تفتفة وضعف عزم في الفتك

[أبو الوليد 14]

سلام عليكم ورحمة الله وبركاته
عندي باترول فتك توماتيك...مشكلته :
1. عند التشغيل وهو بارد يتفتف ويقطع واحيان يطفي .
2. وانا امشي سرعة 60 مثلا وادعس نص الدعسة يقطع وتحس ان فيه شي ماسك الموتر إذا دعست له عالاخر انطلق ومشى الموتر .
مع العلم لمبة المكينة غير شغالة
(الطرمبة + الصفاية +الكوايل +الفلتر ) كلهن سليمات
افيدونا ياجماعة الخير

[M.305]

انا مثل وضعك لكن انا سوبر سفاري 4500 ..

سويت كل شيء من الي قلته انت ..

ووظبت مكينه كامله عشان شيء ذا !

مابقي الا شغله وحده اتوقع انه الشكمان ..

وانا بغير شكمان وقزوز مره وحده افضل ..
واذا تغير معي شيء ارجع واقولك ~

[أبو الوليد 14]

حساسات الشكمان كان بهن مشكلة قبل فترة وغيرتهن

[M.305]

اللي غيرته وشو ..

تحس سلك معك شوي ولا لا ؟

[أبو الوليد 14]

حساس الشكمان إذا به مشكلة تزيد صرفية البنزين شوي و الموتر ينتفض إذا كنت واقف
وبعض الناس يلغونه ....ايضا ماله علاقة بالعزم والمشكلة اللي عندي

[M.305]

ي ذيبان ..

افتح ديلكو تلقى الشاكوش .. تاكد منه بالله ..

وشف حساس سرندل .. او حساس سنسرر .. حساس كرنك


نظف حساس دعسه ..

اتوقع اني افدتك او حاولت اساعدك ~

[صباح القايله]

المشكلة الأولى

نظف اللهات حقت الهواء وراح تخف معك
وممكن تروح

والثانية فلتر الهواء والله أعلم

[السليطين]

صار لنا مثل مشكلتك ...
وفحصنا الطرمبه عند اكثر من واحد وكلهم يقولون سليمه ,.,

لكن مااعتمدنا على كلامهم وغيرناها ركبنا طرمبة فتك والموتر الحين له اكثر من سنه من ابدع مايكون ولله الحمد

[أبو الوليد 14]

اللهاة او الدعسة او الثروتل ...نظفناه ماتغير شي
الفلتر ...جديد
الطرمبة مغيرها من قرابة 3 شهور اصلية حقت فتك ...ايضا شيكت على دفعها سليمة
الديلكو وزنته
حساس الكرنك ...يبيلنا نفحصة

جزاكم الله خير جميعا

هل يوجد ورشة فاهمة للباترول بالرياض غير ورشة التركي والثنيان ؟

[ابوسند9]

وعليكم السلام
طيب فك خرطوش فلتر الهواء وشيك عليه تمام لايكون مخروم
كذلك بعد تنظيف الدعسة هل وضعت شوي زيت بعمود اللهات
فلو تفك الخرطوش وتشيك عليه ومنها تزيت عمود االهات والشغله ما تاخذ عشر دقايق وما يحتاج ورش
وبرضو افصل اصابع البطارية وجرب
كذلك شيك على فيش فلتر الهواء (الحساس) يعني شغل والسيارة تتفتف حركة بيدك
كذلك شيك على ربلة بلف التبخير لا تكون مقطوعة
كذلك جرب رش مجموعة الدعسة اللي فيها سبرنق الدعسة ووير الدعسة ووير مثبت السرعة فربما عليها اتربة
وما تستجيب
كذلك جرب لما تشغل تدعس بنزين للاخر كذا مره
كذلك طرمبة البنزين هل يوم تغيرها كنت موجود بالورشه ؟ام من جماعة نزل السيارة وامرك بعدين ,كذلك فلتر الهواء تاكد انه اصلي
كذلك هل لما تشغل وتدعس على الدعسه شي بيسط هل تروح التفتفه ام لا؟
برضو شوف فيه قربة صغيره شابكة مع خرطوش فلتر الهواء مع النص شيك على القفيز وشيك عليها لاتكون فيها كسر
اخيرا , فقط افحص واعمل ما ذكرته لك ولا تستعجل با الذهاب للورش فا احينا المشكله بحكم خبرتي المتواضعه تختفي من نفسها

[السليطين]

طيب شيكت على كويلات البواجي او البواجي نفسها ؟؟؟ يمكن منها

[أبو الوليد 14]

هلا بك ابوسند
الخرطوش الموتر عليه فلتر رياضي مع الانتيك ....فكيته ورجعت حق الوكالة ماختلف شي ويمكن اسوا من قبل
الطرمبة ذكرت اني مغيرها قبل فترة قريبة مع الصفاية وكنت موجود ومعاه وهو يفك ويركب
جميع ماذكرت يابو سند شيكت عليه مع بعض الشغلات الثانية بالبيت اول ماجت المشكلة ...ماتغير شي

( مشكلة إذا شغلته وهو بارد مايشتغل بسرعة وإذا اشتغل يقطع احيان يطفي لكن إذا احتمى الموتر يصفى ... والمشكلة الاكبر اللي هو التقطيع وانت ماشي وضعف العزم )

اخوي السليطين
الكوايل فحصتها كمبيوتر وكان فيه اثنين بهن ضعف ...غيرت الثنين وغيرت جميع البواجي معهن بنفسي بالبيت لكن للاسف ماختلف شي

والشك انه بالضفيرة (كهرب)..الموتر احيان وانت ماشي تسمع طقة او صرقعةاو فرقعة كهرب

[cadillac911]

اخوي شيك على حساسات النوك سنسر


اذكر الله تكسب حسنة

[السامي2011]

احتمال كبير انه من الكويلات ...الافياش نفسه شيك عليها فيش فيش ... الصرقعه هذي الي تقول من المكينه ولا الظفيره تاكد ؟

[ابوسند9]

طيب
انت تقول ضعف العزم ,,اذا تقصد انه لما تمشي الدعسة تكون ثقيله والسيارة يا الله تمشي ,فهنا جرب بدل كتاوت الدعسه
برضو حاول تشيك على فيش الدعسه
وكذلك فيش الديلكو
فك الافياش وشيك عليها
ولو تعرف حد معه فتك جرب بدل حساس فلتر الهواء
غير ذلك الرياض ما فيه ورش عليها الكلام مالك اللى يوسف الخضير ببريدة,
وفيه ورشة المحرك الافضل با الصناعية القديمة بالرياض مر عليهم وشوف

[أبو الوليد 14]

طيب
انت تقول ضعف العزم ,,اذا تقصد انه لما تمشي الدعسة تكون ثقيله والسيارة يا الله تمشي ,فهنا جرب بدل كتاوت الدعسه
برضو حاول تشيك على فيش الدعسه
وكذلك فيش الديلكو
فك الافياش وشيك عليها
ولو تعرف حد معه فتك جرب بدل حساس فلتر الهواء
غير ذلك الرياض ما فيه ورش عليها الكلام مالك اللى يوسف الخضير ببريدة,
وفيه ورشة المحرك الافضل با الصناعية القديمة بالرياض مر عليهم وشوف

تصدق عاد يابو سند كل اللي تقوله مسويه اول ماجته المشكلة ولا فاد
لكن ابشرك الحمد لله الموتر عقله الله وانحلت المشكلة وش تتوقعون المشكلة ؟!!

[ابوسند9]

والله يا ابو الوليد منك نستفيد, والحمد لله انك حصلت المشكله
والفتك خاصه صعب التوقع من وين المشكلة ,لانه احينا يطلع لك شي ما تتوقعه
لكن انا اتوقع فلتر الهواء

[بومهاجر]

اخوي انا بساعدك بس وضح المكينه

انا ريال لي خبره فالموتر هذا

[ابونجم العنزي]

الحمدلله على حل مشكلتك

وانا عندي نفس المشكله ياليت تفيدنا بالحل

[أبو الوليد 14]

بو مهاجر ...يامال العافية ماتقصر يالغالي المشكلة الحمد لله انحلت

المشكلة ياجماعة الخير لي شابك بالطرمبة كان مرتخي وثبتناه زين
طبعا الموتر اختلف 180 درجة
والحمد لله على كل حال

[ahmdd0074]

اخوي كانت معي نفس المشكله بالظبط فيه بالكبوت فيشين الي هو حساس الشكمان او حق التلوث فكيته وظبط مليون بالميه ولاكن لمبة المكينه تكون شغاله ولعلمك لازم تغير فلتر الهوى وكاله وانشاء الله تكون حليت المشكله

[Faristn]

قد يكون حساس الفلتر او حساس القزوز و تحتاج الى برمجه حصلت لي من قبل و تم حلها ولله الحمد.

[الساهر40]

السلام عليكم
أخواني ملاك الفتك ( كانت عندي نفس المشكلة اذا شغلت السيارة وكانت باردة تقطع وعلى وشك تنطفي ولاتقبل بنزين حتى تسخن)
وغيرت أشياء كثيرة ولكن دون فائدة حتى أحد فروع الحمراني سابقا لم أجد عندهم حل ، كنت اسمع تنسيم من القزوز وكل مرة يزيد توكلت على الله وفتحت القزوز الراكب في المكينة وجدت الوجه الراكب في راس المكينة تالف وأيضا أحد شعاب القزوز مكسور غيرتها كلها والحمدلله زالت المشكلة الآن لاتقطيع حتى لو درجة الحرارة صفر كذلك تحسن عزم الموتر
لذا تأكدووووا من القزوز والوجيه قبل ماتغير أي قطع ثانية والله يوفق الجميع