مطلوب برميل مندي غاز

[NAIF M]

السلام عليكم ورحمه الله وبركاته

اخواني ابي اعرف طريقه برميل المندي غاز
وهل هو يعتبر افضل من الحطب

ووين احصله بالقصيم .. وكم سعره تقريباً

وشششكراً لكم

[أبوصالح9]

اذا تبي شوري خل عنك الغاز واشتر الكهربائي-- لايفوتك - هو ثلاث احجام اللي اعرفه الوسط سعره 1300 ريال - ويستاهل سعره - انت شف وش المقاس اللي تحتاجه على حسب الاشخاص اللي بالعادة يكونون معك والمقاس الوسط يكفي حق 15 شخص بالراحة - والتعليمات بالورقة اللي تجي معه - اهم شي الكهرب انتبه تشبكه على توصيلة سلكها ضعيف خله السلك مباشر بالفيش واذا تبي تستخدم توصيلة له استخدم توصيلة سلكها 4 ملي مثل حق المكيفات وفيش اصلي ماتكلفك 60 ريال لك وللزمن السعر طبعا حسب طول السلك اما الفيش الانجليزي سعره 12 او 13 ريال حسب سعر المحل - والشي الثاني لاتنسى تشيل اي قطعه بلاستيك بالشبوك اللي تجي معه عشان مايطلع رزكم بطعم النايلون شيك على كل شي داخل الفرن وخارجه او اي قطعه معه - كشن بصلك وطماطك ولاتنقع الرز ابد غسل بس - وصب ماء بارد على الكشنه وكب الرز وارفع الماء فوق الرز مقدار 10 سانتي يعني مقدار اصبع السبابة عاد اذا اصابعك طوال مالي شغل اذا صار رزك جريش - طبعا الحرارة تكون على 180 واسدح لحمك او دجاجك على الشبوك وسلقط القدر بوسط الفرن همن حط الدجاج او اللحم فوقه طبعا بالشبوك مسدحات وحط الوقت على 66 او 70 - يعني ساعه وعشر تقريبا - الوقت على حسب اللي بتطبخه دجاج لحم ارانب عصافير كرك تمساح مدري وش بتطبخ-- طبعا يجي معه فوطتين انت بتستخدم وحده فقط وخل الثانية سبير - ركب الفوطه على كامل الغطاء مثل الحزام يعني وسكر الغطاء واكبس القفل - منب مطول عليك شف النشرة اللي تجي معه به كل شي

المحل عند بيت الرحلات بعنيزة

عقبال ماتفتح مطبخ ونتعشى من يدينك

[jabnet]

أفضل برميل مندي حق مؤسسة نوح التجارية ويجي معه تعليمات ولهم موقع فيه الوصفات بالفيديو ويشحن لك البرميل اذا انت خارج فروعهم .. لا تدور غيره أبد

[saleh2015]

اذا تبي شوري خل عنك الغاز واشتر الكهربائي-- لايفوتك - هو ثلاث احجام اللي اعرفه الوسط سعره 1300 ريال - ويستاهل سعره - انت شف وش المقاس اللي تحتاجه على حسب الاشخاص اللي بالعادة يكونون معك والمقاس الوسط يكفي حق 15 شخص بالراحة - والتعليمات بالورقة اللي تجي معه - اهم شي الكهرب انتبه تشبكه على توصيلة سلكها ضعيف خله السلك مباشر بالفيش واذا تبي تستخدم توصيلة له استخدم توصيلة سلكها 4 ملي مثل حق المكيفات وفيش اصلي ماتكلفك 60 ريال لك وللزمن السعر طبعا حسب طول السلك اما الفيش الانجليزي سعره 12 او 13 ريال حسب سعر المحل - والشي الثاني لاتنسى تشيل اي قطعه بلاستيك بالشبوك اللي تجي معه عشان مايطلع رزكم بطعم النايلون شيك على كل شي داخل الفرن وخارجه او اي قطعه معه - كشن بصلك وطماطك ولاتنقع الرز ابد غسل بس - وصب ماء بارد على الكشنه وكب الرز وارفع الماء فوق الرز مقدار 10 سانتي يعني مقدار اصبع السبابة عاد اذا اصابعك طوال مالي شغل اذا صار رزك جريش - طبعا الحرارة تكون على 180 واسدح لحمك او دجاجك على الشبوك وسلقط القدر بوسط الفرن همن حط الدجاج او اللحم فوقه طبعا بالشبوك مسدحات وحط الوقت على 66 او 70 - يعني ساعه وعشر تقريبا - الوقت على حسب اللي بتطبخه دجاج لحم ارانب عصافير كرك تمساح مدري وش بتطبخ-- طبعا يجي معه فوطتين انت بتستخدم وحده فقط وخل الثانية سبير - ركب الفوطه على كامل الغطاء مثل الحزام يعني وسكر الغطاء واكبس القفل - منب مطول عليك شف النشرة اللي تجي معه به كل شي

المحل عند بيت الرحلات بعنيزة

عقبال ماتفتح مطبخ ونتعشى من يدينك

اسدح لنا صور له لا هنت

لاني ناوي عليه

[الماني 350]

سبحان الله

[NAIF M]

تسلم ياابوصالح انت والاخوان .. شرح وافي وماقصرت

وان شاالله الله يحييك انت والموجودين كلهم نتشرف

[بداية رحال]

فعلا يا اخوان لو في برميل مندي بالغاز يكون افضل
لأنك تحتاج الى كهرباء قوية على ما اظن

سؤال / كم واط يستهلك برميل المندي ؟
واقدر اشغله على محول السيارة ولا لا