بيتين كتبتها قبل فتره

[عجيبان]

السلام عليكم

اخواني انا قبل فتره كتبت بيتين جاتني على الخاطر ، وليس لي خلفيه بالشعر وابي رايكم فيها

اقول....

يالله دخيلك كل ماشفت باروق
باروق رعدً باينن له سنامي
يبرق على دار المواليف برفوق
عقب البروق يهل وبله ضرامي

وسلامتكم ، انتظر ردودكم اخواني

[صافى السريره]

نظمك جميل وجبت نظمك بطاروق
.....................طاروق يطربني تمام التمامي

وان شفت باروق(ن) فانا شفت باروق
................... واللي برق عندك يخالف مرامي

البرق ناض ولمحته تقل زاروق
................... وارعد وزمجر وادلهم الغمامي

غمام يبدا والنهايه لها عوق
..................... يمكن تعدي عام من بعد عامي

والبرق لو ناشك يسبب لك حروق
...................... حروق يعقبها طويل السقامي

فان كان برقك نوضته جتك برفوق
.................... فالبرق من يمي يجض النيامي

برقك مراويحه زبيدي وزملوق
.................... والبرق من عندي يفك اللحامي

عطنا جواب(ن) يالخوي محكم الذوق
................... واحسم سنا البرقين قبل الملامي

من قبل ما يعلم غشيم(ن) ومطفوق
................... واسلم ولك مني جزيل السلامي

آل-بوهلال التميمي (ابوراكان)

[N.W.F]

صح لسانك ياعجيبان

صح لسانك ياصافي السريره ع المجراه الجزله التي عطرت بهاالموضوع

بسلوب سلس وراقي وتمكن من نظم ابيات الشعر ولونتها بالون الاحمر

وان تابع ونشوف رد عجيبان

وكل عام ونتم بخير

[عجيبان]

الله عليك يابوركان ، صح لسانك على الابيات الطيبه هاذي