عمدة أهل المقناص والصيد بالطيور

[أبوبدرالمطيري]

مساكم الله بالخير جميع

بما إني عضو جديد في مكشات تحملوني شوي .. حماس فترة ويروح

عندي استفسار عن موضوع مهم بالنسبة لي

وهو إذا كان في الرياض شخص يعتبر مرجع لهواة الصيد بالصقور أو الطواريح .. أو مثلا شخص فاتح مجلسه لمحبي الطير يقدر أي هاوي مثلا يسير عليه ويلقى عنده علوم الصيد والبيع ويستفيد من أهل الخبرة ويتعرف على نشامى يقدر يتواصل معهم ويبني معهم خوة أو منافسات أوعلى الأقل علوم الطيور الي مطروحه وعليها وسوم أهلها أو طيور مفقودة ..

مكان يقدر يتوجه له الهاوي ويستفيد منه خبرة ومعلومة تفيده.

[مخاوي دابذريع]

الله يقويك :)

[أبوبدرالمطيري]

الله يرفع قدرك مخاوي دابذريع

العين ما تعلى على الحاجب .. نبي الي نتعلم منه ويفيدنا بخبرته مثلك وشرواك

[مخاوي دابذريع]

الله يرفع قدرك مخاوي دابذريع

العين ما تعلى على الحاجب .. نبي الي نتعلم منه ويفيدنا بخبرته مثلك وشرواك

شرواك الطيب يبو بدر

فيك الخير والبركة

[Hamad18]

اْهل القنص والصيد بالصقور اْغلبهم فاتحين مجالسهم لهذي العلوم الطيبه والتعارف والبيع والمشترى
ماعليك الا تتعرف على واحد وتروح مجلسه وتتعارف على الربع اللي عنده وراح تشوف نفسك تروح
خمسين مجلس من عقبه وصدقني هذي اْحسن بدايه للهاوي منها تتعرف على الصقاقير ومنها تزيد الخبره
عندك نحن في الاْمارات هذي عاده عندنا واْهل الرياض ماعليهم زود راح تلقى مثلنا واْحسن