مشكلة بالإكستيراء

[مجالس الرجال]

السلام عليكم وصباح الخيرات يا اخوان اكستيراء ضعف عزمه وبدا ياله يجيب 80 ثم ضعف حتى طفى والهواء الخارج من الشكمان ضعيف وبالتحديد عقب سيل امس بخط القصيم وقبل بيوم مهب طبيعي بس عقب المطر انتهى حتى طفى وش مشكلته وجزيم خيرا

[يزمجر]

عليكم السلام

اخوي واضح ان عندك حساس مكشووف نفس الحالة عندي هايلكس اذا غسلته بستم يتفتف يومين وبعدين يصفى هذا والله اعلم ويفيدونك الاخوان

[مجالس الرجال]

حساس تحتي الموتر والا

[أبوأسامه...]

ممكن حساس الاكسجين افصل وجرب وعلمنا ايش صار معاك

[مجالس الرجال]

فحص الكمبيوتر ما اعطى اي عطل بالحساسات
هل يكون السبب طرمبة البنزين

[ابو طلال8666]

الاكستيرا ماله فلتر بنزين اذا حساساتك سليمه تفقد الفلتر الموجود بتانكي والطرنبه والله يوفق الجميع

[السليطين]

هي وحدة من ثنتين ..

اما حساس الهواء اللي عند فلتر الهواء ..
او طرمبة البنزين

[ك و ح]

انا قد صارت لي قريب من المشكلة هذي وصار الموتر اذا هو بارد يعطيك عمره واذا احتمت السيارة وصارت حرارتها طبيعية بدأ يحومر ويدج عزمه ولا يتعدى سرعته 80 كيلو متر في الساعة ولا يتعدى الاربي ام الـ 3 ثم يكتم اذا وصلت للثلاثة وأخيراً صارت المشكلة من دبة البيئة متفحمة ومتسدده مساماتها وغيرت الدبه بوحده من التشليح بتقريباً من الـ 500 الى الـ 800 ريال شامله التركيب طبعاً السياره موديلها 2009

[مجالس الرجال]

فرغنا دبة البيئة والبواجي وبعض الشغلات وفحص الكويلات وبالنهاية طقطقت مكينة يبي توضيب وتغيير عمود الكرنك