هل من حل لعطل ثلاجة السيارة ؟

[4200]

سلام عليكم
لدي عطل في ثلاجة السيارة وهو تهريب في مواسير التثليج الداخليه ( على جرم ) الثلاجة حسب كلام الفني انه فيه مواسير على جدار الثلاجه وحسب افادته انه لا يمكن اصلاح هذا العطل بالرغم ان الكومبروسر والمحول والأديتر وشكل الثلاجه كله سليم ونظيف يعني حرام ارميها
نوع الثلاجه ( تاكـ ) ام قمرية
الحجم 60 لتر
مدة الاستخدام 4 سنوات تقريبا
نوع الاستخدام شبة شهري يعني مكروفه لاكن محافظ عليها
من عنده حل لا يبخل علينا الله يجزاكم خير

[saleh2015]

اكيد تتصلح

شوف مين وكيلها واساله عن اغلصيانه

[4200]

اكيد تتصلح

شوف مين وكيلها واساله عن اغلصيانه

الوكيل يقول ما تتصلح :no2:

[بن نويشر]

اعتقد كل شيء وله عمر ..
ودامك كرفتها فالحمد لله .. يعوضك ربي بغيرها
يعني ما قصرت معك الثلاجة .. وفك وحده جديدة
وصلى الله على نبينا محمد

وحالياً عند الراشد للتبريد بالقصيم عروض ولفترة محدودة على الثلاجات

حط رجلك والحق لك على وحيده .. يقولون ان الدعوى طق وطقيقي ..

[أبو شيري]

عندي لك نفس الحجم 60 لتر الرمايه
بالكرتون جديده ما استخدمتها لتوفر ثلاجه أخرى

[ابوحسام9]

اعرضها على اي واحد من مصلحين ثلاجات البيت وخله يرهملك مواسير التبريد خارجي ويلغي الداخلي انشاء الله تضبط مجرد اقتراح

[4200]

الله يعطيكم العافيه على الردود وماقصرتو
والحمدلله تم التوصل لحل اعتبره انا مفيد جدا بالنسبة لي من ناحية الجوده والسعر, الثلاجه تم عرضها على الأخ الفاضل فهد الرميح بالرياض شخص مختص بصيانه ثلاجات السيارات على وجه الخصوص انسان راقي بالتعامل وحريف بالمهنه وشيء مشرف لشبابنا السعودي افضل من الاجانب الي يستغلون جيوبنا وفوق ذلك يتعلمون زبده الموضوع انه حصلت عنده جرم ثلاجه استيل خربان الكومبروسور حقها فقط لاكن جرم الثلاجه سليم ونظيف وتم نقل الكومبروسور حق ثلاجتي الخربانه والمحول والمراوح والاديتر على الثلاجه الاستيل شغل ترهيم والحمدلله نجحت الفكره وباقل التكاليف اعتذر على الاطاله وشاكر لك من ادلى برايه

[ابوحسام9]

مشاء الله تبارك الله ويعطيك من خيرها ويكفيك شرها ممكن تعطيني رقم فهد الرميح ابغى استشيره

[4200]

الله يبارك في عمرك ولا يهينك
ابشر لك رساله على الخاااااص

[كايد]

زين الحمد لله

كنت برسل لك رقمه .....رجل فاهم في الثلاجات

والله الايدي العاملة السعودية فاهمين أكثر من هالاجانب
وغير كذا ابن البلد
دمتم بود

[ابوحسام9]

ياشباب عندي ثلاجه يشتبك صوت الثلاجه مع جهاز الايكوم يصدر صوت مزعج بجهاز الايكوم اضطر افصل الثلاجه وراسل
ارجو من لديه الحل يفيدني

[أبو شيري]

ياشباب عندي ثلاجه يشتبك صوت الثلاجه مع جهاز الايكوم يصدر صوت مزعج بجهاز الايكوم اضطر افصل الثلاجه وراسل
ارجو من لديه الحل يفيدني

هل اختبرت التسليك ؟

مثلا نزل الثلاجه عند وجه الموتر بالأرض واشبكها على سلك لوحدها على الاساسيه واذهب شغل الكنود أو العكس .

لو راح الصوت راح يكون الخلل بالتسليك فيه تماس

[ابوحسام9]

يعطيك العافيه اخوي ابو شيري
ركبت ثلاجة اخوي على نفس التسليك ماطلع الصوت واذاا رجعت ثلاجتي ترجع المشكله

[راع الولع]

السلام عليكم
ارسلي رقم فهد محتاجة استشارة لاهنت

[K.S.A.A]

فهد الرميح رجال محترم وفاهم في الشغله. بس مشكلته هالايام مشغوووول بالحيل ومايستقبل الا نوع واحد من الثلاجات. اللي يعرف فني غيره ياليت يدلنا عليه. سوو خير ياجماعه. وياليت يكون في الرياض.