مواطير الهواء اشغلتني الله لا يشغلنا إلابطاعتة افيدوني

[mekato56]

سلام عليكم ورحمة الله وبركاته

صبحكم الله بالخير

انا من تبوك

ولي اسبوع يالربع ابغالي ماطور هواء لكفرات السيارة والكورة وغيرها

طبعا استخدامي قليل للبر والبنشر شبه نادر

لفيت المحلات وكلن يفتي من عقلة وكلن يمدح بظاعتة

ابو جمل لقيت انواع واجد وكثير جداً

ومادريت وش الزين وش الشين

ابي ماطور يكون حجمه مهو كبير وكويس عملي وينفخ بسرعة وما يسخن واجد

وياليت محل في تبوك يبيعك وعليه ضمان

تبوك مالقيت فيها وكيل او محل كويس

وشارع الزينة ماعرفت الزين من الشين

وسلامتكم يالنشاما.

[الفريح1]

خذلك ماطور ابوجمل ممتاز ومجرب وسعره معقول وكيله الشراع في الغرابي خذه منه .وله صيانه

[mekato56]

الفريح فديت راسك


لو اني بالرياض ولا الشرقية ما بلشت اروح للوكيل واخذ الاصلي

بس اخوك في تبوك

[شايم الخمشي]

رح للرمايه وخذ ماطورهم بـ345 ريال فوق الممتاز

[الصيادالمليح]

انا شريت ما طور ابو جمل اللي دبل كومبرسر بـ 100 ريال من حراج الصواريخ بجدة بعد مكاسرة مع البائع
وينفخ كفر الاكسبيديشن وهو منسم كامل في ثلاثة دقائق تقريبا

[عبدالرحمن.1]

لاتاخذ الا ابوجمل من وكيله الشراع في الغرابي واذا ماعندك الشراع في تبوك
حول قيمته وارسله لك مع ضمانه وفاتورة الشراء

[ابوراكان تبوك]

عن نفسي اخذت ساكا بـ 150 وله معي 4 سنوات الحمد لله وماشاء الله كأنه جديد وابو جمل مشكلته انواع كثيره والبائع يستغل هذه النقطه في مدح سلعته ابو جمل وخلاص

انصحك بماطور ساكا متوفر في شارع 30 بكثره

شايف الغطاء الاسود الدائري تحته موجود روؤس للكوره وسياكل الاطفال
http://www.3arog.com/shop/media/665_1.jpg

[أبو سهيل]

ماطور ابو جمل دعاية فقط
اخذت واحد قبل سنتين ضرب البستم في غضون سنة
وانخدعت بالدعاية واخذت الثاني وخرب البلف حق اللي
وكيله الشراع سيء ولا يقدم الصيانة ولا يوفر قطع الغيار
عرضت عليه الماطور وقال: (انت استخدمته في الرمل ؟) !!!!
قلت أكيد البر كله رمل وغبار !!!
قال هذا اللي خربه !!!
المفروض انك ما تستخدم هيك ماطور في الرمل !!!
قلت: انت صلحه يالجودي ونخليه المرة الجاية للسراميك 😂
قال الوكيل: للأسف ماعنا ليات !!!!
قلت والحل؟
قال تسوي له ترهيم في شارع الريل !!!!
يعني:
ماطور ابو جمل خرطي.
ووكيله الشراع ما عندك احد ..
ولا ادري هو حظي الردي معهم أو ان الناس مع الدعاية ومع الخيل ياشقرا
مصعت اللي القديم وكبسته على الماطور الجديد وفرجت والحمد لله
بس ماكل واحد دفع 700 ريال مثلي وعنده ماطورين يشلح منهم .
كنت مجهز تقرير عن تعامل وكيل ماطور ابو جمل (الشراع) وعدم تأمينه لقطع الغيار الضرورية ولكن استخرت الله وبعد ما شفت موضوعك تذكرته وقلت حرام ينخدع به غيري

[mekato56]

الله يبيض وجيهكم

رحت قبل شوي للرماية ولقيته يعبي كفر جمس صراحة مرة ممتاز

ولاكن اولا حجمة جداً كبير يا اخوان

ثانياً الرمايه يقول ماله صيانه ولا قطع غيار

اذا مشكله كهرب اسويه غير لا

ضمان مصنع اذا فيه عطل من التصنيع غير لا

وش شوركم

[ابوراكان تبوك]

حق الرمايه اذا ماني غلطان اكبر من اللي بالصوره فوق شفته قبل كذا وصرفت النضر عنه

دام الرماية ماعندهم مواطير بضمان شوف ساكو يمكن عندهم مواطير بضمان

[الرماية]

بخصوص ما طور الهواء لدينا يتوفر ضمان 6 شهور

ويتوفر صيانة

http://www.mekshat.com/pix/upload05/images250/mk113663_kk1.jpg



التفاصيل لمنتجاتنا هنا



http://www.mekshat.com/vb/showthread.php?t=672132

[mekato56]

اذا يا عزيزي ومع احترامي

موضفكم مايدري وش السالفة:j:j

[سالم محمد]

ابوجمل كلام فاضي وكلام ابوسهيل في محله
وكيل سيء ولكن اخذ سمعه فقط وحتى الماطور رديء وسعره غالي بالنسبة لجودته
انصحك ماطور رفيق الدرب راينو
لي قصير
جوده
سعر منافس
ضمان

[ابوراكان تبوك]

اذا يا عزيزي ومع احترامي

موضفكم مايدري وش السالفة:j:j

ههههههههههه المسئول المصري حق فرع تبوك الرماية 24ساعه يقرقر في التليفون مع انه رجال طيب بس دايم مشغول ولايعطيك باله
الهنود الاثنين هم اللي شايلين المحل وانا احترمهم صراحه لحسن تعاملهم واخلاقهم

واتمنى من الرماية فرع تبوك توفير عماله متخصصين في تجهيز الامور الكهربائية للسيارات لانه سمعتكم في التعامل مع الضمان لايعلى عليها بصراحه

[باديس]

خذلك ماطور ابوجمل ممتاز ومجرب وسعره معقول وكيله الشراع في الغرابي خذه منه .وله صيانه

[عبودي سدير]

يا شباب مهما كان النوع فطريقة الاستخدام هي الاهم

مثلا رميه بالرمل يؤثر
تشغيل الماطور لفتره طويله وتعبئه اكثر من سيارة بدون توقف
تشبيك لي الهواء الخارج من الماطور في البلف للكفر او الكوره قبل تشغيل الماطور تؤثر على الماطور بسبب ارتداد الهوا والافضل تشغيله ثم تشبك في الكفر

ارشح ابوجمل الاصلي ثم الرمايه ثم البقية

[صاحب الجيب]

سلام عليكم أخوي تعليقي على الموضوع
أولا: على كتابة اسم الموضوع ما يصلح نقول (الله لا يشغلنا إلا بطاعته) والصحيح نقول ( الله لا يشغلنا عن طاعته) لأنها راحه مو شغل
ثانيا: بالنسبة لماطور أبو جمل حظوظ عندي له 6سنوات بدون مشاكل نهائياً وأخوي له أقل من سنه وخرب معه مرتين
والصراحة ماطور الرماية ممتاز وأفضل لتوفر ضمان من المحل والشركة معروفة أما محلات الزينة والرحلات تبيع بدون ضمانات وكذلك كثرة الغش وتشابه المنتجات مع الاسف حيث يصعب التفريق بين المنتج الأصلي والمقلد

اتمنى أكون قدمت شيء مفيد

[أبو سهيل]

يا شباب مهما كان النوع فطريقة الاستخدام هي الاهم

مثلا رميه بالرمل يؤثر
تشغيل الماطور لفتره طويله وتعبئه اكثر من سيارة بدون توقف
تشبيك لي الهواء الخارج من الماطور في البلف للكفر او الكوره قبل تشغيل الماطور تؤثر على الماطور بسبب ارتداد الهوا والافضل تشغيله ثم تشبك في الكفر

ارشح ابوجمل الاصلي ثم الرمايه ثم البقية


والله ياعبودي وانا اخوك قد يكون ماطور ابو جمل سلك معك بتوفيق من الله عسى ربي يزيدك من فضله ..
لكن هل جربت الصيانة لدى الوكيل مؤسسة (الشراع) ؟
أو احتجت لقطع الغيار؟
ما هو شعورك وأنت تبحث عن الوكيل عصر كامل وتفاجأ بأنه لا يوفر قطع الغيار ولا الصيانة؟
وهنا مربط الفرس !!!
أي وكيل هذا؟!!
وهب أني اسأت الإستخدام رغم ان استخدامي للماطور الجديد كان استخدام حشمة وقد لاحظت سوء تصميم البلف مع بداية الاستخدام فهذا لا يعفي الوكيل من تأمين قطع الغيار اللازمة بثمنها وليس منة منه وهذا ما أعرفه في نظام الوكالات التجارية.
ملاحظة:
هذا البلف سيء وبه خلل في التصميم وسبق أن تطرق لمشاكله أحد الإخوان في موضوع بهذه الخيمة كان يصنع من البلاستيك ثم صنع من المعدن وهذا مادفعني لمعاودة شراء نفس الماركة لاعتقادي بأنه تم تلافي العيب المصنعي ولكن لا ترال المشكلة كما هي.
وكان الأحرى بالوكيل اذا لم يتلافى الخلل الموجود أن يقوم بتأمين قطع الغيار اللازمة له.
دمت بود أخي الكريم

[كايد]

عندي ابوجمل الاصلي ماشي حاله ....بس مانيب مقتنع فيه بطئ شوي خاصة الجيوب والجموس
غااي شريته370ريال .....

ياليت كل من يطرح تجربته يذكر السعر ومكان البيع .
دمتم بود

[أبوصالح9]

الصراحة شي غريب - مافيه الا عضو واحد تطرق لماطور رفيق الدرب - بكل اختصار اللي يبي ماطور لا يتعدا ماطور رفيق الدرب اشتريت منه تقريبا 11 كرتون مابين استخدام واهداءات وناس موصيني عليه وكل من جربه قال عز الله انه هذا الماطور - العيب الوحيد فيه كبر الحجم واللي مايهمه كبرر الحجم ياخذه

[خليل909]

شريت اثنين ابو جمل ومايطول ويخرب وشريت ماطور تويوتا وسلك معي وحقيقه اشوف انه يعبي الكفر اسرع من ابو جمل


http://www.mekshat.com/pix/upload06/images/2015/03/mk238571_54c9327cc9ea8.jpg

[mekato56]

طيب يالربع ماطور الرماية الصغير الي لونة ذهبي كيف وضعة


احد جربة ؟؟ وايش رايكم فيه

[كايد]

ماطور رفيق الدرب كم سعره يالربع !!!
وماطور تويوتا وين احصله ....كان يجيبه برق الحيا والحين معد شفت عندهم شئ....

[mekato56]

ماحد ردلي يالنشاما

ماطور الرمايه الذهبي الصغير احد جربة ؟؟؟

لانه هو الاقرب لي تقريباً

[أبوصالح9]

ماطور رفيق الدرب كم سعره يالربع !!!
وماطور تويوتا وين احصله ....كان يجيبه برق الحيا والحين معد شفت عندهم شئ....

ماطور رفيق الدرب
سعره 340 عند المرباع

[Hagaanaf]

يحفظك الله
مادامك تبيه للبيت ، فالحل عندي ، وحل سيعجبك
رح لم حقين التبريد ، وتلقى عندهم كمبروسورات حقات برادات مياه او مكيفات خربانه ، خذلك واحد منهن وقله يطلع لك ماسوره سحب هواء وما سوره دفع هواء وهذا كله لن يكلفك (40) ريال
بعد ذلك شف ماسورة دفع الهواء وولف لها لي نفخ ويادار مادخلك شر

[saleh2015]

شوف الماطور الي انعرضت صورته بالصفحه الاولى حق الرمايه

الحين له معي سنه وجالد ابوه بالبر وماشي معي

سعره من 250 الى 230

تراه جيد

[mekato56]

ياخوك ماطور الرمايه ماعلية الكلام ولاكن حجمة كبير مرة

وانا بحطة بالشنطة يبلشني بحجمة ودي باصغر منة ويكون جيد

[راعي الشلفاء]

السلام عليكم
الرمايه عندهم مواطير حلوه. واحد يجي 160 بار. عيبه كبير شوي
الثاني 150 بار خجمه معقول جدأ. ترا شنطة لونه اسود
اخذه من عندهم صراحه قمه الجيب دقيقه يرفع الكفر
توكل ع الله. وخذه. راح تدعيلي

[طير جراح]

والله ياعبودي وانا اخوك قد يكون ماطور ابو جمل سلك معك بتوفيق من الله عسى ربي يزيدك من فضله ..
لكن هل جربت الصيانة لدى الوكيل مؤسسة (الشراع) ؟
أو احتجت لقطع الغيار؟
ما هو شعورك وأنت تبحث عن الوكيل عصر كامل وتفاجأ بأنه لا يوفر قطع الغيار ولا الصيانة؟
وهنا مربط الفرس !!!
أي وكيل هذا؟!!
وهب أني اسأت الإستخدام رغم ان استخدامي للماطور الجديد كان استخدام حشمة وقد لاحظت سوء تصميم البلف مع بداية الاستخدام فهذا لا يعفي الوكيل من تأمين قطع الغيار اللازمة بثمنها وليس منة منه وهذا ما أعرفه في نظام الوكالات التجارية.
ملاحظة:
هذا البلف سيء وبه خلل في التصميم وسبق أن تطرق لمشاكله أحد الإخوان في موضوع بهذه الخيمة كان يصنع من البلاستيك ثم صنع من المعدن وهذا مادفعني لمعاودة شراء نفس الماركة لاعتقادي بأنه تم تلافي العيب المصنعي ولكن لا ترال المشكلة كما هي.
وكان الأحرى بالوكيل اذا لم يتلافى الخلل الموجود أن يقوم بتأمين قطع الغيار اللازمة له.
دمت بود أخي الكريم


الوكيل ملزم بقطع الغيار وبالصيانة

ليتك قدمت شكوى على وزارة التجارة

يمديك تقدم الآن

بالنسبة لي معي أبوجمل أبورأس واحد له سنوات قبل فترة سويت له بنفسي صيانة احترازية وتشحيم وماشي حاله لكنه بطيء نوعا ما

[هاوي الجكس]

حبيت افيدكم

ماطور الرمايه الكبير وماطور رفيق الدرب كلها نفس الماطور بالضبط

فرق العلامه التجارية فقط

[مخاوي البر9]

تبي نصيحتي ماطور هواء ARB الأسترالي وكيله الرماية بس غويلي أشوي عندهم نوعين منه
هذا الماطور كد ومد عن تجربه وراح تدعي لي .