي معه قير عايدي لا يفكر يغير زيت القير ابدا لان زيت القير العادي مايغير وسلامتكم

[hamido]

نصيحه ياشباب اللي معه قير عايدي لا يفكر يغير زيت القير ابدا لان زيت القير العادي مايغير وسلامتكم
ليش موتري اغير زيت القير بنفسي كل 50 الف وماشي الحين حول 200 ولا شفت خلاف اهم شي الزيت الموصي به الكتلوج بالعكس اغلب الي مايغيريون زيت تجيهم قره بالنحاسات
موتري اكستيرا
ام تحط زيت من البنشر اكيد بيون

[qaaz]

جزاكم الله خير ماقصرتوا

[تشقوينا]

القير العادي ما يتغير الزيت

فقط الاتوماتيك يتغير مع الفلتر كل 70 او 80 الف كيلو

وثاني شي ترى ترس الرابع لحاله وباقي التروس مع بعض الاول والثاني والثالث والخامس

على العموم خل عنك خرابيط الوكالة

رح للورش المتخصصه في الجير الاتوماتيك وراح يفيدونك ان شاء الله

[المميـز]

:

على حسب معلومات الكاتلوج لسيارات تويوتا ان القير العادي يغير كل ٤٠ الف
والتماتيك كل ٨٠ الف
وباعتقادي انه مافيه احد ابخص من اللي صنعها :)
لكن حنا نمشي على مقوله قديمه ( القير العادي مايغير لكن يزاد فقط )
وهذي اللي دمرت مواترنا والله اعلم :)

:

[فتك08]

:

على حسب معلومات الكاتلوج لسيارات تويوتا ان القير العادي يغير كل 40 الف
والتماتيك كل 80 الف
وباعتقادي انه مافيه احد ابخص من اللي صنعها :)
لكن حنا نمشي على مقوله قديمه ( القير العادي مايغير لكن يزاد فقط )
وهذي اللي دمرت مواترنا والله اعلم :)

:

:good::good2::good:
هذا الكلام و ياشين الاجتهادات
الصانع ابخص بصنعته

[تشقوينا]

حياكم الله جمعيا


وكلامكم احترمه


لكن الوكالة ليس كل شي تكتبة صحيح بالكاتلوج


وفيه شغلات حاطين لها عمر افتراضي او انها تتغيير وهي مهو لازم تتغير


ومثل البواجي ليس دليل اني ما اغيرها الا كل 100 الف او زي ما هم كاتبين


بعض الاحيان تبدلها قبل وبعض الاحيان تبدلها بعد ما تمشي 150 الف كيلو


وهي ترجع على الاستخدام


وعندك بعد بعض الوكالات تحط عمر افتراضي لقماشات الفرامل و و و و و .....


انا لي 15 سنه ما عمري غيرت زيت القير العادي ولجميع مواتري


و بعد كل الي اعرفهم ما غيروا زيت القير . لا تقول هذا الي اعدم مواترنا


هذي زي العسل ولا تشكي من شي .. والي يبي يمشي على كلام الوكالة


وكل ماقالوا غير وبدل قالهم ابد سوو كل شي انتم ابخص


هو حر بنفسه وبحلاله وبكب دراهمه على هالوكاله الي يشوفها هي الابخص والاصح


على العموم .. اختلاف الرأي لا يفسد في الود قضيه


سلملم ......

[يعرب بن قحطان]

السلام عليكم ورحمة الله وبركاته

موضوع القطع الأستهلاكيه فالسياره وعمرها الأفتراضي هوه بعد أختبارات أجرتها الشركات في ظروف صعبه
يعني لما الشركة تكتب أنه الزيت لازم يغير بعد 40 ألف أو 80 ألف هو بعد أقصى أستهلاك في الأختبار وكذلك بالنسبة للبواجي.
وفي الواقع الي يحدد العمر الأفتراضي للقطعه هوه طريقة أستخدامك للسياره.

وشكرا