مشكلة في الدفرنس

[nissane]

السلام عليكم
انا عضو جديد لكن متابع للمنتدى
اتمنى من اصحاب الخبره افادتي
عندنا دودج دورانجو 2009 المشكلة ان الدفرنس ضرب
وطلع الزيت منه
تم شراء دفرنس من التشليح وتركيبه
كانت السيارة ممتازة لمدة بسيطة تقريبا 3 ايام
وبعدها نبدأ نمشي وبسرعة حول 60 وترجع
مشكلة ان الكفرات الخلفية تصلب من نفسها
بمعنى نفس وضع لما استخدم البريك والسيارة ماشية
نبدا نحرك السيارة للأمام ماتتحرك وكأن فيه حجر مقابل الكفرات
نرجع ريوس عادي المشكلة مو عارفين من ايش
حتى دينمو الدبل تم تغييرها ومافي فايدة
هل تتوقعون المشكلة من القير او الدبل

[ناوي خير]

اذا نظامه دفع مستمر

اذا سوا كذه فك عامود كردان الخلفي

وارفع كفره واحده من قدام

وشوف يتحرك القير والكفر الامامي

وكمان اختبار

بعدما تنزل العامود

ارفع الدفرنس الخلفي وحرك كل كفره وشوف تتحرك والا لا


وهذى المشكله اذا ماسواها من قبل فمعناته في التروس الفرقيه داخل الدفرنس وخاصه لو فيه دف لوك ممكن المشكله منه

لكن استعن بالله وبحس الملاحظه

قبل تخسر اى شئ كثير

وموفق ان شاء الله

[nissane]

جزاك الله خير اخوي ماقصرت
المشكلة كانت ان نسبة الدفرنس الخلفي غير عن الدفرنس الامامي
لان الدفرنس ماخذة تشليح
طبعا هذا كلام مبدأي لان الى الان ماحصلت دفرنس في تشاليح لنفس الموديل دبل
وفي الوكالة سعر 16 الف لاكن قالي شخص انه يجي كامل بكل شي
ودفرنس فقط سعره حول 8 الف بنتأكد والله يكتب الي فيه خير
الخوف ان اشتري وكالة وماتنحل المشكلة

[ابوسند9]

وعليكم السلام
طيب ايش هي مشكلة الدفرنس الاول ؟ هل كان فيه صوت ,
او فقط خروج زيت ,لان خروج الزيت فقط استبدال صوفه
كذلك المفترض فكيت الكارونه وشفت ايش مشكلتها فممكن تحتاج ترس او رمان او بنيون ولو الدفرنس الاول عندك حاول تشوف ورشة تكشف عليه

[جني صغير]

انتبه لا تتكسر التروس داخل الكارونه الأمامية

[بوعبدالعزيز84]

جزاك الله خير اخوي ماقصرت
المشكلة كانت ان نسبة الدفرنس الخلفي غير عن الدفرنس الامامي
لان الدفرنس ماخذة تشليح
طبعا هذا كلام مبدأي لان الى الان ماحصلت دفرنس في تشاليح لنفس الموديل دبل
وفي الوكالة سعر 16 الف لاكن قالي شخص انه يجي كامل بكل شي
ودفرنس فقط سعره حول 8 الف بنتأكد والله يكتب الي فيه خير
الخوف ان اشتري وكالة وماتنحل المشكلة

السلام عليكم
اذا انت شاك ان المشكله من اختلاف نسب الدفرنسات نزل عمود الدبل وجرب واذا ضبط الموتر خله بدون عمود الدبل كحل مؤقت وللمعلومية في بعض السيارات اذا نزلت عمود الدبل ماتمشي اﻻ اذا شبكت الدبل الخفيف