ميزانية 800 إلى 1200 لشراء نظام ملاحة ومحتار

[armeyal]

صباح الخير على الجميع
حبيت استشيركم في نظام ملاحة وماخاب من استشار
حددت ميزانية 800 إلى 1200 لشراء نظام ملاحة ومحتار
هل اشتري جهاز جارمن .. أو
هل اركب شاشة بنظام ملاحة في السيارة ؟

القارمن ميزته اني ممكن استفيد منه في اي سيارة ممكن استخدمها وفي اي مكان
الشاشة بتكون ثابتة ومريحة ولا تحتاج توصيل شاحن ومرتبطة بالصوت في للسيارة

انتو وش رايكم ؟؟

[SAS2]

انتظر الليله واعلمك لاني ابروح اركب خريطة للشاشة عند مملكه الخرائط واعتقد خبرتهم كبيرة بهالمجال واقارن بينه وبين خريطة النوفي

[عمود الحماد]

والله حيرتني ماقدر ارد عليك لان الطريقتين شكلها معجبتك انت القارمن الثابت والمتحرك وحسب
ميزانيتك تحصل قارمن نوفى والشباب يفيدونك لك تحياتي

[أبو شيري]

على حسب حاجتك تأخذ ما تريد

واذا تبي نصيحتي خذ قارمن من الفئه المتوسطه أفضل من الشاشه الثابته بالسياره
لأن السياره ممكن تبيعها حتى لو بعد مدة
كذلك من فوائد القارمن تنقله معك في سيارتك او سيارة زميلك أو بالسفر الى أي دوله
وبهذا يكون أفضل من الشاشه بكثير
الشاشه اذا ما جت وكاله بالسياره لا تحرص على تركيبها لانها محدودة الفائده

خذ جهاز نوفى لو أدنى فئه سوف يخدمك مثله مثل أي شاشه وأفضل
لأن الغرض منه شي واحد تريد هدف معين يوجهك اليه سواء تذهب اليه او ترجع اليه

[armeyal]

الله يعطيكم العافية اخواني كلا بإسمه وما تقصرو

متشجع على جهاز قارمن اكثر شوي من تركيب الشاشة
لأنه راح يخدمني في اي مدينة ممكن اروحها واضطر استأجر فيها سيارة
وللعلم معي هيونداي 2009 وشاشتها وكالة بس الخرائط قديمة مرررة
والوكالة حرامية راح يضيفو كم شارع ويبون 1300 بعد التخفيض
وانا احتاج الملاحة للمدن فقط يعني ماني راعي بر

في انتظار النصائح ما نستغني عنكم

[SAS2]

توي مركب خريطة اي قو على شاشة رود روفر التعامل بالنوفي اسهل بكثير ويوم وصلت الشقة ابي اخزنها علقت الشاشة الزبدة القارمن افضل وخصوصا انه يبعد المسافة بسهوله وسرعة اكبر

[ريف النشاما]

الله يعطيكم العافية اخواني كلا بإسمه وما تقصرو

متشجع على جهاز قارمن اكثر شوي من تركيب الشاشة
لأنه راح يخدمني في اي مدينة ممكن اروحها واضطر استأجر فيها سيارة
وللعلم معي هيونداي 2009 وشاشتها وكالة بس الخرائط قديمة مرررة
والوكالة حرامية راح يضيفو كم شارع ويبون 1300 بعد التخفيض
وانا احتاج الملاحة للمدن فقط يعني ماني راعي بر

في انتظار النصائح ما نستغني عنكم



حدث الخرائط عن المحلات حقت السيارات ولا عند صدى العامة مخرج12 كانك بالرياض

وه>ي تكفيك

[armeyal]

اخوي ريف النشاما ما قصرت
قررت واتفقت مع أحد الاخوة اشتري منه جهاز
لكن بمشيئة الله احاول أمر اللي قلت عنه يمكن يقدر يحدث الخرائط للازيرا ولو اني بحثت قدام سنتين وكل المحلات المتخصصة ما قدرو يحدثوها

[أبو باسل2006]

وصلت 1250 اشتر قارمن 3597lmt شامل الخرائط
وفقك الله

[armeyal]

أهلا اخوي ابو باسل .. بالفعل هذا الموديل اللي اخذته وانا في انتظار وصوله
لك التحية والاحترام

[كايد]

غريبة 3597 سعره فوق اال2000ريال جديد

شلون صار ب1200


ممكن افادتنا !!!!

[ابوعمر الدخيل]

غريبة 3597 سعره فوق اال2000ريال جديد

شلون صار ب1200


ممكن افادتنا !!!!

ال 3597 يجي ثلاث انواع
mpc ذاكرته الداخليه 4 قيقا ولا فيه خرايط اصليه 1250 الى 1300
lmذاكرته 8 قيقا ومعه غرب اوروبا والشرق الاوسط اصليات ب 1500
lmt ذاكرته 8 قيقا ومعه اوروبا كامله اصليه وسلك شاحن لاكتشاف زحمة
المرورو وسعره 1800 ودار مودجه يضيفون الترحال وياخذون زود 400 ريال

[كايد]

جزاك الله خير
وضحت الصورة