بماذا تنصحونني

[aaa3]

السلام عليكم
سيارة كورلا قير تماتك 2005 غمرتها مياه السيول وهي مغرزة ولم يستطع الولد إخراجها فقل المحرك وخرج من الشعيب ولله الحمد فغمرة مياه السيول السيارة ولم تتحرك من مكانها بفضل الله .
فبماذا تنصحوني هل أصلحها وإلا بيعها تشليح أفضل ؟

[جني صغير]

سطحه وغير زيت المكينه وزيت القير ثمن شغلها

لان لما يغرق السياره يدخل الماء داخل الماكينة والقير

والحمد لله على السلامه
والموتر يتعوض بس ابن آدم ما يتعوض

[aaa3]

الله يسلمك حبيبي
وبارك الله فيك طيب زيت القير أفضل مع الفلتر أوبدون

[جني صغير]

أكيد تغير مع الفلتر اذا هو تماتيك

حتى المكينه تغير مع الفلتر وتنشف فلتر الهواء وتنشف الكويلات

[جني صغير]

بالنسبة للكويلات لا تلمسها الا اذا عيت تشتغل

[aaa3]

الله ييسر ومشكور

[1824]

طلع البواجي وافصل فيوز طرمبة البنزين طبعا بعد ما تغير الزيت والسيفون ودق سلف 10 ثواني مرتين باستراحة 10 ثواني بينهم عشان الموية تطلع مع فتحات البواجي وامورك في السليم ان شاء الله بالتوفيق لك

[سعيد الصبحي]

اخي العزيز ... الحمد لله على سلامة الولد .... أهم حاجة لا تحاول تشغل السيارة حتى تنشف تمام.. وتفك الكمبيوتر وتنظفه وتنشفه تمام .. بعدين تنزل زيت المكينة وتنظفها بمحلول تنظيف وكذلك الجير اذا اتماتيك اما اذا عادي ما يحتاج .. وتنشف التوصيلات الكهربائية كامل .. وتنظف البلكات والكويلات وتتأكد انهن ما فيهن ماء وإن شاء الله تكون تمام .. حدثت عندنا في أيام اعصار جونو أولاد عمي غرقن سياراتهم ومن ضمنهن كورولا ٢٠٠٥ .. لكنه الله يهديه حاول يشغل السيارة قبل لا ينشف الكمبيوتر وراح عليه فأضطر يغيره وينطف المكينة .. والسيارة شغالة لين اليوم تمام التمام.. ودمت بعافية وسلامة

[aaa3]

اشكر الجميع على تجاوبهم وبارك الله فيكم

[aaa3]

سوف أرسلها لورشه وربنا يعين

[aaa3]

سؤال ياشباب
غسيل المكينه لدي مراكز بترومين يكفي لأاني لما فكيت السره حقت الزيت خرجت مويه بشكل رهيب

[هاوي الديرة 1]

الله يعينك وان شاءالله بسيطة لاكن تأكد من تانكي البنزين لايكون الماء دخل فية والافضل تفكه وتنظفة

[aaa3]

سؤال ياشباب
غسيل المكينه لدي مراكز بترومين يكفي لأاني لما فكيت السره حقت الزيت خرجت مويه بشكل رهيب
بارك الله في الجميع ولكن لم تجيبوا على سؤالي

[1824]

بارك الله في الجميع ولكن لم تجيبوا على سؤالي
يا ابن الحلال سو كلامي وما عليك اهم شيء بعد ما تغير الزيت والسيفون ويفضل تغير البنزين سو كلامي الي تحت ومحلوله واذا اشتغلت اوكيغير زيت القير مرتين والفلتر مرة بالتوفيق لك


طلع البواجي وافصل فيوز طرمبة البنزين طبعا بعد ما تغير الزيت والسيفون ودق سلف 10 ثواني مرتين باستراحة 10 ثواني بينهم عشان الموية تطلع مع فتحات البواجي وامورك في السليم ان شاء الله بالتوفيق لك

[1824]

لان في موية في البساتم لازم تطبق كلامي ولا المكينة بتروح