مشكلتي مع الـ GX-R 2015 ولمبة الـ 4LO

[_fmh__]

السلام عليكم ورحمة الله وبركاته


عندي مشكلة حصلت معي أمس في موتري لاند كروزر GX-R 8 سلندر 2015

ماله شهر معي ممشاه حدود 3 آلاف

أول ما دخلت البر طفى الموتر فجأة واشتغلت لمبة 4LO

حاولت أشغل الموتر وما اشتغل ، فصلت البطارية أكثر من مرة وما نفع ، لا زال الموتر ما يشتغل ولمبة الـ 4LO لا تزال موجودة.

بعد عدة محاولات اشتغل الموتر .. ولكن طفى علي فيما بعد ورجع لنفس وضعه.

ولا يزال المبروك طافي عند الباب، مدري وش اسوي به ؟

[عاشق الهدد051]

و عليكم السلام و رحمة الله و بركاته
موترك جديد و على الضمان و لا توديه الا للوكالة
ادخل عليهم و علمهم بالمشكلة كاملة و شف وش يقولون
طبعا اتوقع انه عيب مصنعي فلذلك لا تدفع لهم و لا ريال

[غربة مشاعر]

اول شي الف مبروك الموتر والله يعطيك خيره ويكفيك شره

الفور لو هذي معناته الدبل الثقيل شغال !! تأكد ان كل شي صحيح من حيث استخدام الدبل يعني لايكون الفرار حق الدبل مفرور وانت ماتدري
او شوف عندك ورا دعسة البريك بتشوف فيش حساس اخضر لونه شوفه لايكون معلق مضغوط او شي


يعني نبيك تبدا من الاسهل واذا مانفع معك ننتقل للاصعب

افصل سلك البطارية 5 دقايق وارجع اشبكة شوف يمكن يعمل رست للمشكلة

وان مانحلت المشكلة مالك الا الوكالة وهو على الضمان

[اليامي قطر]

اخوي الغالي من العلامه اللي تقول اتوقع انها علامه الدبل الخفيف

والمواتر الجديده ماجربتها لكن يبي لها ترتيب من ناحيه فصل الدبل اذا دخلت البر

لكن يفيدونك اهل الخبره

[الشواوي]

بحثت بالنت لقيتها عيب مصنعي وهي من حساس الدبل لازم يتصلح او يتبدل فالافضل الوكاله وهم يصلحوه على الضمان

[حمد حمود]

السلام عليكم
الحل هو
افتح الكبوت وفك الغطا الي على المكينه الي علية علامة تويوتا
يوجد سلكين حساس افحصها موصله بالمكينة من جهه السائق على يمينك وانت واقف
مواجه للجيب عندي نفس المشكله كان مفكوك السلك من الظفيرة.
والسبب جرذي اكل السلك
للعلم هذا الدبل الثقيل l4o ولايعمل الدبل ابدا في هذة الحاله
اذا مقطوع ماتصلحة الوكاله يقولوا مايدخل الضمان وخبرنا وش يصير معك
وان شاء الله خير