نجام
25/12/2006, 01:26 AM
نومك طرب وأنا بنومي هواجيس = ماسهرك بالليل كثر الهمومي
أسهر ليا نامت عيون الهداريس = وبالليل أراعي ساهرات النجومي
اوجس بصدري مثل دق النحاسيس= الله يلوم اللي لحالي يلومي
اشوف عدلات الليالي معابيس= ولاأحدٍ من الدنيا عظامة سلومي
إعمل وتلقا وأفهم العلم بالقيس= دنياك لوزانت تراها نقومي
تضحك وتخفي لك خفي الهناديس= تفطر لها يومٍ ويومٍ تصومي
قالوا جهلت وقلت جهل ٍ بلا قيس= الجاهل اللي مايعرف اليمومي
كل القلم من كتبنا للقراطيس= وركابنا من كثر الأقران تومي
ولاخير في كثر الحكا والتماليس= وهرج ٍ بلافعل ٍ يجي به نقومي
ومن لايدوس الراي من قبل ماديس= عليه داسوه العيال القرومي
ومن لايقلط شذرة السيف والكيس= يبدي عليه من الليالي ثلومي
ومن لاخذا الدنيا بميز ٍ وتقييس= يمسي سوات اللي ببحر ٍ يعومي
والقصر مايبنا على غير تاسيس=ومن لاتعلم ماتسر العلومي
والعز فوق معسكرات السودايس= ليا قصدت اللي بالأريا رحومي
قب ٍ تنازا بالنشاما كراديس= والطير في روجاتهنه يحومي
عرج ٍ بأهلهن كنهن القرانيس= على الطريح مصوبرات ٍ كضومي
ليا جن بنا مثل النعام الاماريس = لا خف عجل ٍ مع رقاق الحزومي
استلحق اللي يطلبون النواميس= اللي من الأقصين وأدنى اللحومي
وإن جوك بالميدان مثل الدواويس= وطار الغطا عن قانيات الرقومي
لومي على اللي ينقلون العبابيس= وأهل الفرنج وكل رام ٍ لحومي
بشلف ٍ تركب فالعروق المناسيس = وقحص المهار وكل راس يزومي
وليا اختلط عج الرمك بالمقابيس= المسعد اللي حظ ربعه يقومي
صوابنا بالميل غمق ٍ ليا قيس= وطريحنا في مثبره مايقومي
وليا اكترب من بعض الأريا نسانيس=اعزم ولابد الفرج بالعزومي
باب الفرج لبسك جديد الملابيس= ينجيك حزات الكرب والزحومي
والحر لا دبت عليه النواميس = يشهر وعن دار المذله يشومي
والشيخ من يعط الفقارا المفاليس= ويبدل الساعة بعز ٍ يقومي
وليا توافق مشور السو وابليس=تبر منه وعز ربي يدومي
أربع سنين ودمع عيني هماريس= العين تسهر كن فيها هزومي
فالليل أصالي حاميات المحاميس= والصبح ألاوي كل قباً قحومي
وليا ركبت معالجات المضاريس= يبرد على كبدي لهيب السمومي
يجلي صدا قلبي ضبيح المهاريس= لاجاك شراب الحشايش يعومي
ودلال فوق النار دايم مجاليس =إكرامهن حق ٍ علينا لزومي
من صنعة الصبة وخمسٍ تخاميس= برية ٍ يعمل بها كل يومي
وبهارها هيل ٍ بليا حواسيس =كيف ٍ يعدا للنشاما القرومي
عده لحماي الجياد المراويس = وإلا الحصان اللي بقينه يهومي
حتى يزين لنا الطرب والتوانيس = والكيف طاب لمن يفك القحومي
وصلاة ربي عد رمل الطعاميس= على نبي الخلق لما لمومي
أسهر ليا نامت عيون الهداريس = وبالليل أراعي ساهرات النجومي
اوجس بصدري مثل دق النحاسيس= الله يلوم اللي لحالي يلومي
اشوف عدلات الليالي معابيس= ولاأحدٍ من الدنيا عظامة سلومي
إعمل وتلقا وأفهم العلم بالقيس= دنياك لوزانت تراها نقومي
تضحك وتخفي لك خفي الهناديس= تفطر لها يومٍ ويومٍ تصومي
قالوا جهلت وقلت جهل ٍ بلا قيس= الجاهل اللي مايعرف اليمومي
كل القلم من كتبنا للقراطيس= وركابنا من كثر الأقران تومي
ولاخير في كثر الحكا والتماليس= وهرج ٍ بلافعل ٍ يجي به نقومي
ومن لايدوس الراي من قبل ماديس= عليه داسوه العيال القرومي
ومن لايقلط شذرة السيف والكيس= يبدي عليه من الليالي ثلومي
ومن لاخذا الدنيا بميز ٍ وتقييس= يمسي سوات اللي ببحر ٍ يعومي
والقصر مايبنا على غير تاسيس=ومن لاتعلم ماتسر العلومي
والعز فوق معسكرات السودايس= ليا قصدت اللي بالأريا رحومي
قب ٍ تنازا بالنشاما كراديس= والطير في روجاتهنه يحومي
عرج ٍ بأهلهن كنهن القرانيس= على الطريح مصوبرات ٍ كضومي
ليا جن بنا مثل النعام الاماريس = لا خف عجل ٍ مع رقاق الحزومي
استلحق اللي يطلبون النواميس= اللي من الأقصين وأدنى اللحومي
وإن جوك بالميدان مثل الدواويس= وطار الغطا عن قانيات الرقومي
لومي على اللي ينقلون العبابيس= وأهل الفرنج وكل رام ٍ لحومي
بشلف ٍ تركب فالعروق المناسيس = وقحص المهار وكل راس يزومي
وليا اختلط عج الرمك بالمقابيس= المسعد اللي حظ ربعه يقومي
صوابنا بالميل غمق ٍ ليا قيس= وطريحنا في مثبره مايقومي
وليا اكترب من بعض الأريا نسانيس=اعزم ولابد الفرج بالعزومي
باب الفرج لبسك جديد الملابيس= ينجيك حزات الكرب والزحومي
والحر لا دبت عليه النواميس = يشهر وعن دار المذله يشومي
والشيخ من يعط الفقارا المفاليس= ويبدل الساعة بعز ٍ يقومي
وليا توافق مشور السو وابليس=تبر منه وعز ربي يدومي
أربع سنين ودمع عيني هماريس= العين تسهر كن فيها هزومي
فالليل أصالي حاميات المحاميس= والصبح ألاوي كل قباً قحومي
وليا ركبت معالجات المضاريس= يبرد على كبدي لهيب السمومي
يجلي صدا قلبي ضبيح المهاريس= لاجاك شراب الحشايش يعومي
ودلال فوق النار دايم مجاليس =إكرامهن حق ٍ علينا لزومي
من صنعة الصبة وخمسٍ تخاميس= برية ٍ يعمل بها كل يومي
وبهارها هيل ٍ بليا حواسيس =كيف ٍ يعدا للنشاما القرومي
عده لحماي الجياد المراويس = وإلا الحصان اللي بقينه يهومي
حتى يزين لنا الطرب والتوانيس = والكيف طاب لمن يفك القحومي
وصلاة ربي عد رمل الطعاميس= على نبي الخلق لما لمومي