انا ابحث عن الاسماك في الرياض

[مكيشت]

السلام عليكم ورحمة الله وبركاته
يا جماعة الخير انا من سكان الرياض واعاني من قلة وندرة وجود سمك طاااااااااااازج ، جميع الاسواق جربتها وبطرق عدة الشمال والمربع والربوة وللاسف الاسماك والصيد البحري كله تعبان وغير طازج الا في حالة نادرة ..


انا احتاج اعرف وين فيه اماكن تبيع سمك طازج فعلا بالرياض حتى لو غالي ، انا ادور كل انواع الاكل البحري ...

وعذرا لو كان الموضوع بعيد شوي عن اموركم بالصيد بس قلت لعلى وعسى يكون فيه سوق مميز او اشخاص يوصلون الرياض ..


يعطيكم العافية ،،،،

[خشم الرثمه]

عندك مطعم..عمو حمزه له كذا فرع


شارع الوشم..طريق خريص وفروع أخرى...


أذكر لديهم أحواض بها أنواع الأسماك تختار ماتريد منها


ولكن..أرخ الريال ويرتخي كل مزيون:D

[مكيشت]

اخي خشم الرثمة تسلم على تفاعلك بس انا ادور شي طازج يعني ني انا اطبخه بالبيت والبنسبة لحمزه فهو مستواه عادي انا ادور الشي المميز ...

انا زي اللي يدور اللباني والهرفي البري .. وام اللحم والملاحم بالهبل ... واسواق الوشم والشمال والربوة كلها في الغالب ما هي طازه اذا ما دخلت معظمها في تعفن وتسمم ...

المشكلة علشان اننا بالرياض ولا جدة والشرقية وجازان بها خير كثير بس هل في سوق للطازج حتى لو مره بالاسبوع

[ذيب ذهلان]

لاتتعب نفسك دورت مثلك فالرياض ماحصلت طازج عمو حمزه مريت اغلب الفروع السمك عندهم تعبان

[برهوم جدة]

انا كمان متورط فانا من جدة ونقلت للرياض واشتريت من عمو حمزة وغيره حتى المطاعم العالمية اللي يقولوا عنها عالمية.
الله لا يورييييييييييكم سمك بحر يوك . جمبري يوك. استاكوزا ما تحصل ابدا تنسى . حتى الحمر اللي يجي مع السمك يقول لك ما يسووه ، والطحينة اللي تجي مع السمك مو بلاش بفلوس وكمان اي كلام والمصيبة يحسبون ان طيحنتهم ممتازة فلما يبيع لك يبيع لك هي في زبدية البلاستيك البيضاء اللي زي حقت الفول وبـ 6 ريال . صرت ايش اسوي ؟ صرت اكلم احد الشباب بجدة يرسل لي سمك طازج ويثلجه في حافظة ويرسله لي مع سيارة تبريد للرياض . هذا افضل حل.

[بحار البريكة]

في الرياض مستحيل تحصل طازج
ولكن في طريقة اذا تعرف احد بالشرقية ممكن يشتري لك طازج من الحراج ويحطه في فلين ويحط عليه ثلج كثير ويرسله لك بالقطار ولاسيما ان رحلات القطار 3 مرات باليوم او بالطيارة
قبل كذا انا ارسلت ناجل وحريد طازج للرياض بالطيارة

[مكيشت]

الله يعطيكم العافية جميعا على هالتفاعل ...توقعت انه في حل اثاري المشكلة كبيرة في الرياض واللي يعانون كثير ...

تصدقون جتني فكرة ممكن تكون حلووووه مره ... وهي لو فيه احد يقدر يوفر كقروب لنا سمك بشكل اسبوعي او كل اسبوعين من اي مكان بس يكون طازج الى الرياض ... يعني ودي ابحث عن احد عند استطاعه يوصل سمك للرياض طازج لعدد من الناس،
يعني لو فيه عشرة اشخاص كقروب تتحرك لهم السيارة او الشحنة من الشرقية او جدة اسماك مشكلة وتتوزع عليهم بشكل محدد ومتفق عليه ... والله افضل من اكل هالدجاج اللي جاب فينا العيد ...هرمونات وامراض ... وافضل من هالسمك المريض المعفن اللي يغشون فيه اصحاب محلات الاسماك ...

اللي يشاركني باهميه هالفكرة يا ليت يساندني بها ويسمعنا صوته ... واللي عندة احد يريد ان يترزق في هالمجال فهو مطلوب بشكل كبير ويكون صاحب صنعه يعني يعرف يجيب الشي الطيب والطازج ...


وللاستفادة فيما يخص الغش لدينا بالرياض بسوف الاسماك

https://www.youtube.com/watch?v=fZvU7GTW05s

[برهوم جدة]

السلام عليكم .. اخ مكيشت . انا معاك في الفكرة وخاصة ان فعلا ما احد فكر فيها وكلامك مية مية ان اللي بيفتح هنا اسماك بيعين خير .

[برهوم جدة]

السلام عليكم . اخوي بحار البريكة . الشرقية واهلها على راسي وهم متعودين على حوتهم وانا من اهل جدة وتعرف حوتة البحر الاحمر لها عندنا تقدير وطعمها ما يعوضه اي حوت ثاني. الله ييسر الامر

[حوات الشرقيه]

السلام عليكم
اخي مكيشت ارجوا التواصل ع هذا الرقم 0598137139